ខេត្តកោះកុង ៖ សម្តេចតេជោ ហ៊ុនសែន នាយករដ្ឋមន្ត្រីបានប្រកាសឲ្យមេធាវីសិក្សាដាក់ ពាក្យបណ្តឹងលោក សម រង្ស៊ី ដែលជេប្រមាថតាមរយៈបណ្តាញសង្គមហ្វេសប៊ុកដោយសងជំងឺចិត្ត២លានដុល្លារ ។…
ខេត្តកោះកុង ៖ សម្តេចតេជោ ហ៊ុនសែន នាយករដ្ឋមន្ត្រីបានប្រកាសឲ្យមេធាវីសិក្សាដាក់ ពាក្យបណ្តឹងលោក សម រង្ស៊ី ដែលជេប្រមាថតាមរយៈបណ្តាញសង្គមហ្វេសប៊ុកដោយសងជំងឺចិត្ត២លានដុល្លារ ។ ថ្លែងក្នុងពិធីជួបសំណេះសំណាលជាមួយបងប្អូនកម្មករកម្មការិនី ប្រមាណ១៣,៨៦៦នាក់មកពីរោងចក្រសហគ្រាសចំនួន៧ នៅក្នុងខេត្តកោះកុង នៅតំបន់សេដ្ឋកិច្ចពិសេសខេត្តកោះកុង នាព្រឹកថ្ងៃទី១៣ ខែមីនា ឆ្នាំ២០១៩នេះ សម្តេចតេជោ ហ៊ុនសែនបានលើកឡើងថា«អាចង្រៃនេះ (សម រង្ស៊ី) វាថា ឯងស្គមវាថា ឯងឈឺ អាចង្រៃនេះ «…»ពេលនេះខ្ញុំកំពុងតែឲ្យមេធាវីសិក្សា ដើម្បីដាក់ពាក្យបណ្តឹងហើយឲ្យតុលាការរឹបអូសយកទាំងអស់» ។
ចំពោះភស្តុតាងនោះដែលសម្តេចឲ្យមេធាវីដាក់ពាក្យបណ្តឹងនោះ គឺមានចំនួន៣២ករណីហើយ ។ សម្តេចបានបញ្ជាក់យ៉ាងដូច្នេះថា «អាឡូវនេះមាន៣២ករណីហើយ អីញ្ចឹងបើវា ចេញមកថ្ងៃនេះទៀតបានដៃយើងហើយ ដើម្បីប្រមូលធ្វើជាវត្ថុតាងរឹងទ្រព្យសម្បត្តិក្នុងស្រុកទារមិនតិចជាង២លានដុល្លារទេ សុំប្រាប់ឲ្យហើយ ដើម្បីកុំឲ្យវាឈ្លើយវាបាននិយាយឡើងថាទម្លាយលោក ហ៊ុន សែន ចំកន្លែងកំបុតកហើយ» ។ ជាមួយគ្នានោះដែរសម្តេចតេជោក៏បានឲ្យអាជ្ញាធរនៅតាមបណ្តាខេត្តរកមើលទ្រព្យសម្បត្តិរបស់លោកសម រង្ស៊ី នៅត្រង់ណាខ្លះ ដើម្បី នៅពេលតុលាការកាត់ក្តីរឹបអូសរួចហើយនឹងត្រូវយកទៅចែកកុមារកំព្រា ។
សម្តេចគូសបញ្ជាក់ថា«អានេះនៅក្នុងស្រុកមិនហ៊ានទេ! អាងនៅក្រៅស្រុកប្រមាថជីវិតឯងរហូត ។ អាប្រមាថជីវិតដាក់ឯង «…» អានេះចូលអន្ទាក់តាស់ ។ អាឡូវវាកំពុងតាមស្តាប់ខ្ញុំ ។ ដូច្នេះពេលនេះយើងកំពុងតែឲ្យមេធាវីសិក្សា ដើម្បីត្រៀមចោទ ។ នៅពេលកាត់ទោសទារមិនតិចជាង២លានដុល្លារទេ» ។
ក្នុងឱការនោះដែរសម្តេចក៏បានការសោកស្តាយដែលប្តឹងទារសំណងជំងឺចិត្តពីលោកសម រង្ស៊ី ដែលមួយ១០០រៀល ។ សម្តេចបញ្ជាក់ថា«ថ្ងៃមុនស្តាយដែរទារវាសងជំងឺចិត្តតែមួយ១០០រៀលទ្រព្យសម្បត្តិវាម៉ាគគោក បើទារ១លានដុល្លារយកលុយទៅជួយកុមារកំព្រា ។ អីញ្ចឹងចាប់ពីថ្ងៃនេះទៅទារឲ្យច្រើនៗកុំខូចពេក ។ ធ្វើអីមិនកើតបន់ឲ្យគេងាប់ បន់ឲ្យគេគ្រោះថ្នាក់ ឥឡូវយើងគិតមើលធ្វើនយោបាយបន់ឲ្យងាប់នោះ តើធ្វើនយោបាយ ដើម្បីរួបរួម ឬដើមស្អី0x017d7»។ សម្តេចលើកឡើងថា អាឡូវនិយាយមួយលោកសម រង្ស៊ី ត្រូវតែស្បថ ព្រោះថា លោកសម រង្ស៊ី និយាយមិនទៀតនោះទេ ។
យ៉ាងណាក្តីសម្តេចអះអាងថា លោកសម រង្ស៊ី មិនហ៊ានស្បថនោះទេ ព្រោះជាមនុស្សខូច ។ សម្តេចបន្ថែមថា ពាក្យស្បថត្រូវបានគេប្រើប្រាស់នៅក្នុងពិភពលោកទាំងអស់ ក្នុងនោះមានការស្បថចូលកាន់តំណែង ស្បថចូលកាន់តំណែងជានាយករដ្ឋមន្ត្រី ស្បថចូលជាសមាជិករដ្ឋសភា ព្រឹទ្ធសភា ហើយនៅក្នុងតុលាការក៏គេស្បថដែរដូចជា ការធ្វើសាក្សីជាដើម ។ សម្តេចបន្ថែមថា «អីញ្ចឹងយើងអាចដឹងចំណុចខ្សោយរបស់ពួកគេនៅកន្លែងនឹងអីញ្ចឹង យើងអ្នកនិយាយខុស យើងស្បថឲ្យងាប់ ទាំងកូនចៅតែម្តង មិនឲ្យងាប់តែម្នាក់នោះទេ»។
សូមបញ្ជាក់ថា នៅកាលពីថ្ងៃទី១៧ ខែមីនា ឆ្នាំ២០១៧កន្លងទៅនេះសាលាដំបូងរាជធានីភ្នំពេញបានបើកសវនាការរឿងក្ដីលោក សម រង្ស៊ី អតីតប្រធានគណបក្សសង្គ្រោះជាតិករណីចោទថា រាជរដ្ឋាភិបាលកម្ពុជានៅពីក្រោយខ្នងនៃអំពើឃាតកម្មលើលោកបណ្ឌិតកែម ឡី ។ លោកសម រង្ស៊ី ជាប់ចោទពីបទ«បរិហារកេរ្តិ៍ជាសាធារណៈ និងបទញុះញង់ឲ្យប្រព្រឹត្តអំពើបង្ក ឲ្យមានភាពវឹកវរធ្ងន់ធ្ងរដល់សន្តិសុខសង្គម តាមមាត្រា៣០៥ , មាត្រា៤៩៤ និងមាត្រា៤៩៥ នៃក្រមព្រហ្មទណ្ឌ ។ កន្លងទៅរាជរដ្ឋាភិបាលកម្ពុជា ចាត់ទុកថា ការចោទប្រកាន់របស់លោក សម រង្ស៊ី មកលើសម្តេចជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាថា ជាអ្នកនៅពីក្រោយខ្នងនៃអំពើឃាតកម្មបាញ់សម្លាប់លោកបណ្ឌិត កែម ឡី នោះមិនត្រឹមតែប៉ះពាល់ យ៉ាងធ្ងន់ធ្ងរដល់កិត្តិយស និងសេចក្ដីថ្លៃថ្នូររបស់សម្តេចតេជោប៉ុណ្ណោះទេ ប៉ុន្ដែថែមទាំងមានចរិតជាការញុះញង់បំផុសបំផុលក្នុងចេតនាបញ្ឆេះកំហឹងមហាជនដែលអាចបង្កឲ្យមានចលាចលក្នុងសង្គម និងប៉ះពាល់ដល់ដំណើរការនីតិវិធីរបស់តុលាការទៀតផង ។
ជាការឆ្លើយតបនូវការចោទប្រកាន់គ្មានភស្តុតាងនេះមេធាវីតំណាងដោយអាណត្តិរបស់សម្តេចតេជោបានសំណូមពរឲ្យតុលាការផ្តន្ទាទោសលោកសម រង្ស៊ី តាមច្បាប់ និងទាមទារសំណងជំងឺចិត្តក្នុងត្រឹមតែ១០០រៀលប៉ុណ្ណោះ ៕
ចែករំលែកព័តមាននេះ