ខេត្តបន្ទាយមានជ័យ ៖ បុរសម្នាក់បានស្លាប់នៅនឹងកន្លែងកើតហេតុ ពេលបើកបរម៉ូតូបុកគោយន្តកន្ត្រៃពីក្រោយ ។ ហេតុការណ៍បង្កឲ្យមានការភ្ញាកើផ្អើលនេះបានកើតឡើងនៅវេលាម៉ោង៦និង៤៥នាទីយប់ថ្ងៃទី១៩ តុលា ២០១៨ នៅលើកំណាត់ផ្លូវជាតិលេខ៦ ត្រង់ចំណុចខាងកើតស្ពានព្រែកជីក…
ខេត្តបន្ទាយមានជ័យ ៖ បុរសម្នាក់បានស្លាប់នៅនឹងកន្លែងកើតហេតុ ពេលបើកបរម៉ូតូបុកគោយន្តកន្ត្រៃពីក្រោយ ។ ហេតុការណ៍បង្កឲ្យមានការភ្ញាកើផ្អើលនេះបានកើតឡើងនៅវេលាម៉ោង៦និង៤៥នាទីយប់ថ្ងៃទី១៩ តុលា ២០១៨ នៅលើកំណាត់ផ្លូវជាតិលេខ៦ ត្រង់ចំណុចខាងកើតស្ពានព្រែកជីក ចន្លោះបង្គោលខ្សែភ្លើងលេខ០៦១០-០៦១១ ដែលស្ថិតនៅភូមិតាប៉ុន ឃុំទឹកជោរ ស្រុកព្រនេត្រព្រះ ខេត្តបន្ទាយមានជ័យ។
នគរបាលមូលដ្ឋានបានឲ្យដឹងថា ជនរងគ្រោះដែលស្លាប់ឈ្មោះ អែម ចន្ទ្រី ភេទប្រុស អាយុ៣៨ ឆ្នាំរស់នៅភូមិផ្លាំង ឃុំព្រៃជ្រូក ស្រុកពួក ខេត្តសៀមរាប (មានពាក់មួកសុវត្ថិភាព) ។ ចំណែកអ្នកបើកបរគោយន្តកន្ត្រៃ មិនត្រូវបានគេស្គាល់អត្តសញ្ញាណនោះឡើយ ព្រោះបានបើកគោយន្តរត់គេចខ្លួន។
ប្រភពព័ត៌មានបានឱ្យដឹងថា មុនពេលកើតហេតុ គេឃើញបុរសម្នាក់បានបើកបរម៉ូតូមួយគ្រឿងម៉ាកហុងដាឌ្រីម ធុនC125 ស៊េរីឆ្នាំ២០១៦ ពណ៌ខ្មៅ ពាក់ស្លាកលេខ សៀមរាប ១W-៥៤៥៨ បើកបរពីទិសខាងលិចទៅទិសខាងកើត ពេលដល់កន្លែងកើតហេតុខាងលើ សង្ស័យបុកគោយន្តកន្ត្រៃពីក្រោយ បណ្តាលឱ្យអ្នកបើកបរម៉ូតូបានស្លាប់នៅនឹងកន្លែងកើតហេតុ ។ រីឯម៉ូតូរងការខូចខាតធ្ងន់ធ្ងរ ។
ប្រភពដដែលបានបន្តថា បច្ចុប្បន្នសពត្រូវបានគល់ជូនក្រុមគ្រួសារយកទៅចាត់ចែងធ្វើបុណ្យតាមប្រពៃណី ៕
ចែករំលែកព័តមាននេះ