អាហារដ៏​ពិសេស​​​ជួយ​ឱ្យ​​អ្នក​ឆ្អែត​បាន​យូរ


ធ្លាប់​ដឹង​ទេ​ថា ​អាហារ​អ្វីខ្លះ​ជួយ​ឱ្យ​មាន​អារម្មណ៍​ឆ្អែត​បាន​យូរ?​កុំ​បារម្ភ​! ថ្ងៃនេះ​វេ​ប​សាយ​សុខភាព Health.com.kh នឹង​បង្ហាញ​ពី​អាហារ​ដែល​សម្បូរ​ដោយ​ជាតិ​សរ​សៃ​ជួយ​ឱ្យ​ឆ្អែត​បាន​យូរ ៖

១. ផ្កា​ខាត់ណា​ខៀវ ៖ មិន​ត្រឹមតែ​មាន​ផ្ទុក​សម្បូរ​ទៅ​ដោយសារ​ធាតុ​ប្រឆាំង​អុកស៊ីតកម្ម​ដែល​ល្អ​សម្រាប់​សុខភាព​ទប់ស្កាត់​សូ​ម្បី​ជំងឺមហារីក​ប៉ុណ្ណោះ​ទេ ប៉ុន្តែ​ការ​រួម​បញ្ចូល​ផ្កា​ខាត់ណា​ខៀវ​ក្នុង​របប​អាហារ​ប្រចាំ​ថ្ងៃ​ក៏​ជួយ​ឱ្យ​ឆ្អែត​បាន​យូរ​និង​មាន​ថាមពល​ផង​ដែរ​។ នេះ​ក៏​ព្រោះតែ​បន្លែ​នេះ​ជា​ប្រភព​ដ៏​ប្រសើរ​បំផុត​មួយ​នៃ​ជាតិ​ស​សៃ​។ ត្រឹម ១ ពែង​នៃ​ផ្កា​ខាត់ណា​ខៀវ​ចំហុយ ឬ​ស្ងោរ​មាន​ផ្ទុក​ជាតិ​ស​សៃ​ដល់​ទៅ ៥ ក្រាម​។

២. ផ្លែ​បឺ​រ ៖ ផ្លែ​ឈើ​នេះ​ក៏​ជា​អាហារ​សម្រន់​ដ៏​ល្អ​សម្រាប់​សុខភាព​និង​ជួយ​ឱ្យ​ឆ្អែត​បាន​យូរ​ផង​ដែរ​។ ប៉ុន្តែ​ការ​ទទួលទាន​ច្រើន​ពេក​អាច​ធ្វើ​ឱ្យ​កើន​ទម្ងន់​ក៏​ព្រោះ​ផ្លែ​បឺ​រ​មាន​ផ្ទុក​ជាតិ​ខ្លាញ់ monounsaturated​។

៣. សណ្ដែក ៖ មាន​ផ្ទុក​ជាតិ​ប្រូតេអ៊ីន​និង​ជាតិ​ស​សៃ​ខ្ពស់​ជួយ​ឱ្យ​ឆ្អែត​បាន​យូរ​។ ត្រឹម​កន្លះ​ពែង​នៃ​សណ្ដែក​មាន​ផ្ទុក​ជាតិ​ស​សៃ ៨ ក្រាម​និង​ជាតិ​ប្រូតេអ៊ីន ៩ ក្រាម​។

៤. គ្រាប់​អាល់​ម៉ុ​ន ៖ ជា​ប្រភព​ដ៏​ល្អ​បំផុយ​មួយ​នៃ​ប្រូតេអ៊ីន ជាតិ​ស​សៃ និង​អាស៊ីត​ខ្លាញ់​សុខភាព​ល្អ​អូ​មេ​ហ្កា ៣​។ អាល់​ម៉ុ​ន​ជា​អាហារ​សម្រន់​ពេល​ថ្ងៃ​ប្រសើរ​បំផុត​ដោយ​ជួយ​ឱ្យ​ឆ្អែត​បាន​យូរ​ទប់ទល់​ការ​ឃ្លាន​បាន​ពេញ​មួយ​ថ្ងៃ​។ ទោះជា​យ៉ាងណា​មិន​ត្រឹម​ទទួលទាន​លើស​ពី​មួយ​ក្ដាប់ដៃ​ពេញ​ឡើយ​។ កន្លះ​ពែង​នៃ​គ្រាប់​អាល់​ម៉ុ​ន​មាន​ផ្ទុក​ជាតិ​ស​សៃ ៩​ក្រាម​។

៥. ផ្លែ​សា​រី ៖ ក៏​ជា​អាហារ​សម្រន់​ដ៏​ល្អ​ជួយ​ឱ្យ​ឆ្អែត​បាន​យូរ​ផង​ដែរ​តាម​រយៈ​ជាតិ​ស​សៃ​ខ្ពស់​ដែល​ផ្លែ​ឈើ​នេះ​មាន​ផ្ទុក​។ ផ្លែ​សា​រ៊ី​ទំហំ​មធ្យម​មួយ​ផ្លែ​មាន​ផ្ទុក​ជាតិ​ស​សៃ​៥.៥​ក្រាម​។

៦. គ្រាប់​ជី ៖ កុំ​ភ្លេច​រួម​បញ្ចូល​គ្រាប់​ជី​ក្នុង​របប​អាហារ​ប្រចាំ​ថ្ងៃ​របស់​អ្នក​ប្រសិនបើ​ចង់​ឆ្អែត​បាន​យូរ​និង​មាន​សុខភាព​ល្អ​។ ត្រឹម ២ ស្លាបព្រា​នៃ​គ្រាប់​ជី​មាន​ផ្ទុក​ជាតិ​ស​សៃ​ដល់​ទៅ ៩.៨​ក្រាម​។

៧. ការ៉ុត ៖ មិន​ត្រឹមតែ​ល្អ​សម្រាប់​សុខភាព​ភ្នែក​ប៉ុណ្ណោះ​ទេ ប៉ុន្តែ​ការ៉ុត​ក៏​ផ្ដល់​នូវ​វីតាមីន​ខ្ពស់​និង​ជា​ប្រភព​ដ៏​ប្រសើរ​នៃ​ជាតិ​ស​សៃ​ដែល​ជួយ​ឱ្យ​ឆ្អែត​បាន​យូរ​ផង​ដែរ​។

៨. ផ្លែ​ប៉ោម ៖ ការ​ទទួលទាន​ផ្លែ​ប៉ោម​អាច​ជួយ​ឱ្យ​អ្នក​ឆ្អែត​បាន​យូរ​ដោយសារ​បរិមាណ​នៃ​ជាតិ​ស​សៃ​ដែល​ផ្លែ​ឈើ​នេះ​មាន​ផ្ទុក​។ ផ្លែ​ប៉ោម​ទំហំ​មធ្យម​មួយ​ផ្លែ​មាន​ផ្ទុក​ជាតិ​ស​សៃ ៤.៤​ក្រាម (​ប្រភព​ពី​៖ Health.com.kh)៕ (​កែសម្រួល​ដោយ ៖ បុប្ផា​)

សុខភាព

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ