រាជធានីភ្នំពេញ ៖ ម៉ូតូកង់បីឥណ្ឌាបើកឆ្លងផ្លូវត្រូវរថយន្តសណ្តោងដឹកស៊ីទែនស៊ីម៉ង់ត៍បុកពេញទំហឹងអូសជាង៥០០ម៉ែត្រកិនអ្នកបើកបរម៉ូតូកង់បីដាច់ជាបំណែកៗ ដៃដោយដៃ ជើងដោយជើងស្លាប់គួរឱ្យរន្ធត់ ។ ហេតុការណ៍ដ៍រន្ធត់មួយនេះបានកើតឡើងកាលវេលាម៉ោង១០យប់ថ្ងៃទី១៤ ខែសីហា ឆ្នាំ២០១៨ នៅទល់មុខប៉ុស្តិ៍នគបាលនិរោធន៍ចាស់…
រាជធានីភ្នំពេញ ៖ ម៉ូតូកង់បីឥណ្ឌាបើកឆ្លងផ្លូវត្រូវរថយន្តសណ្តោងដឹកស៊ីទែនស៊ីម៉ង់ត៍បុកពេញទំហឹងអូសជាង៥០០ម៉ែត្រកិនអ្នកបើកបរម៉ូតូកង់បីដាច់ជាបំណែកៗ ដៃដោយដៃ ជើងដោយជើងស្លាប់គួរឱ្យរន្ធត់ ។ ហេតុការណ៍ដ៍រន្ធត់មួយនេះបានកើតឡើងកាលវេលាម៉ោង១០យប់ថ្ងៃទី១៤ ខែសីហា ឆ្នាំ២០១៨ នៅទល់មុខប៉ុស្តិ៍នគបាលនិរោធន៍ចាស់ ផ្លូវ៣៥១ កែងនឹងផ្លូវជាតិលេខ១ ភូមិបឹងឈូក សង្កាត់និរោធន៍ ខណ្ឌច្បារអំពៅ ។
ជនរងគ្រោះដែលស្លាប់ឈ្មោះ អ៊ូ សុផា ហៅទូច ភេទប្រុស អាយុ៤៩ឆ្នាំ មុខរបររត់ម៉ូតូកង់បី ស្នាក់នៅបុរីលឹមឈាងហាក់ សង្កាត់និរោធ៍ ខណ្ឌច្បារអំពៅ ជាអ្នកបើកម៉ូតូកង់បីឥណ្ឌា ពាក់ស្លាកលេខ ភ្នំពេញ ១HD-៧៥៩១ ចំណែកអ្នករួមដំណើរម្នាក់មិនស្គាល់អត្តសញ្ញាណបានរងរបួសស្រាល ។ រីឯអ្នកបើកបររថយន្តបង្កមិនត្រូវបានស្គាល់អត្តសញ្ញាណ ។
តាមសម្តីសាក្សីដែលឃើញហេតុការណ៍ឈ្មោះ កែ បូរ៉ា អាយុ២៩ឆ្នាំ មុខរបរជាងឈើ ស្នាក់ផ្ទះជួល សងា្កត់ចាក់អង្រែលើ ខណ្ឌមានជ័យ មានស្រុកកំណើតនៅភូមិប្រហា ឃុំតាឡូ ស្រុកបានកាន ខេត្តពោធិ៍សាត់ បានឱ្យដឹងថា មុនពេលកើតហេតុ គេឃើញបុរសម្នាក់ជាអ្នករួមដំណើរ ចំណែកបុរសម្នាក់ទៀតជាអ្នកបើកបរម៉ូតូកង់បីឥណ្ឌា បានចេញផឹកស៊ីនៅម្តុំវាលស្បូវ ខណ្ឌច្បារអំពៅ ហើយពួកគាត់ទាំងពីនាក់បានជិះម៉ូតូកង់បីឥណ្ឌាពណ៌លឿង ធ្វើដំណើរតាមផ្លូវជាតិលេខ១ ក្នុងទិសដៅពីកើតទៅលិច តែមិនដឹងថាគោលបំណងបន្តទៅកន្លែងណាទៀតនោះទេ ។
ប្រភពដដែលបានបន្តថា លុះមកដល់ចំណុចកើតហេតុ ស្រាប់តែម៉ូតូកង់បីឥណ្ឌាបានបត់ឆ្វេងឆ្លងផ្លូវ ក្នុងគោលបំណងចូលទៅផ្លូវ៣៥១ ឆ្ពោះទៅភូមិតាង៉ូវ ពេលនោះម៉ូតូកង់បីឥណ្ឌាបត់ឆ្លងមិនទាន់បានពាក់
កណ្ដាលផ្លូវផង ក៏ស្រាប់តែមានបុរសម្នាក់បានបើកបររថយន្តសណ្តោងដឹកស៊ីទែនស៊ីម៉ង់ត៍របស់ក្រុមហ៊ុនមួយ ម៉ាកហ៊ីយ៉ានដាយ ពណ៌ស ពាក់ស្លាកលេខ ភ្នំពេញ ៣A-៧៩០០ ធ្វើដំណើរតាមផ្លូវជាតិលេខ១ ក្នុងទិសដៅបញ្ច្រាសគ្នា ពីលិចទៅកើតក្នុងល្បឿនយ៉ាងលឿន ព្រមទាំងខ្វះការប្រុងប្រយត្ន័ក៏បានជ្រុលទៅបុកម៉ូតូកង់បីឥណ្ឌាចំពាក់កណ្តាលពេញទំហឹង បណ្តាលឱ្យអ្នកបើកម៉ូតូកង់បីខ្ទាតធ្លាក់ពីលើម៉ូតូចូលក្រោមរថ
យន្តកិនអូសជនរងគ្រោះ បណ្តាលឱ្យបែកសាច់ខ្ទេចជាបំណែកៗ ដៃដោយដៃ ជើងដោយជើង ខ្លួនដោយខ្លួន ស្លាប់យ៉ាងអាណោចអាធ័មបំផុត ។ ដោយឡែកបុរសម្នាក់ដែលអង្គុយនៅខាងក្រោយរងរបួសតិចតួច បានចុះរត់ដេញតាមរថយន្តដែលបើករត់គេចនោះ ដោយអូសសាច់ជនរងគ្រោះទៅជាមួយជាង៥០០ម៉ែត្រ ទើបឃាត់ខ្លួនអ្នកបើកបររថយន្តបង្កបានក៏ប្រគល់ឱ្យសមត្ថកិច្ចយកទៅសួរនាំនៅអធិការដ្ឋានខណ្ឌច្បារអំពៅតែម្តង ។
ក្រោយពេលកើតហេតុ សមត្ថកិច្ចមូលដ្ឋាន និងជំនាញខណ្ឌបានចុះទៅកន្លែងកើតហេតុ រួចហើយក៏បានទាក់ទងហៅសាច់ញាតិជនរងគ្រោះឱ្យមកទទួលយកសពដើម្បីធ្វើបុណ្យតាមប្រពៃណី ។ ចំណែករថយន្តនិងម៉ូតូកង់បីឥណ្ឌា ព្រមទាំងអ្នកបើកបររថយន្តបង្កត្រូវបានសមត្ថកិច្ចនាំយកទៅការិល័យចរាចរណ៍ជើងគោករាជធានីភ្នំពេញដើម្បីរង់ចាំធ្វើការដោះស្រាយតាមច្បាប់ ៕
ចែករំលែកព័តមាននេះ