កាលពីសប្តាហ៍មុន Business Insider បានធ្វើការពិសោធន៍ទៅលើការលាងដៃនឹងជែល និង ការលាងដៃដោយប្រើទឹកសាប៊ូ ហើយប្រើប្រាស់ភ្លើងពណ៌ស្វាយសម្រាប់ពិនិត្យមើលភាពស្អាតរបស់វា។ ខាងក្រុមការងារបានធ្វើការបញ្ចាំងភ្លើងពណ៌ស្វាយ ទៅលើបាតដៃ ដែលមិនទាន់បានលាងសម្អាត…
កាលពីសប្តាហ៍មុន Business Insider បានធ្វើការពិសោធន៍ទៅលើការលាងដៃនឹងជែល និង ការលាងដៃដោយប្រើទឹកសាប៊ូ ហើយប្រើប្រាស់ភ្លើងពណ៌ស្វាយសម្រាប់ពិនិត្យមើលភាពស្អាតរបស់វា។
ខាងក្រុមការងារបានធ្វើការបញ្ចាំងភ្លើងពណ៌ស្វាយ ទៅលើបាតដៃ ដែលមិនទាន់បានលាងសម្អាត ហើយធ្វើការថតទុកប្រៀបធៀប។ ដៃដែលមិនទាន់បានលាងនោះ គឺជាដៃដែលបានទៅប្រើប្រាស់ និងប៉ះពាល់របស់ផ្សេងៗនៅទីសាធារណៈ ក៏ដូចជារបស់របរនៅក្នុងផ្ទះ។ ពេលបញ្ចាំងមើលទៅ គឺឃើញថា មានភាពកខ្វក់យ៉ាងខ្លាំង។
បន្ទាប់មកគេក៏បានសម្អាតដោយប្រើប្រាស់ជែលលាងដៃ ដែលមានលក់នៅលើទីផ្សារ។ ក្រោយពីបានសម្អាតរួច យើងឃើញថា វាមិនបានយកបាក់តេរីចេញពីដៃរបស់យើង ដូចការលាងដៃនឹងសាប៊ូនោះទេ។ វាគ្រាន់តែបន្សាបបាក់តេរីនៅលើដៃប៉ុណ្ណោះ។ នេះគឺអាចធ្វើឱ្យបាក់តេរីដែលនៅសល់នោះអាចរស់ឡើងវិញនៅពេលក្រោយ។
ដូចដែលក្រុមការងារបានរកឃើញជាមួយនឹងការពិសោធន៍ផ្ទាល់ខ្លួន ជែលលាងដៃ គឺមានប្រសិទ្ធភាពអាចបន្សាបបាក់តេរីបាន តែមិនអាចមានប្រសិទ្ធភាពល្អដូចការលាងដៃនឹងសាប៊ូនោះទេ។
មន្ត្រីសុខាភិបាលយល់ស្របថា វាជាគំនិតល្អសម្រាប់មនុស្សគ្រប់គ្នាប្រើប្រាស់ ជែលលាងដៃពេលដែលគ្មានទឹកប្រើប្រាស់សម្រាប់លាងដៃ ប៉ុន្តែបើមានទឹកលាងដៃ និងសាប៊ូប្រើ សូមប្រើប្រាស់ការលាងដៃនឹងសាប៊ូជាការប្រសើរ៕ ដកស្រង់ចេញពីវេបសាយ ៖ businessinsider (កែសម្រួលដោយ ៖ បុប្ផា)
ចែករំលែកព័តមាននេះ