រាជធានីភ្នំពេញ ៖ ខណៈបក្សប្រឆាំងកំពុងស្ថិតក្នុងការបែកបាក់ផ្ទៃក្នុងនោះអ្នកនាំពាក្យគណបក្សប្រជាជនកម្ពុជាបានអះអាងថា បក្សនេះបានបំផ្លាញលទ្ធិប្រជាធិបតេយ្យ នៅកម្ពុជានៅឆ្នាំ២០១៨ ។ លោកសុខ ឥសាន អ្នកនាំពាក្យគណបក្សប្រជាជនកម្ពុជាបានឲ្យដឹងនៅថ្ងៃទី២៤ ធ្នូថា…
រាជធានីភ្នំពេញ ៖ ខណៈបក្សប្រឆាំងកំពុងស្ថិតក្នុងការបែកបាក់ផ្ទៃក្នុងនោះអ្នកនាំពាក្យគណបក្សប្រជាជនកម្ពុជាបានអះអាងថា បក្សនេះបានបំផ្លាញលទ្ធិប្រជាធិបតេយ្យ នៅកម្ពុជានៅឆ្នាំ២០១៨ ។
លោកសុខ ឥសាន អ្នកនាំពាក្យគណបក្សប្រជាជនកម្ពុជាបានឲ្យដឹងនៅថ្ងៃទី២៤ ធ្នូថា ឆ្នាំ២០១៨ គឺជាឆ្នាំដែលលទ្ធិប្រជាធិបតេយ្យត្រូវបានបំផ្លាញដោយពួកប្រឆាំង ។ លទ្ធិប្រជាធិបតេ យ្យនៅកម្ពុជាត្រូវបានបង្កើតឡើងតាមស្មារតីនៃកិច្ចព្រមព្រៀងទីក្រុងប៉ារីស ថ្ងៃទី២៣ តុលា ឆ្នាំនា ១៩៩១ ហើយត្រូវបានពូនជ្រុំដោយការប្រកួតប្រជែងក្នុងការបោះឆ្នោតដោយសេរី ត្រឹមត្រូវនិងយុត្តិធ៌មអស់រយៈពេល៥អាណត្តិ ទើបមានបញ្ហាដោយសារបរាជ័យច្រើនដងរបស់អតីត បក្សប្រឆាំងក៏បែកគំនិតតាមការណែនាំរបស់បរទេសឲ្យលេងផ្លូវកាត់រំលងគោលការណ៍លទ្ធិ ប្រជាធិបតេយ្យចង់សាកល្បងធ្វើបដិវត្តន៍ពណ៌ នៅកម្ពុជាដោយយកគំរូតាមប្រទេសយូហ្គោស្លាវី និងស៊ែបីផ្តួលរំលំរាជរដ្ឋាភិបាលស្របច្បាប់ទាំងកម្រោល ។
លោកបន្តថា អំពើប្រព្រឹត្តចង់ផ្តួលរំលំនេះហើយដែលធ្វើឲ្យអតីតបក្សប្រឆាំងត្រូវធ្លាក់ទៅក្នុងក្តីអន្តរាយដោយត្រូវបានរំលាយចោលដោយតុលាការកំពូលតាមសាលដីកាស្ថាពរ និងបិទផ្លូវតវវា នាថ្ងៃទី១៦ ខែវិច្ឆិកា ឆ្នាំ២០១៧ ដែលធ្វើឲ្យនៅកម្ពុជាខ្វះបក្សប្រឆាំងដ៏មានសក្តានុពលក្នុងការប្រកួតប្រជែងលើទីលានប្រជាធិបតេយ្យ ។
លោកបញ្ជាក់ថា ដូច្នេះការបាត់វត្តមានរបស់បក្សប្រឆាំងនៅកម្ពុជា គឺជាលទ្ធផលនៃសកម្មភាពធ្វើនយោបាយប្រាស់ចាកគន្លងប្រជាធិបតេយ្យរបស់បក្សនេះដោយសារ តែភ្លើតភ្លើនតាមការញុះញង់ និងអប់រំណែនាំខុសបច្ចេកទេសរបស់ពួកបរទេសដែលមើលងាយខ្មែរដោយនឹកគិតថា ឆោតល្ងង់ដូចមេដឹកនាំបណ្តាប្រទេសដែលពួកគេផ្តួលរំលំបាន ។ លោកបន្ថែមថា ហេតុនេះការដែលលទ្ធិប្រជាធិបតេយ្យនៅកម្ពុជាខ្វះល្បោយបក្សប្រឆាំងខ្លាំងនោះក៏ជាកំហុសរបស់ពួកបរទេសទាំងនោះដែរ ។
ដូច្នេះការចោទប្រកាន់ថានៅ កម្ពុជានៅឆ្នាំ២០១៨ បានបាត់លទ្ធិប្រជាធិបតេយ្យនោះ គឺជាការទទួលស្គាល់កំហុសរបស់ពួកញុះញង់ចង់ឲ្យមានបដិវត្តន៍ពណ៌នៅកម្ពុជា ហើយក៏បង្ហាញពីបរាជ័យរបស់ពួកគេនៅកម្ពុជាដែរ ។ លោកសង្កត់ធ្ងន់ថា ការបរាជ័យដ៏ជូរចត់របស់ពួកគេនៅកម្ពុជាក៏ជាមេរៀនមួយប្រាប់ពួកគេឲ្យដឹងថា កុំចេះតែដើរញុះញង់ចង់បំផ្លាញគេឯងពេកមិនមែនចេះតែបានសម្រេចផលស្រួលៗទេ តែផ្ទុយទៅវិញវានឹងធ្វើឲ្យពួកគេបាក់មុខមាត់ចំពោះពិ ភពលោកទាំងមូល ។ នេះហើយហៅថា ចំណេះជិះកឯង ។
សូមជម្រាបថា ការលើកឡើងរបស់អ្នកនាំពាក្យបក្សកាន់អំណាចនេះ ខណៈដែលគណបក្សប្រឆាំងបានកំពុងតែបែកបាក់គ្នាពិសេសនោះបញ្ហាផ្ទៃក្នុងបក្សតែម្តង ។ គឺក្រុមប្រឆាំងបានបែងចែក និងគោរពមេដឹកនាំរៀងៗខ្លួន គឺក្រុម កឹម សុខា និងក្រុមសម រង្ស៊ី ៕
ចែករំលែកព័តមាននេះ