ខេត្តព្រះសីហនុ ៖ កាលពីវេលាម៉ោង៥ល្ងាចថ្ងៃទី៣០ ខែមិថុនា ឆ្នាំ២០១៨ លើផ្លូវជាតិលេខ៤ ចន្លោះគីឡូម៉ែត្រលេខ២១១ និង២១២ ត្រង់ចំណុចមុខរោចក្របិតត្រាង ស្ថិតនៅក្នុងភូមិចំណោទរាម…
ខេត្តព្រះសីហនុ ៖ កាលពីវេលាម៉ោង៥ល្ងាចថ្ងៃទី៣០ ខែមិថុនា ឆ្នាំ២០១៨ លើផ្លូវជាតិលេខ៤ ចន្លោះគីឡូម៉ែត្រលេខ២១១ និង២១២ ត្រង់ចំណុចមុខរោចក្របិតត្រាង ស្ថិតនៅក្នុងភូមិចំណោទរាម ឃុំបិតត្រាង ស្រុកព្រៃនប់ ខេត្តព្រះសីហនុ មានករណីគ្រោះថ្នាក់ចរាចរណ៍មួយកើតឡើង រវាងរថយន្តមួយគ្រឿងម៉ាកហ៊ីយ៉ាន់ដាយ ពណ៌ស ពាក់ស្លាកលេខ កំពង់ស្ពឺ អ្នកបើកបរមិនស្គាល់អត្តសញ្ញាណ បើកបរក្នុងទិសដៅពីខេត្តព្រះសីហនុឆ្ពោះទៅភ្នំពេញ លុះដល់ចំណុចខាងលើក៏បានបុកពីខាងក្រោយរថយន្តដឹកកម្មករមួយគ្រឿងម៉ាកសាំយ៉ុង ពណ៌ស្លែ ពាក់ស្លាកលេខ ព្រះសីហនុ ២A-៣៦២៤ បើកបរដោយឈ្មោះ ង៉ែត ផល្លា ភេទប្រុស អាយុ៣៥ឆ្នាំ មុខរបរអ្នកបើកបររថយន្ត មានទីលំនៅភូមិអូរឧកញ្ញ៉ាហេង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ មានដឹកកម្មករចំនួន៣៥នាក់ ក្នុងទិសដៅស្របគ្នា ហើយរថយន្តហ៊ីយ៉ាន់ដាយបានបន្តបុករថយន្តសណោ្តងរ៉ឺម៉កដឹកស៊ីទែនស៊ីម៉ង់ត៍មួយគ្រឿងទៀត ពណ៌ស ពាក់ស្លាកលេខ ព្រះសីហនុ ៣A-៦៤២៥ របស់ក្រុមហ៊ុនមួយ បើកបរដោយឈ្មោះ អេង វាសនា ភេទប្រុស អាយុ៤៤ឆ្នាំ មុខរបរអ្នកបើកបររថយន្ត មានទីលំនៅស្រុកច្បារមន ខេត្តកំពង់ស្ពឺ ក្នុងទិសដៅផ្ទុយគ្នា។
តាមប្រភពព័ត៌មានបានឱ្យដឹងថា គ្រោះថ្នាក់ចរាចរណ៍ខាងលើនេះបណ្ដាលឲ្យរងរបួសមនុស្សចំនួន៨នាក់ ក្នុងនោះស្រី៥នាក់ជាកម្មកររួមដំណើរលើរថយន្តសាំយ៉ុង និងបុរសម្នាក់ជាអ្នករួមដំណើរលើរថយន្តហ៊ីយ៉ាន់ដាយ ត្រូវបានបញ្ជូនទៅសង្គ្រោះនៅគ្លីនិក ។ ចំណែកអ្នកបើកបររថយន្តម៉ាកហ៊ីយ៉ាន់ដាយបានរត់គេចខ្លួនបាត់ក្រោយពេលកើតហេតុ។
បច្ចុប្បន្នសមត្ថកិច្ចជំនាញកំពុងចាត់ចែងស្ទូចរថយន្តចំនួន៣គ្រឿងយកទៅរក្សាទុកនៅការិយាល័យនគរ
បាលចរាចរណ៍ផ្លូវគោក។
ចែករំលែកព័តមាននេះ