ខេត្តតាកែវ ៖ បុរសម្នាក់បានស្លាប់ភ្លាមៗនៅនឹងកន្លែង បន្ទាប់ពីបានបើករ៉ឺម៉កដឹកបន្លែយកទៅលក់ហើយ បានបុកនឹងគូថរថយន្តធុនធំ ។ ហេតុការណ៍នេះបានកើតឡើងកាលពីវេលាម៉ោង៣និង៤០នាទីជិតភ្លឺថ្ងៃទី២០ ខែមិថុនា ឆ្នាំ២០១៨ ស្ថិតនៅតាមបណ្តោយផ្លូវជាតិលេខ២ ត្រង់ចន្លោះគីឡូម៉ែត្រលេខ១០៣ និងលេខ១០៤ នៅក្នុងភូមិដំណាក់ ឃុំពេជសារ ស្រុកកោះអណ្តែត ខេត្តតាកែវ។
ប៉ូលិសចរាចរណ៍ស្រុកទ្រាំងបានអោយដឹងថា ជនរងគ្រោះដែលស្លាប់ឈ្មោះ ណី សុខ ភេទប្រុស អាយុ២៩ឆ្នាំ មានទីលំនៅភូមិពោធ៌ ឃុំព្រះបាទជាន់ជុំ ស្រុកគីរីវង់ ខេត្តតាកែវ ។
តាមប្រភពបានឱ្យដឹងថា មុនពេលកើតហេតុ គេឃើញបុរសម្នាក់បានបើករ៉ឺម៉កម៉ូតូ ដោយមានដឹកបន្លែពេញយកទៅលក់នៅផ្សារតាកែវ ដោយធ្វើដំណើរក្នុងទិសដៅពីត្បូងទៅជើង ស្រាប់តែមកដល់កន្លែងកើតហេតុ បុរសខាងលើបានបើករ៉ឺម៉កម៉ូតូទៅបុកនឹងរថយន្តធុនធំពីក្រោយ បណ្តាលឱ្យអ្នកបើកបររ៉ឺម៉កម៉ូតូស្លាប់នៅនឹងកន្លែង ចំណែករ៉ឺម៉កម៉ូតូបានរងការខូចខាតត្រឹមកឡើងលើ ។
ក្រោយពេលកើតហេតុ ប៉ូលិសបានប្រគល់សពទៅអោយក្រុមគ្រួសារយកទៅធ្វើបុណ្យតាមប្រពៃ
ណី ចំណែករថយន្ត និងរ៉ឺម៉កម៉ូតូត្រូវបានយកមករក្សាទុកនៅអធិការដ្ឋាននគរបាលស្រុកទ្រាំង ដើម្បីដោះស្រាយគ្នានៅពេលក្រោយ ៕
ចែករំលែកព័តមាននេះ