រាជធានីភ្នំពេញ ៖ តារាសម្តែងដែលពូកែខាងធ្វើទឹកមុខទួញសោកស្រក់ទឹកភ្នែក ទើបតែទទួលបានភាពទាក់ទាញ លោកអង់ ឆាយទី ត្រូវបានគេបង្ហើបប្រាប់ថា លោកជិតលាឈប់ពីវិថីសិល្បៈជាផ្លូវការហើយ ដើម្បីចាកចេញទៅរស់នៅសាងជីវិតថ្មីនៅលើទឹកដីជឿនលឿនមហាអំណាចនៃសហរដ្ឋអាមេរិក តាមបងប្អូនឪពុកម្តាយនៅទីនោះ ។ អង់ ឆាយទី កំពុងតែខិតខំបំពេញកិច្ចការសិល្បៈដែលនៅសេសសល់ឱ្យបានចប់ឱ្យអស់នោះ គេមិនទទួលបន្តសិល្បៈទៀតទេ ហើយនឹងហោះទៅអាមេរិកភ្លាម ប្រសិនបើមិនប្រែប្រួល គឺនៅតែប៉ុន្មានខែទៀតប៉ុណ្ណោះ ។
តារាសម្តែងដែលឧស្សាហ៍ឆក់បានការសម្តែងយ៉ាងស៊ីសង្វាក់ជាមួយតារាទឹកភ្នែក នី មុនីនាថ លោកអង់ ឆាយទី បានរៀបរាប់ពីដំណឹងលេចឮនេះថា ពេលនេះលោកកំពុងតែថតរឿងភាគឱ្យផលិតកម្មខ្មែរមេគង្គរឿង «នារីឆ្លាត» ចាប់គូជាមួយតារាសម្តែង ឌុច លីដា ទើបតែថតបាន៤ភាគប៉ុណ្ណោះ ដោយរឿងនោះត្រូវចេញថតមានរយៈពេល៤ខែកន្លះ ដោយក្នុងនោះមានតួផ្សេងទៀត សម្តែងដែលដូចជា កញ្ញា ហ៊ុយ ច័ន្ទរាជនី, ម៉ារីណែត លោកជា សំណាងជាដើម ហើយរូបលោកជាតួប៉ូលិស ។ ប្រឡូងសិល្បៈបានប៉ុន្មានឆ្នាំមក លោកធ្លាប់សម្តែងរឿង «ល្បិចស្រី» «កូនប្រសាយាយានននោងខ្មៅ» «រលកសំឡេង» «កំលោះឡឺកឺ» «សន្យាស្នេហ៍» «ដងវិថីតារា» និងរឿងចុងក្រោយ «នារីឆ្លាត» ។ ជាការពិតលោកពិតជាទៅអាមេរិកមែន ក្នុងខែ១១ខាងមុខយ៉ាងយូរ ព្រោះពេលនេះ ចាំតែទៅពិនិត្យសុខភាព ដោយលោកមានក្រុមគ្រួសារនៅទីនោះច្រើនគ្នាគួរសម ពោលគឺចេញទៅនៅរស់ទីនោះទីម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ