ខេត្តកំពង់ស្ពឺ ៖ សេចក្តីរាយការណ៍បឋមឱ្យដឹងថា មានករណីគ្រោះថ្នាក់ចរាចរណ៍ដ៏រន្ធត់បំផុត ដោយមានរថយន្តជាច្រើនគ្រឿងបានរងការខូចខាតយ៉ាងដំណំ និងមនុស្សក៏មានស្លាប់និងរងរបួសផងដែរ កើតឡើងនារសៀលថ្ងៃទី០៣ មករា នេះ ស្ថិតតាមបណ្ដោយផ្លូវជាតិលេខ៤…
ខេត្តកំពង់ស្ពឺ ៖ សេចក្តីរាយការណ៍បឋមឱ្យដឹងថា មានករណីគ្រោះថ្នាក់ចរាចរណ៍ដ៏រន្ធត់បំផុត ដោយមានរថយន្តជាច្រើនគ្រឿងបានរងការខូចខាតយ៉ាងដំណំ និងមនុស្សក៏មានស្លាប់និងរងរបួសផងដែរ កើតឡើងនារសៀលថ្ងៃទី០៣ មករា នេះ ស្ថិតតាមបណ្ដោយផ្លូវជាតិលេខ៤ (ជិតជ្រោះពេជ្រនិល) ក្នុងភូមិទី៦ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។
សេចក្តីរាយការណ៍បន្តថា ទោះបីជាយ៉ាងណា ជាបឋម គេទាន់ដឹងពីមូលហេតុច្បាស់ ដែលធ្វើកើតគ្រោះថ្នាក់នេះទេ ។ ដោយឡែក មនុស្ស ក៏គេមិនទាន់ថា មានអ្នកស្លាប់និងរបួសប៉ុន្មាននាក់នោះដែរ ខណៈពេលនេះ កម្លាំងសមត្ថកិច្ចចម្រុះបានចុះទៅអន្ដរាគមន៍ ដើម្បីជួយសង្គ្រោះហើយ ។
ប្រភពបន្តថា ស្ថិតនៅចំណុចកើតហេតុខាងលើ កំពុងមានការកកស្ទះចរាចរណ៍ជាខ្លាំង ដែលអ្នកដំណើរទៅមកទាំងអស់មិនអាចវិលកង់បាន ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ