ប្រសិនជាកូនអ្នកជាបុគ្គលដែលចូលចិត្តប្តឹងអ្នកគ្រប់រឿង អ្នកអាចសាកល្បងអនុវត្តតាមវិធីមួយចំនួន ៖
1.នៅពេលដែលកូនមកប្តឹងអ្នកភ្លាម អ្នកមិនគួរទៅស្តីបន្ទោស ឬវ៉ៃម្នាក់ដែលកូនអ្នកប្តឹងភ្លាមនោះទេ ដោយអ្នកគួរតែឈ្វេងយល់ឲ្យច្បាស់ពីបញ្ហាជាមុនសិន ទើបអ្នកមិនដាក់ទោសខុសមនុស្ស ។
2.បើកូនចូលចិត្តប្តឹង អ្នកគួរតែធ្វើឲ្យគេដឹងថាពេលណាដែលគេអាចប្តឹងបាន ហើយពេលណាមិនគួរប្តឹង ។ ការធ្វើបែបនេះដើម្បីឲ្យកូនអាចកែចរិតចូលចិត្តប្តឹងចោល ។ ដូចនេះអ្នកគួរតែអប់រំ និងធ្វើជាគំរូល្អដល់កូនរបស់អ្នក ។
3.នៅពេលដែលកូនមកប្តឹង អ្នកអាចឲ្យគេគូសរូបទាំងឡាយដែលកើតឡើង ដើម្បីយកឲ្យអ្នកមើល ។
បើគេមកប្តឹងម្តង អ្នកគួរតែឲ្យគេគូសរូបម្តងពីស្ថានភាពទាំងឡាយដែលបានកើតឡើង។ នៅពេលដែលអ្នកធ្វើបែបនេះយូរ នោះកូនអ្នកនឹងអាចខ្ជិល ហើយមិនមកប្តឹងទៀតទេ ។ ដូចនេះ អ្នកអាចប្រើវិធីទាំងឡាយនេះបាន ដើម្បីទប់កូនកុំឲ្យបន្តប្តឹងទៀត (ប្រភពពី៖ Health.com.kh) ៕
ចែករំលែកព័តមាននេះ