មកស្គាល់ពីតារាកូនខ្មែរកាត់បារាំងកញ្ញា Marianne Clais តិចមើល៎
- ភ្នំពេញ
រាជធានីភ្នំពេញ ៖ ម៉ាយ៉ា និង Remy Hou ចេញទៅអាមេរិកជាមួយនឹងទំនុកចិត្តខ្ពស់ប្រវត្តិខ្លីៗពីកូនខ្មែរកាត់បារាំងកញ្ញា Marianne Clais ហៅ…
រាជធានីភ្នំពេញ ៖ ម៉ាយ៉ា និង Remy Hou ចេញទៅអាមេរិកជាមួយនឹងទំនុកចិត្តខ្ពស់ប្រវត្តិខ្លីៗពីកូនខ្មែរកាត់បារាំងកញ្ញា Marianne Clais ហៅ…
រាជធានីភ្នំពេញ ៖ ម៉ាយ៉ា និង Remy Hou ចេញទៅអាមេរិកជាមួយនឹងទំនុកចិត្តខ្ពស់ប្រវត្តិខ្លីៗពីកូនខ្មែរកាត់បារាំងកញ្ញា Marianne Clais ហៅ ម៉ាយ៉ា ទៅអាមេរិកបង្ហាញម៉ូដកម្រិតអន្តរជាតិ កាលពីព្រឹកថ្ងៃទី៥ តុលា ឆ្នាំ២០១៨ កញ្ញាម៉ាយ៉ា និងអ្នកច្នៃម៉ូតកម្ពុជា លោក Remy Hou បានធ្វើដំណើរចាកចេញពីកម្ពុជាទៅកាន់ទឹកនៃសហរដ្ឋអាមេរិក ។
ការចាកចេញនេះប្រកបដោយភាពជឿជាក់ និងទំនុកចិត្តខ្ពស់ថា នឹងទទួលបានជោគជ័យក្នុងការចូលរួមកម្មវិធីបង្ហាញម៉ូតកម្រិតអន្តរជាតិមួយនៅពេលដ៏ខ្លីខាងមុខ ។ កញ្ញាម៉ាយ៉ានាងកើតនៅប្រទេសកម្ពុជាដោយសព្វថ្ងៃមានវ័យ១៦ឆ្នាំ ។ នាងជាកូនទី២ ក្នុងចំណោមបងប្អូន៣នាក់ប្រុស១ មានឪពុកជាជនជាតិបារាំង ម្តាយជាជនជាតិខ្មែរ ។ ម៉ាយ៉ាជាក្មេងស្រីដែលចូលចិត្តធម្មជាតិ និងសិល្បៈព្រមទាំងបានកំណត់ទិសដៅ ចង់ក្លាយជាអ្នកបង្ហាញម៉ូដ និងតារាសម្តែងដ៏ល្បីនាពេលអនាគតស្របពេលឪពុកម្តាយមានការពេញចិត្ត និងបើកផ្លូវជាមួយក្តីប្រាថ្នានេះ ។ ទោះបីជានាងនិយាយភាសាខ្មែរ មិនរអិលខ្លាំងតែនាងយល់ដឹងពីវប្បធម៌អរិយធម៌ខ្មែរច្រើនដែលមានម្តាយជួយបង្ហាញ និងចាស់ទុំមួយចំនួន ។
នាព្រលានយន្តហោះអន្តរជាតិភ្នំពេញលោក Remy Hou បានលើកឡើងថា លោកត្រូវចំណាយពេលមុនមួយសប្តាហ៍ ដើម្បីមើលទីតាំងរៀបចំសម្លៀកបំពាក់ និងការហាត់សមដ៏ជាក់លាក់មួយ ដើម្បីប្រាកដថា នឹងមិនមានឧបសគ្គសម្រាប់ថ្ងៃរៀបចំកម្មវិធីពិព័រណ៍ពិភពលោកនេះមកដល់នៅថ្ងៃទី១២ ខែតុលា ឆ្នាំ២០១៨ នារដ្ឋតិចសាស ។ លោកថា កម្មវិធីបង្ហាញម៉ូតលំដាប់អន្តរជាតិនេះនឹងមានអ្នកបង្ហាញម៉ូត និងអ្នកច្នៃម៉ូតមកពី៥ប្រទេសចូលរួមមានប្រទេសឥណ្ឌា ឌូបៃ ប៉ាគីស្ថាន សហរដ្ឋអាមេរិក និងកម្ពុជា ។
លោកថាកម្មវិធីនេះក៏នឹងគាំទ្រមូលនិធិសប្បុរសធម៌ជួយដល់អ្នកជំងឺមហារីក និងមូលនិធិនៃអង្គការជួយសង្គ្រោះសត្វដំរីនៅកម្ពុជាផងដែរ ។ លោកថា មានសម្លៀកបំពាក់ចំនួន១១ម៉ូតសម្រាប់សិល្បៈករកម្ពុជា និងសិល្បៈករនៅសហរដ្ឋអាមេរិកធ្វើការស្លៀកពាក់ ដើម្បីបង្ហាញនៅលើឆាកអន្តរជាតិនេះ ហើយអ្វីដែលធ្វើឲ្យលោកជឿជាក់ថា នឹងទទួលបានការគាំទ្រនោះ គឺការច្នៃប្រឌិតម៉ូតសម្លៀកបំពាក់ដែលលោកចិញ្ចឹមចិត្តបង្កើតឡើងអស់រយៈពេល៤ឆ្នាំកន្លងមក និងចំណាយពេលវេលា៤ខែដើម្បីរៀបចំរចនា ទាំងផលិតផលសូត្រខ្មែរ និងរួមបញ្ចូលដោយគ្រឿងអលង្ការរចនាបថបែបខ្មែរ រួមដោយការដើរដោយបទចម្រៀងខ្មែរនេះ ។ លោកថា មានឈុតពិសេសជាងគេមួយនឹងត្រូវស្លៀកនៅវគ្គចុងបញ្ចប់ ដែលគ្រងដោយកញ្ញា ម៉ាយ៉ា។ លោកថាមានមោទនភាព និងមិនមានអារម្មណ៍រារែកនឹងចំណាយទាំងថវិកា និងភាពនឿយហត់នោះទេព្រោះ តែលោកចង់ក្តាប់ឱកាសបង្ហាញមុខសិល្បករខ្មែរ ទម្រង់ច្នៃប្រឌិតនៃសម្លៀកបំពាក់កូនខ្មែរនៅលើឆាកអន្តរជាតិ ។
កាន់តែពិសេសនាងបានតំណាងឲ្យនារីកម្ពុជា និងចូលរួមជួយដល់សមាគមន៍អភិរក្សសត្វដំរីនៅកម្ពុជា ។ តារាបង្ហាញម៉ូតកូនកាត់ខ្មែរបារាំងរូបនេះបញ្ជាក់ថា មុនពេលចាកចេញទៅសហរដ្ឋអាមេរិកនេះនាងបានត្រៀមខ្លួន និងហ្វឹកហាត់នៃការដើរបង្ហាញម៉ូតបន្ថែមជាមួយអ្នកជំនាញចាប់តាំងពីខែកុម្ភៈមកម្ល៉េះ ។
គួរបញ្ជាក់ដែរថា លោក Remy Hou គឺជាអ្នកច្នៃម៉ូតល្បីឈ្មោះម្នាក់ដែលលោកចាប់ផ្តើមការងារច្នៃម៉ូតផ្នែកសម្លៀកបំពាក់ចាប់តាំងពីឆ្នាំ២០០៨ និងម៉ូតស្បែកជើងចាប់តាំងពីឆ្នាំ២០១០ ។ លោកក៏ធ្លាប់បានធ្វើការស្រាវជ្រាវ និងសិក្សាស្វែងយល់អំពីការរចនាស្បែកជើង និងសម្លៀកបំពាក់នៅកម្ពុជាអស់ជាយូផងដែរ។ ខណៈដែលតារាម៉ូដែលកូនកាត់ខ្មែរបារាំង Marianne Clais ហៅ ម៉ាយ៉ាធ្លាប់បានធ្វើឲ្យទស្សនិកជនចាប់អារម្មណ៍កាន់តែខ្លាំង ក្រោយពីនាងបានបង្ហាញមុខក្នុងឈុតសម្លៀកបំពាក់បុរាណរហូតដល់ថ្នាក់គេហទំព័រកម្មវិធីប្រកួតសម្រស់កញ្ញាឯកល្បីមួយសរសើរ និងស្នើឲ្យនាងចូលរួមប្រកួតប្រជែងផ្នែកសម្រស់ផងដែរ ។
ក្រៅពីម៉ាយ៉ា តារាម៉ូដែលខ្មែរ២រូបគឺកញ្ញា ប្រិមប្រិយ សុវឌ្ឍានា (Premprey Sovothana) និងអ្នកនាង Rany Pettis ដែលកំពុងរស់នៅសហរដ្ឋអាមេរិកក៏នឹងបង្ហាញមុខក្នុងព្រឹត្តិការណ៍បង្ហាញម៉ូតកម្រិតអន្តរជាតិនាសហរដ្ឋអាមេរិកនេះផងដែរ ៕
ចែករំលែកព័តមាននេះ