តើអ្នកធ្លាប់គិតថាការមើលទូរទស្សន៍ និងការរស់នៅមិនសូវមានសកម្មភាពច្រើនអាចធ្វើឲ្យអ្នកប្រឈមនឹងហានិភ័យនៃការថយចុះចំនួនមេជីវិតឈ្មោល ? ខាងក្រោមនេះគឺជារឿងមួយចំនួនដែលត្រូវបានគេដឹងថាអាចបន្ថយបរិមាណមេជីវិតឈ្មោលរបស់មនុសុ្សប្រុសដោយផ្អែកលើការសិក្សាស្រាវជ្រាវ ។
១-ការគេងត្រាំទឹកក្តៅ
វាត្រូវបានគេបង្ហាញថាការគេងត្រាំក្នុងទឹកក្តៅរយៈពេល៣០នាទីអាចបន្ថយចំនួនមេជីវិតឈ្មោល ។ ការសិក្សាថ្មី១បានបង្ហាញថាបុរសដែលកាត់បន្ថយការគេងត្រាំទឹកក្តៅ ចំនួនមេជីវិតឈ្មោលរបស់ពួកគេកើនឡើង៤៩១% ។
២-ការសិក្សាមួយបានបង្ហាញថាបុរសដែលមើលទូរទស្សន៍២០ម៉ោង ឬលើសពីនេះក្នុងមួយសប្តាហ៍ មានចំនួនមេជីវិតឈ្មោល៥០%តិចជាងអ្នកដែលមិនមើលទូរទស្សន៍ទាល់តែសោះ ។
៣-ការបំពុលបរិស្ថាន
អ្នកជំនាញបាននិយាយថាការដកដង្ហើមក្នុងមជ្ឈដ្ឋានដែលមានការបំពុលបរិយាកាសច្រើនពេកនាំឱ្យមានការប្រមូលផ្តុំរ៉ាឌីកាល់សេរីខ្ពស់នៅក្នុងឈាមដែលបណ្តាលឲ្យគុណភាពមេជីវិតឈ្មោលទាបសូម្បីតែចំពោះបុរសដែលមានសមត្ថភាពក្នុងការមានកូន។
៤-ដាក់កុំព្យូទ័រយួរដៃលើភ្លៅ
ប្រសិនបើអ្នកដាក់កុំព្យូទ័រយួរដៃនៅលើភ្លៅ មិនត្រឹមតែកម្តៅរបស់វានោះទេធ្វើឱ្យពងស្វាសរបស់បុរសឡើងកម្តៅ អេឡិចត្រូម៉ាញ៉េទិកដែលបង្កើតដោយសៀគ្វីអេឡិចត្រូនិកខាងក្នុងរបស់កុំព្យូទ័រយួរដៃ និងវ៉ាយហ្វាយអាចបន្ថយគុណភាពមេជីវិតឈ្មោល ។ ដូច្នេះសូមបញ្ឈប់ការដាក់កុំព្យូទ័រយួរដៃរបស់អ្នកនៅលើភ្លៅ ។
៥-របបអាហារលោកខាងលិច
ប្រសិនបើអ្នកចូលចិត្តបរិភោគអាហារតាមបែបបស្ចិមប្រទេសដូចជាភីហ្សា និងអាហារកំប៉ុង ដូច្នេះឥឡូវនេះអ្នកគួរតែចៀសវាងពួកវា ។ តាមការស្រាវជ្រាវមួយបានរកឃើញថារបបអាហាររបស់លោកខាងលិចអាចបង្កើនហានិភ័យនៃការការថយចុះចំនួនមេជីវិត
ឈ្មោល ៕
ចែករំលែកព័តមាននេះ