ខេត្តតាកែវ ៖ បុរសម្នាក់បានស្លាប់ភ្លាមៗនៅនឹងកន្លែងក្នុងករណីគ្រោះថ្នាក់ចរាចរណ៍មួយបានកើតឡើងរវាងរថយន្តបុកជាមួយម៉ូតូ ក្នុងទិសបញ្ច្រាសគ្នា កាលពីវេលាម៉ោង៦និង៣៥នាទីយប់ថ្ងៃទី១០ ខែកញ្ញា ឆ្នាំ២០១៨ ស្ថិតនៅតាមបណ្តោយផ្លូវជាតិលេខ៣ ចន្លោះគីឡូម៉ែត្រ៩១-៩២ ក្នុងភូមិយាយឡ…
ខេត្តតាកែវ ៖ បុរសម្នាក់បានស្លាប់ភ្លាមៗនៅនឹងកន្លែងក្នុងករណីគ្រោះថ្នាក់ចរាចរណ៍មួយបានកើតឡើងរវាងរថយន្តបុកជាមួយម៉ូតូ ក្នុងទិសបញ្ច្រាសគ្នា កាលពីវេលាម៉ោង៦និង៣៥នាទីយប់ថ្ងៃទី១០ ខែកញ្ញា ឆ្នាំ២០១៨ ស្ថិតនៅតាមបណ្តោយផ្លូវជាតិលេខ៣ ចន្លោះគីឡូម៉ែត្រ៩១-៩២ ក្នុងភូមិយាយឡ ឃុំត្រាំកក់ ស្រុកត្រាំកក់ ខេត្តតាកែវ ។
ជនរងគ្រោះដែលស្លាប់ឈ្មោះ ញ៉ាត់ ធាម ភេទប្រុស អាយុ២៤ឆ្នាំ មុខរបរកសិករ នៅភូមិនៀល ឃុំត្រាំកក់ ស្រុកត្រាំកក់ ខេត្តតាកែវ ។ ចំណែកអ្នកបើកបររថយន្តមិនត្រូវបានស្គាល់អត្តសញ្ញាណ បានរត់គេចខ្លួនបាត់ពីកន្លែងកើតហេតុ។
លោកវរសេនីយ៍ទោ ជាល សុផាត នាយការិយាល័យចរាចរណ័ផ្លូវគោកខេត្តបានអោយដឹងថា មុនពេលកើតហេតុ គេឃើញរថយន្តមួយគ្រឿងម៉ាកសាមយ៉ុង ពណ៌ស ពាក់ស្លាកលេខ បាត់ដំបង ២A-៥២៩០ បានបើកបោះពួយមកពីទិសខាងកើតទៅលិច លុះមកដល់ចំណុចខាងលើក៏ជ្រុលចង្កូតទៅបុកម៉ូតូមួយគ្រឿងម៉ាកហុងដាគុបជ្រុង ធុនC90 ពណ៌ទឹកប៊ិច គ្មានពាក់ស្លាកលេខ បើកបរដោយបុរសម្នាក់ ដែលធ្វើដំណើរមកពីទិសខាងលិចទៅកើត បណ្តាលឱ្យអ្នកបើកបរម៉ូតូស្លាប់ភ្លាមៗនៅនឹងកន្លែងកើតហេតុ រីឯម៉ូតូបានរងការខូចខាត ចំណែកអ្នកបើកបររថយន្តបានរត់គេចបាត់ស្រមោល បន្សល់ទុកតែរថយន្តនៅកន្លែងកើតហេតុ។
ក្រោយពេលកើតហេតុ ប៉ូលិសចរាចរណ៍បានប្រគល់សពជនរងគ្រោះឱ្យក្រុមគ្រួសារដើម្បីយកទៅធ្វើបុណ្យតាមប្រពៃណី ចំណែករថយន្ត និងម៉ូតូត្រូវបានយកមករក្សាទុកនៅអធិការដ្ឋាននគរបាលស្រុកត្រាំកក់ដើម្បីដោះស្រាយគ្នាទៅតាមច្បាប់ ៕
ចែករំលែកព័តមាននេះ