ខេត្តកំពង់ចាម ៖ មនុស្ស២នាក់បានស្លាប់បន្តបន្ទាប់ ក្នុងហេតុការណ៍គ្រោះថ្នាក់ចរាចរណ៍រវាងម៉ូតូ និងរថយន្តយ៉ាងពេញទំហឹង កាលពីវេលាម៉ោង១០យប់ថ្ងៃទី១៤ មិថុនា ស្ថិតនៅត្រង់ចំណុចភូមិអណ្តូងច្រុះ ឃុំអំពិល ស្រុកកំពង់សៀម…
ខេត្តកំពង់ចាម ៖ មនុស្ស២នាក់បានស្លាប់បន្តបន្ទាប់ ក្នុងហេតុការណ៍គ្រោះថ្នាក់ចរាចរណ៍រវាងម៉ូតូ និងរថយន្តយ៉ាងពេញទំហឹង កាលពីវេលាម៉ោង១០យប់ថ្ងៃទី១៤ មិថុនា ស្ថិតនៅត្រង់ចំណុចភូមិអណ្តូងច្រុះ ឃុំអំពិល ស្រុកកំពង់សៀម ហើយរថយន្តនោះបានជ្រុលទៅបុកផ្ទះពលរដ្ឋបាក់ជញ្ជាំងរងការខូចខាតយ៉ាងដំណំទៀត ។
នៅពេលមុនកើតហេតុ រថយន្តនេះបើកក្នុងទិសដៅពីលិចទៅកើត តាមបណ្តោយផ្លូវជាតិលេខ៧ ដែលអ្នកបើកបរឈ្មោះ ង្វៀង ស៊ីម៉ាច ភេទប្រុស អាយុ៣១ឆ្នាំ រស់នៅទីក្រុងហាណូយ ប្រទេសវៀតណាម ។ ដោយឡែក ខាងម៉ូតូម៉ាកនិច ពណ៌ខ្មៅ ពាក់ស្លាកលេខក្រចេះ1D-1209 បើកបរដោយឈ្មោះរិទ្ធ ភេទប្រុស អាយុ២១ឆ្នាំ នៅភូមិបុសខ្នុរ ឃុំបុសខ្នុរ ស្រុកចំការលើ ខេត្តកំពង់ចាម ដោយបានរួមដំណើរជាមួយមិត្តភក្តិម្នាក់ មិនស្គាល់ឈ្មោះដែលបានបើកបញ្ច្រាសទិសគ្នា ។
បើតាមនគរបាលចរាចរណ៍បានបន្តថា អ្នកជិះម៉តូទាំង២នាក់ មិនបានពាក់មួកសុវត្ថិភាពនោះទេ ស្របពេលដែលជិះដល់ត្រង់ចំណុចមុខផ្ទះរបស់ឈ្មោះ ឡុង នៅភូមិអណ្តូងច្រុះ ស្រាប់តែបានប៉ះទង្គិចជាមួយរថយន្ត។ ក្នុងពេលកើតហេតុនោះបណ្តាលឱ្យអ្នកជិះពីក្រោយដែលមិនស្គាល់ឈ្មោះស្លាប់ភ្លាម ចំនែកអ្នកឌុបវិញបានរងរបួសធ្ងន់ធ្ងរ ត្រូវបានបញ្ជូនទៅសង្គ្រោះនៅមន្ទីរពេទ្យ៧ដេ ស្រុកកំពង់សៀមបន្ទាប់មកបានស្លាប់ដែរ ។ រថយន្តនោះ ក៏បានជ្រុលល្បឿនមកបុកផ្ទះ របស់ប្រជាពលរដ្ឋបណ្តាលឲ្យបាក់ជញ្ជាំងបេតុងជ្រុះធ្លាក់ដល់ដី រថយន្តផ្ទុះពោងសុវត្ថិភាព តែមិនបានបង្កគ្រោះថ្នាក់ដល់អ្នកបើកបរជាជនជាតិវៀតណាមនោះទេ ។
ចែករំលែកព័តមាននេះ