ប្រទេសអ៊ីរ៉ង់ ៖ ការឆ្លងរាលដាលនៃវីរុស COVID-19 ប៉ះពាល់ដល់ស្ទើរគ្រប់ខេត្តទាំងអស់របស់អ៊ីរ៉ង់ ដែលនៅប្រទេសនេះអាជ្ញាធរប្រកាសនាថ្ងៃទី៤មីនាពីមនុស្សបាត់បង់ជីវិត សរុប៩២នាក់ទាក់ទិននឹងវីរុសនេះ ដែលនោះជាតុល្យការធ្ងន់ធ្ងរបំផុតមួយនៅក្រៅប្រទេសចិន។ អង្គការសុខភាពពិភពលោកWHOយល់ថា វីរុសពិតជាឆ្លងរាលដាលខ្លាំងនៅអ៊ីរ៉ង់…
ប្រទេសអ៊ីរ៉ង់ ៖ ការឆ្លងរាលដាលនៃវីរុស COVID-19 ប៉ះពាល់ដល់ស្ទើរគ្រប់ខេត្តទាំងអស់របស់អ៊ីរ៉ង់ ដែលនៅប្រទេសនេះអាជ្ញាធរប្រកាសនាថ្ងៃទី៤មីនាពីមនុស្សបាត់បង់ជីវិត សរុប៩២នាក់ទាក់ទិននឹងវីរុសនេះ ដែលនោះជាតុល្យការធ្ងន់ធ្ងរបំផុតមួយនៅក្រៅប្រទេសចិន។
អង្គការសុខភាពពិភពលោកWHOយល់ថា វីរុសពិតជាឆ្លងរាលដាលខ្លាំងនៅអ៊ីរ៉ង់ ហើយបានព្រមានប្រឆាំងការខ្វះបណ្ដាឧបករណ៍ការពារសម្រាប់បណ្ដាបុគ្គលិកសុខាភិបាល។ សម្រាប់ពេលនេះប្រធានាធិបតីអ៊ីរ៉ង់លោកហាសាន់រ៉ូហានី បានបដិសេធសំណើដែលមានលក្ខខណ្ឌ នៃការផ្ដល់ជំនួយរបស់អាមេរិកដើម្បីជួយប្រទេសលោក ក្នុងការប្រយុទ្ធប្រឆាំងជំងឺនេះ ដោយបរិហារបណ្ដាទណ្ឌកម្មអាមេរិកថា ពិសពុលដែលនាំឲ្បប៉ះពាល់ ដល់ការហូរចូលនៃថ្នាំពេទ្យមកកាន់អ៊ីរ៉ង់។
យោងតាមតុល្យការចុងក្រោយរបស់ក្រសួងសុខាភិបាលអ៊ីរ៉ង់ថា មនុស្ស២.៩២២នាក់បានឆ្លងវីរុសCOVID-19នៅអ៊ីរ៉ង់ ដែលមានប្រជាជនសរុបប្រមាណជាជាង៨០លាននាក់។ក្នុងសន្និសីទសារព័រត៌មានប្រចាំថ្ងៃមួយ អ្នកនាំពាក្យក្រសួងសុខាភិបាលអ៊ីរ៉ង់ លោកគីអានូសហ្សាហានពួរថ្លែងថា ចំនួនអ្នកឆ្លងវីរុសសរុបដែលអះអាងរយៈពេល២៤ម៉ោងចុងក្រោយនេះមាន៥៨៦នាក់ ក្នុងនោះ១៥នាក់បានត្រូវបាត់បង់ជីវិត។
តុល្យការសរុបនៃអ្នកបាត់បង់ជីវិតដោយសារវីរុសនោះនៅអ៊ីរ៉ង់បានឡើងដល់៩២នាក់។ តាមអ្នកនាំពាក្យរូបនោះថា តំបន់ដែលប៉ះពាល់ខ្លាំងជាងគេគឹខេត្តតេហេរ៉ង់និងទីក្រុងកូម ចម្ងាយ១៥០គីឡូម៉ែត្រពីរដ្ឋធានីតេហេរ៉ង់។
នៅខេត្តតេហេរ៉ង់មានអ្នកឆ្លង២៥៣នាក់ និងនៅក្រុងកូមមានអ្នកឆ្លង១០១នាក់។ ជំងឺCOVID-19 ពេលនេះប៉ះពាល់ដល់ខេត្តទាំង៣១របស់អ៊ីរ៉ង់ លើកលែងតែខេត្តមួយគឹខេត្តBOUCHEHR ក៏ទោះបីជាអាជ្ញាធរបានចាត់បណ្ដាវិធានការ ប៉ុនប៉ងទប់ស្កាត់ដូចជាបិទសាលារៀននិងសាកលវិទ្យាល័យ ផ្អាករៀបចំព្រឹត្តិការណ៍វប្បធម៌និងកីឡារហូតដល់ការជួបជុំគ្នាសូត្រធម៌រាល់ថ្ងៃសុក្រទៀតផង។ ម៉ោងធ្វើការរដ្ឋបាលក៏កាត់បន្ថយដែរ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ