គួរឱ្យកត់សម្គាល់ណាស់ ចាប់តាំងពីពេលចេញលក់រថយន្តលេខអូតូមក គេអាចទាយទុកមុនថា ទីផ្សាររថយន្តលេខដៃនឹងអាចបាត់មុខ ។ នៅឆ្នាំមុននេះ គេបានរកឃើញថា ចំនួនរថយន្តលេខដៃ ដែលបានលក់ចេញតិចជាង២% នៃចំនួនរថយន្តលក់បានទាំងអស់។…
គួរឱ្យកត់សម្គាល់ណាស់ ចាប់តាំងពីពេលចេញលក់រថយន្តលេខអូតូមក គេអាចទាយទុកមុនថា ទីផ្សាររថយន្តលេខដៃនឹងអាចបាត់មុខ ។ នៅឆ្នាំមុននេះ គេបានរកឃើញថា ចំនួនរថយន្តលេខដៃ ដែលបានលក់ចេញតិចជាង២% នៃចំនួនរថយន្តលក់បានទាំងអស់។ នេះគឺពិតជាតិចមែនទែន ដល់ថ្នាក់ថា សូម្បីតែរថយន្តអគ្គិសនីក៏លក់បានច្រើនជាងនេះដែរ។
កាលពីខែវិច្ឆិកាឆ្នាំមុន ទិន្នន័យចុងក្រោយបានបង្ហាញថា យានយន្តដែលប្រើថាមពលអគ្គិសនីមានចំនួននៃការលក់លើសរថយន្តលេខដៃ នៅក្នុងទីផ្សារសហរដ្ឋអាមេរិក ដោយមានទំហំកាន់តែធំ។ រថយន្តប្រើអាគុយមានចំនួននៃការលក់ដល់ទៅ១,៦% នៃការលក់រថយន្តថ្មីទាំងអស់សម្រាប់ឆ្នាំមុន ធៀបនឹងរថយន្តលេខដៃ ដែលមាន១.១%។
នោះមិនគួរជាការភ្ញាក់ផ្អើលទេ ។ រថយន្តលេខអូតូបានមានភាពប្រសើរឡើងជាលំដាប់ និងមានការស៊ី សាំងល្អក្នុងប៉ុន្មានឆ្នាំថ្មីៗនេះ។ ក្នុងពេលជាមួយគ្នានេះដែរ ក្រុមហ៊ុន Tesla បានបង្កើនការផលិត Model3 ដែលមានតំលៃសមរម្យ ហើយក្រុមហ៊ុន Chevrolet នៅតែបន្តចេញលក់រថយន្ត Bolt EV ខណៈដែលក្រុមហ៊ុនផលិតរថយន្តនៅលើសកលលោកជាច្រើនរាប់មិនអស់នៅទីបំផុតបានប្រឡូកចូលក្នុងវិស័យនេះដែរ។
រថយន្តអគ្គិសនី នឹងមានការរីកចម្រើនទៅមុខកាន់លឿនជាងនេះ។ ដរាបណា ហេដ្ឋារចនាសម្ព័ន្ធសាកអាគុយ នៅតែបន្តពង្រីក ហើយបច្ចេកវិទ្យាអាគុយកាន់តែប្រសើរឡើង រថយន្តអគ្គិសនីនឹងមានតម្លៃថោកជាងនេះបន្តិចម្តងៗ ជាមួយនឹងសមត្ថភាពសាកអាគុយឆាប់ពេញ និងជិះបានយូររាល់ការសាកថ្មម្តង៕
ចែករំលែកព័តមាននេះ