រាជធានីភ្នំពេញ ៖ ពិធីការិនី សុខ សោម៉ាវត្តី និងកីឡាករបាល់ទាត់មានជំនាញខ្សែការពារកណ្តាល លោកលី វ៉ាហេទ មួយរយៈមុនពួកគេបានបង្ហោះរូបភាពថតមង្គលការឈុតរៀបការ។ ម្នាក់ៗមានការរីករាយពេលទទួលដំណឹងមួយនេះ…
រាជធានីភ្នំពេញ ៖ ពិធីការិនី សុខ សោម៉ាវត្តី និងកីឡាករបាល់ទាត់មានជំនាញខ្សែការពារកណ្តាល លោកលី វ៉ាហេទ មួយរយៈមុនពួកគេបានបង្ហោះរូបភាពថតមង្គលការឈុតរៀបការ។ ម្នាក់ៗមានការរីករាយពេលទទួលដំណឹងមួយនេះ ដោយសារតែសុខ សោម៉ាវត្តី លែងនៅម្នាក់ឯង ព្រោះតែរកបានមនុស្សលួងបេះដូងជាប្រុសស្អាតរឹងមាំ។
យ៉ាងណាមិញ អ្នកទាំង២ប្រហែលជាលើកពេលមួយគ្រា ដោយមិនទាន់ដាក់ការកំណត់ ព្រោះតែការចាប់ដៃបង្កើតជំនួញ។
សុខ សោម៉ាវត្តី និងលោក លី វ៉ាហេទ ស្ងាត់ៗស្រាប់តែចំណាយដើមទុនបង្កើតមុខរបរលក់ផលិតផលសុខភាពជាអាហារបំប៉ន។ ពួកគេបានចេញសិក្សាឈ្វេងយល់ពីរបៀបពន្យល់ណែនាំលើផលិតផលដល់អតិថិជនយ៉ាងល្អិតល្អន់ ដែលគេនិយមនិយាយថា ចេះអ្វី ចេះឱ្យមានគ្រូ។
សុខ សោម៉ាវត្តី មានគំនិតរកស៊ីស្រឡាញ់ជំនួញមួយនេះយូរមកហើយ ព្រោះនាងយល់ថា មនុស្សរីកចម្រើនអាស្រ័យលើសុខភាពជាសំខាន់ បើសុខភាពមិនអំណោយផលការងារក៏មិនទៅមុខ។
តបជាមួយនឹងរឿងរៀបការ សុខ សោម៉ាវត្តី ដែលត្រូវប៉ាន់ទីផ្សារភាពយន្តរឿងដុំ បានថ្លែងថា «រកស៊ីសន្សំប្រាក់សិន ទាន់មានពេលវេលាអំណោយផល។ រៀបការមួយភ្លែតទេ ដើម្បីប្រកាសឱ្យគេដឹង សំខាន់រួមគំនិតគ្នាដឹកនាំហាងជោយដើរទៅមុខ មានគ្រឹះល្អសិន»។
ចំណែករឿងផ្ទាល់ខ្លួនដំបូងគិតថា រៀបចំ តែក៏ប្តូរទៅជាការមកជួយលើមុខរបរឱ្យល្អ ទើបគិតតាមក្រោយ។ សម្រាប់នាង និងវ៉ាហេទ ក៏សម្រេចចិត្តថា ចាប់ដៃគ្នាពង្រឹងមុខងារថ្មីឱ្យដើរ ទើបអាចនិយាយជំហ៊ាននោះបាន។ រង់ចាំបន្តទៀត ក៏មិនទាន់ហួសពេល ព្រោះម្នាក់ៗសុទ្ធតែយល់ពីអារម្មណ៍គ្នាទៅវិញទៅមក ទើបឈានដល់កម្រិតនេះ។ (កែសម្រួលដោយ ៖ បុប្ផា)
ចែករំលែកព័តមាននេះ