រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា មានករណីអគ្គិភ័យបានឆាបឆេះផ្ទះឈើប្រក់ក្បឿងមួយខ្នងទំហំ៥ម៉ែត្រគុណ៨ម៉ែត្រដែលសង់លើដីឡូត៍ទំហំ៥០ម៉ែត្រគុណ១០០ម៉ែត្រ បណ្តាលឱ្យឆេះអស់ទាំងស្រុង ខណៈម្ចាស់ទុកចោលជាយូរមកហើយនោះ ។ ហេតុការណ៍ខាងលើនេះបង្កការភ្ញាក់ផ្អើលកាលពីវេលាម៉ោង២និង៥០នាទីរសៀលថ្ងៃទី៧ កុម្ភៈ ឆ្នាំ២០២០…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា មានករណីអគ្គិភ័យបានឆាបឆេះផ្ទះឈើប្រក់ក្បឿងមួយខ្នងទំហំ៥ម៉ែត្រគុណ៨ម៉ែត្រដែលសង់លើដីឡូត៍ទំហំ៥០ម៉ែត្រគុណ១០០ម៉ែត្រ បណ្តាលឱ្យឆេះអស់ទាំងស្រុង ខណៈម្ចាស់ទុកចោលជាយូរមកហើយនោះ ។
ហេតុការណ៍ខាងលើនេះបង្កការភ្ញាក់ផ្អើលកាលពីវេលាម៉ោង២និង៥០នាទីរសៀលថ្ងៃទី៧ កុម្ភៈ ឆ្នាំ២០២០ នៅចំណុចដីឡូត៍មួយកន្លែង ស្ថិតក្នុងភូមិចំបក់មាស សង្កាត់បាក់ខែង ខណ្ឌជ្រោយចង្វា ។
ម្ចាស់ផ្ទះកើតហេតុខាងលើឈ្មោះដេវិត ភេទប្រុស អាយុ៣៥ឆ្នាំ ។
តាមសេចក្តីរាយការណ៍បានបន្តថា ផ្ទះកើតហេតុខាងលើត្រូវបានម្ចាស់ទុកចោល ដោយមិនមានតបណ្តាញអគ្គិសនីនោះទេ ហើយពាក់ព័ន្ធនឹងមូលហេតុ ត្រូវបានគេសង្ស័យថា មានក្មេងមករកឃ្មុំ ដោយដុត ឬបោះកន្ទុយបារីចោលទៅលើសំរាម និងស្មៅ ទើបបង្កជាអគ្គិភ័យឆេះរាលដាលដល់ផ្ទះខាងលើតែម្តង ។
តាមសេចក្តីរាយការណ៍បានបន្តទៀតថា ក្នុងហេតុការណ៍ខាងលើបានប្រើប្រាស់រថយន្តពន្លត់អគ្គិភ័យចំនួន៤គ្រឿង ក្នុងនោះរថយន្តពន្លត់អគ្គិភ័យរបស់ក្រុមហ៊ុនចំនួន៣គ្រឿង និងរថយន្តពន្លត់អគ្គិភ័យរបស់ទីក្រុងជ្រោយចង្វាចំនួន១គ្រឿង ហើយភ្លើងបានរលត់ទៅវិញនៅវេលាម៉ោង៣និង១៥នាទីរសៀលថ្ងៃដដែល ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ