ទីក្រុងសេអ៊ូល ៖ ក្រសួងកសិកម្មរបស់កូរ៉េខាងត្បូងបាននិយាយកាលពីថ្ងៃពុធថា ពួកគេនឹងជំរុញឲ្យមានការបង្កើនតម្លៃអង្ករឲ្យស្របទៅតាមអត្រាអតិផរណាដើម្បីធានាថាកសិករក្នុងស្រុកអាចរកប្រាក់ចំណូលបានស្ថិតស្ថេរ ។ លោក Le Gae-ho រដ្ឋមន្ត្រីកសិកម្ម អាហារ…
ទីក្រុងសេអ៊ូល ៖ ក្រសួងកសិកម្មរបស់កូរ៉េខាងត្បូងបាននិយាយកាលពីថ្ងៃពុធថា ពួកគេនឹងជំរុញឲ្យមានការបង្កើនតម្លៃអង្ករឲ្យស្របទៅតាមអត្រាអតិផរណាដើម្បីធានាថាកសិករក្នុងស្រុកអាចរកប្រាក់ចំណូលបានស្ថិតស្ថេរ ។
លោក Le Gae-ho រដ្ឋមន្ត្រីកសិកម្ម អាហារ និងកិច្ចការជនបទ បាននិយាយថា រដ្ឋាភិបាលនឹងផ្ញើតម្លៃថ្មីទៅសភាជាតិនៅដើមខែវិច្ឆិកាខាងមុខ ប៉ុន្តែលោកមិនបានបង្ហើបពីចំនួនច្បាស់លាស់នោះទេ ។
លោកបានឲ្យដឹងថា អង្ករគួរមានតម្លៃ លើស ១៧៣,៨ដុល្លារក្នុង៨០គីឡូក្រាម ប៉ុន្តែសមាគមកសិករទាមទារឲ្យមានតម្លៃលើស១៧៥ដុល្លារ។
លោក Lee បាននិយាយថា ៖« ពួកយើងកំពុងតែជំរុញឲ្យតម្លៃអង្ករស្របទៅតាមអត្រាអតិផរណាក្នុងដំណើរការនៃការចរចាជាមួយនឹងសភាជាតិ »។ លោកថា ៖« ពួកយើងនឹងកែតម្លៃអង្ករដែលបានកំណត់ពីមុន ដើម្បីបង្កើនប្រាក់ចំណូលកសិករ និងជំរុញឲ្យមានការធ្វើកំណែទម្រង់ប្រព័ន្ធឧបត្ថម្ភធនអង្ករដែលល្អដូចការគិតទុករបស់សាធារណ ជន »។
គួរបញ្ជាក់ដែរថា នៅកូរ៉េខាងត្បូង រដ្ឋាភិបាលទិញអង្ករដែលដាំដុះក្នុងស្រុកប្រចាំឆ្នាំដើម្បីធ្វើឲ្យទីផ្សារមានលំនឹង និងផ្តល់ឧបត្ថម្ភធនដល់កសិករដាំដុះអង្ករជាដើម ។
ទីផ្សារអង្ករក្នុងស្រុកកំពុងតែជួបនឹងវិបត្តិផ្គត់ផ្គង់លើសលប់ ព្រោះតែប្រជាជនកូរ៉េកាន់តែច្រើនចាប់ផ្តើមកាត់បន្ថយការបរិភោគអង្ករ និងស្វែងរកអាហារដទៃដូចជា សណ្តែក និងពោតវិញ ។
រដ្ឋមន្ត្រីខាងលើបានសន្យាថា នឹងបង្កើនការខិតខំប្រឹងប្រែងផ្នែកការពាររោគឆ្លងដើម្បីទប់ស្កាត់ការរីកសាយជំងឺសត្វ ៕
ចែករំលែកព័តមាននេះ