រាជធានីភ្នំពេញ ៖ គណបក្សឆន្ទៈខ្មែរដែលកើតចេញពីអតីតអ្នកគាំទ្រគណបក្សប្រឆាំងបានប្រកាស ទទួលស្គាល់ការបើកសម័យប្រជុំពេញអង្គរដ្ឋសភាលើកដំបូងក្រោមអធិបតីភាព ព្រះករុណាព្រះបាទ បរមនាថនរោត្តម សីហមុនី។ យោងតាមសេចក្តីថ្លែងការណ៍របស់គណបក្សឆន្ទៈខ្មែរ ចេញផ្សាយនៅថ្ងៃទី៥ ខែកញ្ញា…
រាជធានីភ្នំពេញ ៖ គណបក្សឆន្ទៈខ្មែរដែលកើតចេញពីអតីតអ្នកគាំទ្រគណបក្សប្រឆាំងបានប្រកាស ទទួលស្គាល់ការបើកសម័យប្រជុំពេញអង្គរដ្ឋសភាលើកដំបូងក្រោមអធិបតីភាព ព្រះករុណាព្រះបាទ បរមនាថនរោត្តម សីហមុនី។ យោងតាមសេចក្តីថ្លែងការណ៍របស់គណបក្សឆន្ទៈខ្មែរ ចេញផ្សាយនៅថ្ងៃទី៥ ខែកញ្ញា នេះថា គណបក្សឆន្ទៈខ្មែរ និងម្ចាស់ឆ្នោត ជាមួយគណបក្សចូលរួមផ្សេងទៀត និងម្ចាស់ឆ្នោតរបស់ខ្លួន មិនមែនក្លែងក្លាយទេ ហើយគណបក្សប្រជាជនកម្ពុជា និងម្ចាស់ឆ្នោតរបស់គេក៏មិនមែនក្លែងក្លាយដែរ។ ហេតុនេះគណបក្សឆន្ទៈខ្មែរ មិនយល់ស្របចំពោះមតិរបស់គណបក្សនយោបាយក្រៅបញ្ជី និងមតិមជ្ឈដ្ឋានខាងក្រៅ ដែលបានហៅការបោះឆ្នោត និងលទ្ធផលថាក្លែងក្លាយដោ យហេតុផលផ្ទាល់ខ្លួននោះឡើយ។
គណបក្សឆន្ទៈខ្មែរសោកស្តាយដែលក្រុមនយោបាយ បរាជ័យគ្រប់ជំហាន(បក្សប្រឆាំង) និងអន្តរជាតិនៅពីក្រោយឆាកបាយឡុកបាយឡ នៅតែបន្តស្រែកបំពងពីសាមគ្គីភាពក្លែងក្លាយ ការទម្លាក់ការចោទប្រកាន់ និងការដោះលែងក្លែងក្លាយ ការបានអត្តសញ្ញាណឡើងវិញ ក្លែងក្លាយ ការប្រគល់អំណាចសងវិញក្លែងក្លាយ និងការបោះឆ្នោតឡើងដ៏រវើរវាយ គឺមានតែពួកទ័លច្រកអស់ផ្លូវក្នុងជីវិតទេ ដែលជឿលើការទស្សន៍ទាយបែបនេះទៀតនោះ។ ការលើកឡើងរបស់គណបក្សឆន្ទៈខ្មែរនេះ ចង់សំដៅទៅកាន់ក្រុមលោក សម រង្ស៊ី ដែលកំពុងនៅក្រៅប្រទេសស្រែកការបោះឆ្នោតនៅក្លែងក្លាយ និងការបង្កើតរាជរដ្ឋាភិបាលមិនស្របច្បាប់ដោយគ្មានបក្សប្រឆាំងចូលរួមជាដើម។
យ៉ាងណាក្តីគណបក្សឆន្ទៈខ្មែរ បានគូសបញ្ជាក់ថា«ថ្ងៃនេះ គាំទ្រសម័យប្រជុំដំបូង ដែលប្រកាស សុពលភាពតំណាងរាស្ត្រជាប់ឆ្នោត ចូលស្បថក្រោមព្រះរាជធិបតីរបស់ព្រះមហាក្សត្រ ដើម្បីរដ្ឋសភា និងរាជរដ្ឋាភិបាលនីតិកាលទី៦ ចាប់ដំណើរការជាផ្លូវការ និងស្របច្បាប់បន្តគ្រប់គ្រង ដឹកនាំព្រះរាជាណាចក្រកម្ពុជាក្នុងស្ថិរភាព និងភាពសុខចម្រើនតាមគន្លងកិច្ចព្រមព្រៀងទីក្រុងប៉ារីស ឆ្នាំ១៩៩១ និងរដ្ឋធម្មនុញ្ញឆ្នាំ១៩៩៣ ជាទៀងទាត់តទៅ»។ គណបក្សឆន្ទៈខ្មែរក៏បានលើកឡើងថា ការចូលរួមក្នុងឧត្តមប្រឹក្សាពិគ្រោះ និងផ្តល់យោបល់ដែលជាយន្តការក្រៅក្របខណ្ឌសភា ដើម្បីជាប្រយោជន៍ផ្តួចផ្តើមគំនិត តាក់តែង និងតាមដានលើការរៀបចំច្បាប់គោលនយោបាយ លិខិតបទដ្ឋានគតិយុត្តិរបស់រាជរដ្ឋាភិបាល ហើយផ្តល់អនុសាសន៍កែលម្អអំពីភាពអសកម្ម និងភាពមិនប្រក្រតីទាំងនៅថ្នាក់ជាតិ និងក្រោមជាតិ សំដៅលើកស្ទួយប្រសិទ្ធិភាពការងាររបស់ស្ថាប័នរដ្ឋ និងអាជ្ញាធរគ្រប់លំដាប់ថ្នាក់ក្នុងការបម្រើប្រជាពលរដ្ឋ និងសង្គមជាតិ។
ជាមួយគ្នានោះដែរ គណបក្សឆន្ទៈខ្មែរ ក៏បានអបអរសាទចំពោះឥរិយាយបថ របស់អង្កការអន្តរជាតិ និងប្រទេសមួយចំនួនដែលជាបន្តបន្ទាប់ទទួលស្គាល់ និងបន្តទំនាក់ទំនងសហប្រតិប ត្តិការជាមួយរដ្ឋសភា និងរាជរដ្ឋាភិបាលនីតិកាលទី៦ មិនអាចរារាំង និងបង្វែរជំហានឆ្ពោះទៅមុខ នូវសិទ្ធិ ជាម្ចាស់របស់ប្រជាពលរដ្ឋខ្មែរបានឡើយ។ គណបក្សឆន្ទៈខ្មែរក៏បានអះអាងថា ការចូលរួម និងលទ្ធផលដែលគណបក្សបានទទួល គឺជាសំឡេងឆ្នោតគាំទ្រខ្ពស់លើគណបក្សនយោបាយចំនួន១៦ ក្នុងចំណោមគណបក្សនយោបាយ២០ និងជាម្ចាស់លំដាប់ទី២ បន្ទាប់ពីគណបក្សប្រជាជនកម្ពុជា បើប្រៀធៀបជាមួយគណបក្សនយោបាយថ្មីដែលចូលរួមប្រកួតការបោះឆ្នោតលើកទី១ដូចគ្នា បានបញ្ជាក់ថា គណបក្សឆន្ទៈខ្មែរ គឺជាគណបក្សប្រកួតប្រជែងពិតប្រាកដ ពោរពេញដោយសក្តានុពល មួយ ដែលមិនទុកឲ្យលំហប្រជាធិបតេយ្យនៅកម្ពុជាស្លាប់ស្កូកបានឡើយ៕
ចែករំលែកព័តមាននេះ