ខេត្តព្រះសីហនុ ៖ យុវជន២នាក់បងប្អូនបង្កើត បានរងរបួសធ្ងន់ក្នុងហេតុការណ៍គ្រោះថ្នាក់ចរាចរ ខណៈពេលជិះម៉ូតូចេញពីបន្ទប់បងប្អូនជីដូនមួយត្រលប់ទៅផ្ទះ ។ ហេតុការណ៍នេះបានកើតឡើងនៅវេលាម៉ោង១៨និង៣០នាទី ថ្ងៃទី២២ ខែតុលា ឆ្នាំ២០១៧…
ខេត្តព្រះសីហនុ ៖ យុវជន២នាក់បងប្អូនបង្កើត បានរងរបួសធ្ងន់ក្នុងហេតុការណ៍គ្រោះថ្នាក់ចរាចរ ខណៈពេលជិះម៉ូតូចេញពីបន្ទប់បងប្អូនជីដូនមួយត្រលប់ទៅផ្ទះ ។ ហេតុការណ៍នេះបានកើតឡើងនៅវេលាម៉ោង១៨និង៣០នាទី ថ្ងៃទី២២ ខែតុលា ឆ្នាំ២០១៧ នៅចំណុចផ្លូវបំបែកអាឡាំងដឺឡុង ស្ថិតក្នុងភូមិ០១ សង្កាត់លេខ០១ ក្រុងព្រះសីហនុ ។
យោងតាមប្រភពពីសមត្ថកិច្ចចរាចរណ៍ខេត្តព្រះសីហនុ បានឲ្យដឹងថា នៅវេលាម៉ោងកើតហេតុខាងលើ មានករណីគ្រោះថ្នាក់ចរាចរមួយកើតឡើង បង្កដោយរថយន្តធុនធំ មិនស្គាល់ម៉ាក បានប៉ះគ្នាជាមួយមួយគ្រឿងម៉ាកហុងដា សេ១២៥ ស៊េរី២០១៤ ពណ៌ខ្មៅ ពាក់ស្លាកលេខ ភ្នំពេញ ១CD-៧៤៣២ បើកបរក្នុងទិសដៅបញ្ជ្រាសទិសគ្នា បណ្តាលឲ្យមនុស្សចំនួន២នាក់រងរបួសធ្ងន់ ឬឯរថយន្តរត់គេចខ្លួនក្រោយកើតហេតុ ។ ជនរងគ្រោះទី១.ឈ្មោះ គិន ចាន់ណា ភេទប្រុស អាយុ២៤ឆ្នាំ (ផុងលលាដ៏ បាក់ដៃស្តាំពីកំណាត់) និងទី២.ឈ្មោះ គិន ចាន់ណាក់ ភេទប្រុស អាយុ២៣ឆ្នាំ រងរបួសធ្ងន់ (ដាច់ជើងស្តាំ បែកក្បាលលើចិញ្ចើមដល់ឆ្អឹង) អ្នកទាំងពីរជាបងប្អូនបង្កើត មានទីលំនៅស្រុកដងទង់ ខេត្តកំពត ស្នាក់នៅបណ្តោះអាសន្នភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ ។
ដោយឡែក យោងតាមប្រភពសាច់ញ្ញាត្តិ (បងប្អូនជីដូនមួយ) ជនរងគ្រោះបានឲ្យដឹងថា នៅមុនកើតហេតុ ជនរងគ្រោះទាំងពីរបានទៅលេងបន្ទប់ជួលរបស់ខ្លួន នៅមុខរោងចក្រញូស្តា ហើយក៏បានត្រលប់ទៅកន្លែងធ្វើការវិញនៅស្មាច់ដែង ព្រោះមេឃរងភ្លៀង ប៉ុន្តែគ្រាន់តែជនរងគ្រោះចេញបានបន្តិចភ្លៀងបានធ្លាក់ខ្លាំង ហើយក៏ពុំបានដឹងថា ជនរងគ្រោះជួបគ្រោះថ្នាក់ចរាចរ ពេលកំពុងភ្លៀងនោះទេ ទើបតែសមត្ថកិច្ចទូរស័ព្ទ ទើបដឹង ៕
ចែករំលែកព័តមាននេះ