រាជធានភ្នំពេញ ៖ ដោយសារគ្មានទីពឹង គ្មានអ្នកមើលថែ គ្មានប្រភពចំណួលចិញ្ចឹមជីវិតចុងក្រោយ មនុស្សចាស់ត្រូវបានគេប្រទះឃើញក្លាយជាអ្នកសុំទាន តាមផ្លូវ តាមរមណីដ្ឋាន និងវត្តអារាមនានានៅពេសមានបុណ្យទានផ្សេងៗនោះ ។ មិនចាច់ទៅណាឆ្ងាយ ទៅត្រឹមសួនសត្វភ្នំតាម៉ៅ ភ្នំព្រះរាជទ្រព្យ ជាដើមនោះ គេនឹងប្រទះឃើញដូនចាស់ជាច្រើនលើកដៃសំពះសូមប្រាក់ពីមនុស្សមនុស្សម្នាទំាងឡាយ ។
ទំនងដោយសារមនុស្សចាស់មានបញ្ហាច្រើនដូច្នេះហើយ បានជាមាគមមនុស្សនៅកម្ពុជា បានស្នើសូមបណ្ណសមធម៌ពីរដ្ឋាភិបាល ដើម្បីពួកគាត់ទទួលបានសេវាសង្គមនានាឥតប្រាក់ ពិសេសសេវាសុខាភិបាល ដែលជាផ្នែកមួយសម្រាលការលំបាក និងការប្រឈមរបស់មនុស្សចាស់។
ការស្នើសុំនេះបានធ្វើឡើងនៅក្នុងឱកាសសមាគនិងបណ្តាញមមនុស្សចាស់ បានប្រារព្ធទិវាមនុស្សចាស់កម្ពុជា ងមនុស្សចាស់ពិភពលោក កាលព្រឹកថ្ងៃទី២៧ ខែតុលា ឆ្នាំ២០២០។ លោកស្រី អ៊ូ វ៉ាន់ដា ប្រធានបណ្ដាញមនុស្សចាស់កម្ពុជា បានលើកឡើងថា បណ្តាញមនុស្សចាស់សូមរដ្ឋាភិបាលផ្តល់ប័ណ្ណសមធម៌ដល់មនុស្សដែលមានអាយុចាប់ពី៦០ឆ្នាំឡើងទៅ ។
លោកស្រីបញ្ជាក់ថាមនុស្សចាស់ចាប់ពីវ័យ៦០ឆ្នាំឡើងទៅ ជាវ័យចូលនិវត្តន៍ និងមិនអាចប្រកបរបរនានាបាន ដូច្នេះពួកគាត់ មិនអាចរកប្រាក់ចំណូលចិញ្ចឹមជីវិតបានទេ ពិសេសប្រាក់សម្រាប់ព្យាបាលជំងឺ ដែលមនុស្សវ័យកាន់តែចាស់ជំងឺកាន់តែច្រើននោះ។
សមាគមមនុស្សចាស់បានលើកឡើងថាមនុស្សចាស់នៅកម្ពុជា ភាគច្រើនបានពឹងលើកូនចៅចិញ្ចឹមបីបាច់នៅពេលខ្លួនបាត់បង់កម្លំាងកាយសម្បទានោះ។
ជាការកត់សម្គាល់ មនុស្សចាស់មួយចំនួនធំនៅកម្ពុជា ដែលមានកូនចៅមានចិត្តកតញ្ញូនោះបានបានបីបាច់ថែរក្សាបានយ៉ាងល្អ។ខខណៈមានខ្លះដែលក្នុងករណីនេះមនុស្សចាស់បានជំនួសមកវិញការមើលថែចៅតូចៗ នៅពេលឪពុកម្តាយពួកគេចេញទៅក្រៅប្រកបរបរចិញ្ចឹមជីវិតនានា។ មានករណីខ្លះឪពុកម្តាយបានចេញទៅធ្វើការនៅក្រៅប្រទេសរាប់ខែទើបមកផ្ទះម្តង ដោយទុកកូនតូចៗឲ្យម្តាយឪពុកដែលជាមនុស្សចាស់មើល។
ចំណែកមនុស្សចាស់ផ្សេងទៀត គ្មានទីពឹង គ្មានកូនចៅ ឬកូនចៅចិត្តមិនបាន ពួកគាត់បានក្លាយជាជនអនាថា ដើរសុំទានចិញ្ចឹមជីវិត ឬពឹងអាស្រ័យនៅនឹងវត្តអារាមជាដើម។
មនុស្សចាស់នៅកម្ពុជាដែលមានអាយុ៦០ឆ្នាំឡើង ត្រូវបានរដ្ឋាភិបាលថាមានចំនួនប្រមាណជាង១លាន។ ស្មើ៨%នៃប្រជាជនសរុប១៥លាននាក់។ មានការព្យាករថា ចំនួនមនុស្សចាស់នៅកម្ពុជានឹង កើនដល់ជាង២លាននាក់នៅឆ្នាំ២០៣០។
រាជរដ្ឋាភិបាលកម្ពុជា បានអនុវត្តគោលនយោបាយជាតិ ស្ដីពីមនុស្សវ័យចាស់ឆ្នាំ២០១៧-២០៣០ កាលពីឆ្នាំ២០១៨ដែលមានក្រសួងសង្គមកិច្ច អតីតយុទ្ធជន និងយុវនិតិសម្បទា ជាអ្នកអនុវត្ត។ គោលនយោបាយជាតិនេះ ជាប្រព័ន្ធគាំពារសុមាលភាពរយៈពេលវែង។នៅពេលប្រកាសគោលនយោបាយនេះ កាលពីថ្ងៃទី១៨ ខែមករា ឆ្នាំ២០១៨ រដ្ឋាភិបាលបានបញ្ជាក់ថា គោលនយោបាយជាតិស្តីពីមនុស្សវ័យចំណាស់ឆ្នាំ២០១៧-២០៣០ ផ្តោតលើសកម្មភាពនិងការងារអាទិភាពចំនួន៩ សម្រាប់មនុស្សវ័យចាស់ រួមមាន សន្ដិសុខហិរញ្ញវត្ថុ សុខភាព និងសុខុមាលភាព របៀបរបបការរស់នៅ បរិស្ថានដែលអំណោយផល សមាគមមនុស្សចាស់ និងវ័យចាស់ ទំនាក់ទំនងអន្ដរជំនាន់ ការរំលោភបំពាន និងអំពើហិង្សាលើមនុស្សចាស់ ស្ថានភាពមានអាសន្ន និង ការត្រៀមខ្លួនមនុស្សវ័យក្មេងសម្រាប់ឈានចូលវ័យចាស់។
ផ្អែកតាមគោលនយោបាយនេះ មនុស្សចាស់ទទួលបានការយកចិត្តទុកដាក់ពីរដ្ឋរួចទៅហើយ។ សំណូមពរមនុស្សចាស់នៅពេលនេះ ដោយសារពួកគាត់មិនទាន់ទទួលបានគោលនយោបានដែលបានប្រកាសអនុវត្តតំាងពីឆ្នាំ២០១៨នោះឬយ៉ាង?៕
ចែករំលែកព័តមាននេះ