ខេត្តសៀមរាប ៖ បុរសម្នាក់បានជិះម៉ូតូក្នុងស្ថានភាពស្រវឹងបើកលឿនដូចហោះទៅបុកគោយន្តកន្ត្រៃមានដឹកអុសក្នុងទិសដៅបញ្ច្រាសគ្នា បណ្តាលឱ្យស្លាប់ម្នាក់ និងរបួសធ្ងន់ម្នាក់ ។ ហេតុការណ៍គ្រោះថ្នាក់ចរា ចរណ៍នេះបានកើតឡើងនៅវេលាម៉ោង៧និង៥០នាទីយប់ថ្ងៃទី១៨ ខែសីហា ឆ្នាំ២០១៨…
ខេត្តសៀមរាប ៖ បុរសម្នាក់បានជិះម៉ូតូក្នុងស្ថានភាពស្រវឹងបើកលឿនដូចហោះទៅបុកគោយន្តកន្ត្រៃមានដឹកអុសក្នុងទិសដៅបញ្ច្រាសគ្នា បណ្តាលឱ្យស្លាប់ម្នាក់ និងរបួសធ្ងន់ម្នាក់ ។ ហេតុការណ៍គ្រោះថ្នាក់ចរា
ចរណ៍នេះបានកើតឡើងនៅវេលាម៉ោង៧និង៥០នាទីយប់ថ្ងៃទី១៨ ខែសីហា ឆ្នាំ២០១៨ ស្ថិតនៅតាមផ្លូវលំក្រាលក្រួសក្រហម ក្នុងភូមិស្លែងស្ពាន ឃុំស្លែងស្ពាន ស្រុកស្រីស្នំ ខេត្តសៀមរាប។
ជនរងគ្រោះដែលស្លាប់ខាងលើឈ្មោះ ក្រុច ឆៃហ៊ា ភេទប្រុស អាយុ២៥ឆ្នាំ មុខរបរកសិករ រស់នៅភូមិដំណាក់ដំរី ឃុំស្លែងស្ពាន ស្រុកស្រីស្នំ ខេត្តសៀមរាប ចំណែកអ្នកបើកគោយន្តកន្ត្រៃ ឈ្មោះ ប៉ី ធី ភេទប្រុស អាយុ៣៦ឆ្នាំ មុខរបរកសិករ រស់នៅភូមិស្លែងស្ពាន ឃុំស្លែងស្ពាន ស្រុកស្រីស្នំ ខេត្តសៀមរាប បានរបួសធ្ងន់។
តាមប្រភពពីប៉ូលិសមូលដ្ឋានបានឱ្យដឹងថា នៅមុនពេលកើតហេតុ ពលរដ្ឋបានឃើញគោយន្តកន្ត្រៃមានដឹកអុសមួយគ្រឿងបានបើកបរយឺតៗ ពេលនោះក៏មានបុរសម្នាក់បានបើកបរម៉ូតូមួយគ្រឿងក្នុងល្បឿនយ៉ាងលឿន ក្នុងទិសដៅបញ្ច្រាសគ្នា លុះមកដល់ចំណុចកើតហេតុ ស្របពេលមានភ្លៀងរលឹមផងនោះស្រាប់តែម៉ូតូដែលបើកបរក្នុងល្បឿនយ៉ាងលឿនក៏រអិល ជ្រុលចង្កូតមកបុកគោយន្តកន្ត្រៃមានដឹកអុសតែម្តង បណ្តាលឱ្យអ្នកបើកបរម៉ូតូស្លាប់ភ្លាមៗនៅនឹងកន្លែងកើតហេតុ ចំណែកអ្នកបើកបរគោយន្តកន្ត្រៃបានរងរបួសធ្ងន់។
ក្រោយពេលកើតហេតុ សមត្ថកិច្ចជំនាញបានចុះធ្វើការវាស់វែង ហើយបានយកម៉ូតូនិងគោយន្តទៅរក្សាទុកនៅប៉ុស្តិ៍នគរបាលរដ្ឋបាលស្លែងស្ពាន។ រីឯម្ចាស់គោយន្តកន្ត្រៃដែលត្រូវរបួសធ្ងន់ដែរនោះត្រូវបានដឹកយកទៅសង្គ្រោះនៅមន្ទីរពេទ្យបង្អែកស្រុកស្រីស្នំ។ ចំណែកសពត្រូវបានប្រគល់ឱ្យក្រុមគ្រួសារដើម្បីយកទៅធ្វើបុណ្យតាមប្រពៃណី៕
ចែករំលែកព័តមាននេះ