ការសិក្សាថ្មីមួយបានឱ្យដឹងថា ជាទូទៅអ្នកដែលស្អាត ច្រើនតែសប្បាយចិត្តជាងអ្នកមិនសូវស្អាត ហើយការកំណត់ដ៏ល្អនៃភាពរីករាយនេះ គឺអាស្រ័យទៅលើផលប្រយោជន៍ ដែលទទួលបានពីភាពស្អាត ឬសង្ហានេះ ។ ក្រុមអ្នកស្រាវជ្រាវបានវិភាគទិន្នន័យពីការស្រង់ទិន្នន័យក៏ធំ ដែលបានធ្វើឡើងនៅចន្លោះឆ្នាំ១៩៧១…
ការសិក្សាថ្មីមួយបានឱ្យដឹងថា ជាទូទៅអ្នកដែលស្អាត ច្រើនតែសប្បាយចិត្តជាងអ្នកមិនសូវស្អាត ហើយការកំណត់ដ៏ល្អនៃភាពរីករាយនេះ គឺអាស្រ័យទៅលើផលប្រយោជន៍ ដែលទទួលបានពីភាពស្អាត ឬសង្ហានេះ ។
ក្រុមអ្នកស្រាវជ្រាវបានវិភាគទិន្នន័យពីការស្រង់ទិន្នន័យក៏ធំ ដែលបានធ្វើឡើងនៅចន្លោះឆ្នាំ១៩៧១ និង២០០៩ នៅអង់គ្លេស,កាណាដា,អាល្លឺម៉ង់ និងសហរដ្ឋអាមេរិក ហើយបានរកឃើញថា អ្នកដែលស្ថិតនៅក្នុងចំណោម១៥ ភាគរយដែលស្អាតជាងគេ មានភាពរីករាយច្រើនជាងគេ១០ភាគរយ បើប្រៀបធៀបនឹងមនុស្ស១០ភាគរយ ដែលមិនសូវស្អាត ។
អ្នកដឹកនាំ Daniel Hamermesh អ្នកជំនាញផ្នែកសេដ្ឋកិច្ចនៃសាកលវិទ្យាល័យ Texas-Austin បាននិយាយថា «ប្រសិទ្ធភាពភាគច្រើននៃសម្រស់ដែលមានលើភាពរីករាយ មានដោយសារឥទ្ធិពលរបស់វាមានលើលសេដ្ឋកិច្ច»។
គាត់បាននិយាយថា ជាទូទៅអ្នកដែលមានសម្រស់ស្អាត មានប្រាក់ចំណូលច្រើន និងរៀបការជាមួយអ្នកដែលមានសម្រស់ស្អាត និងអាចរកប្រាក់ចំណូលបានច្រើន ។
ការសិក្សានេះផ្សាយដោយ German-based Institute for the Study of Labor ៕
ចែករំលែកព័តមាននេះ