ខេត្តរតនគិរី ៖ ករណីគ្រោះថ្នាក់ចរាចរណ៍មួយបានកើតឡើងរវាងរថយន្តនឹងម៉ូតូបណ្តាលឱ្យជនរងគ្រោះម្នាក់ស្លាប់ ខណៈដែលបញ្ជូនដល់មន្ទីរពេទ្យបង្អែកខេត្ត។ ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង៦ និង០៥នាទីល្ងាច ថ្ងៃច័ន្ទ ៧កើត ខែជេស្ឋ ឆ្នាំច…
ខេត្តរតនគិរី ៖ ករណីគ្រោះថ្នាក់ចរាចរណ៍មួយបានកើតឡើងរវាងរថយន្តនឹងម៉ូតូបណ្តាលឱ្យជនរងគ្រោះម្នាក់ស្លាប់ ខណៈដែលបញ្ជូនដល់មន្ទីរពេទ្យបង្អែកខេត្ត។ ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង៦ និង០៥នាទីល្ងាច ថ្ងៃច័ន្ទ ៧កើត ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២១ ខែឧសភា ឆ្នាំ២០១៨។ ប្រភពពីកន្លែងកើតហេតុបានឱ្យដឹងថា រថយន្តបង្កគ្រោះធ្វើដំណើរពីជើងទៅត្បូងដល់ចំណុចកើតហេតុ មកពីរថយន្តបើកបរប្រជែងក្នុងស្ថានភាពគ្រោះថ្នាក់ ក៏បានបុកជាមួយម៉ូតូជិះបញ្ច្រាសទិសគ្នាពេញទំហឹង បណ្តាលឲ្យផ្លោងចេញចម្ងាយ៧ម៉ែត្រ រួចម្ចាស់រថយន្តក៏បានលើកជនរងគ្រោះដាក់លើរថយន្តដឹកទៅសង្គ្រោះ តែអកុសលជនរងគ្រោះបានដាច់ខ្យល់ស្លាប់នៅពេលបញ្ជូនដល់មន្ទីរពេទ្យបង្អែកខេត្ត។
ជនរងគ្រោះឈ្មោះ ឡេង វ៉ាន់ ភេទប្រុស អាយុ១៨ឆ្នាំ ជនជាតិខ្មែរ មុខរបរកសិករ មានទីលំនៅភូមិអំពិលធំ ឃុំខ្វិតធំ ស្រុកព្រៃឈរ ខេត្តកំពង់ចាម។ ជនបើកបររថយន្តបង្ករឈ្មោះ សែន សុផល ភេទប្រុស អាយុ៤៦ឆ្នាំ ជនជាតិខ្មែរ មុខរបរយោធា(នៅអូរតាងវ៉ើនសៃ) មានទីលំនៅភូមិថ្មដា សង្កាត់បឹងកន្សែង ក្រុងបានលុងខេត្តរតនគិរី។ រថយន្តបង្កហេតុ ពណ៌ត្រអ៊ី ពាក់ស្លាកលេខខេមរៈភូមិមិន្ទ ពេលក្រោយពេលបញ្ជូនជនរងគ្រោះទៅដល់មន្ទីរពេទ្យបានរត់គេចខ្ខួនបាត់ភ្លាមៗដែរ។
ក្នុងហេតុការណ៍គ្រោះថ្នាក់ចរាចរណ៍នោះបង្កឱ្យមានការខូចខាតម៉ូតូកែច្នៃមួយគ្រឿង និងរថយន្តចំនួនមួយគ្រឿង ហើយសមត្ថកិច្ចចរាចរណ៍បានយកទៅរក្សាទុកនៅការិយាល័យចរាចរណ៍ផ្លូវគោក នៃស្នងការខេត្តរតនគិរី រងចាំធ្វើការដោះស្រាយតាមផ្លូវច្បាប់ពេលក្រោយ។ សាកសពត្រូវបានប្រគល់ឱ្យសាច់ញាតិ និងក្រុមគ្រួសាយកទៅធ្វើបុណតាមប្រពៃណីផងដែរ៕
ចែករំលែកព័តមាននេះ