ប្រទេសឥណ្ឌា ៖ មន្ទីរពេទ្យក្រុងញូវដែល្លីមួយរាយការណ៍ថា តុល្យការនៃអំពើហិង្សាអន្តរសហគមន៍ ក្នុងទីក្រុងញូវដែល្លី នាថ្ងៃទី២៥កុម្ភៈ អ្នកបាត់បង់ជីវិតមានដល់១៣នាក់ ហើយមនុស្ស១៥០នាក់ទៀតរងរបួស។
សង្កាត់ជាច្រើននៃក្រុងញូវដែល្លីរដ្ឋធានីឥណ្ឌា ចាប់តាំងពីថ្ងៃទី២៣កុម្ភៈមក ជាទីលាននៃឆាកកាប់សម្លាប់គ្នាក្នុងក្រុង។ ពួកបះបោរដែលប្រដាប់ដោយដុំថ្ម ដាវនិងរហូតដល់កាំភ្លើងខ្លី បានសាបព្រោះភាពចលាចលនិងការភ័យខ្លាច ក្នុងបណ្ដាតំបន់ជាយក្រុងដែលមានពួកអ៊ីស្លាមភាគច្រើននាភាគឦសានក្រុង។
ក្រៅពីអ្នកបាត់បង់ជីវិត មនុស្ស១៥០នាក់រងរបួស ក្នុងនោះប្រមាណជា១០នាក់ស្ថិតក្នុងស្ថានភាពធ្ងន់ធ្ងរ។ភាគច្រើននៃអ្នកបាត់បង់ជីវិតដោយសារគ្រាប់កាំភ្លើង ហើយក្នុងចំណោមអ្នកបាត់បង់ជីវិត ទាំងនេះ ៨នាក់កើតមាននាថ្ងៃទី២៥កុម្ភៈ។
ការប៉ះទង្គិចគ្នាកើតមានរវាងពួកអ្នកគាំទ្រ និងពួកអ្នកប្រឆាំងច្បាប់ដ៏ចម្រូងចម្រាស់ស្ដីពីការផ្ដល់សញ្ជាតិ ដែលពួកអ៊ីស្លាមយល់ថា មានការរើសអើង ហើយបានប្រែក្លាយទៅជាការប៉ះទង្គិចគ្នារវាងសហគមន៍ គឺរវាងពួកហិណ្ឌូនិងពួកអ៊ីស្លាម៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ