រាជធានីភ្នំពេញ៖ តាមសេចក្តីរាយការណ៍បឋមបានឲ្យដឹងថា រថយន្តដឹកទំនិញមួយគ្រឿងបានបុកជាមួយម៉ូតូ ហើយម៉ូតូបានកៀបជាប់ក្រោមរថយន្តអូស ប្រមាណជា៥០ម៉ែត្រ បណ្តាលឲ្យក្លាយជាអគ្គិភ័យឆាបឆេះទាំងម៉ូតូ និងរថយន្ត ហើយបណ្តាលឲ្យអ្នកបើកម៉ូតូរបួសធ្ងន់បញ្ជូនទៅសង្គ្រោះនៅមន្ទីរពេទ្យជាបន្ទាន់ ។ ហេតុការណ៍នេះបានកើតឡើងនៅវេលាម៉ោង៦និង៤០នាទីព្រឹកថ្ងៃទី២៦ ខែកញ្ញានេះ នៅមហាវិថីឈ្នះឈ្នះ សង្កាត់គោករការ ។
ជនរងគ្រោះ ឈ្មោះថុន គឺមលាង ភេទប្រុស អាយុ២៥ឆ្នាំ មុខជាបុគ្គលិកក្រុមហ៊ុនទឹកសុទ្ធវីតាល់ ស្នាក់ភូមិស្លែងមានជ័យ ឃុំឈ្វាង ស្រុកពញ្ញាឮខេត្តកណ្តាលរងរបួស បញ្ជូនទៅកាន់មន្ទីរពេទ្យកាល់ម៉ែត្រ ។ ដោយឡែកអ្នកបើករថយន្តបានរត់គេចខ្លួនបាត់ ចំណែករថយន្តខាងលើម៉ាកហីយ៉ាន់ដាយ ភ្នំពេញ៣D-៣២៣១ រីឯម៉ូតូ១GH- ៧២២៦ ។
មុនពេលកើតហេតុគេឃើញមានរថយន្តខាងលើដឹកទំនិញដឹកកេះភេសជ្ជៈ លើផ្លូវមហាវិថីឈ្នះឈ្នះ ក្នុងទិសដៅពីលិចទៅកើតលុះធ្វើដំណើរដល់ចំណុច កើតហេតុស្រាប់តែមានម៉ូតូឆ្លងផ្លូវមួយគ្រឿង(ពីជើងមកត្បួង) ហើយរថយន្តនោះបានបុកម៉ូតូ ហើយកិនជាប់អូសប្រមាណជា៥០ម៉ែត្រជាប់ក្រោមរថយន្តនោះ ហើយអ្នកម៉ូតូត្រូវបានខ្ទាចចេញរងរបួសធ្ងន់ ចំណែកអ្នកបើករថយន្តប្រឹងរយ៉ែថយក្រោយដែរ តែមិនទាន់។
ក្នុងហេតុការណ៍នេះមានរថយន្ត២គ្រឿងមកពន្លត់ដែរ តែម៉ូតូត្រូវបានឆេះខ្ទេច ហើយរថយន្តឆេះមួយកំណាត់មុខ ។ ព័ត៌មានពិស្តារនឹងមានផ្សាយជូនបន្តទៀត កែសម្រួលដោយ ៖ សុឃាក់
ចែករំលែកព័តមាននេះ