ម៉ូតូបោះពួយដូចហោះទៅបុករថយន្ត
រាជធានីភ្នំពេញ ៖ បុរសម្នាក់រងរបួសស្រាល ខណៈពេលដែលបានជិះម៉ូតូម៉ាកហុងដា C125 មួយគឿងបោះពួយយ៉ាងលឿនដូចហោះ ដោយខ្វះការប្រុងប្រយ័ត្ន
រាជធានីភ្នំពេញ ៖ បុរសម្នាក់រងរបួសស្រាល ខណៈពេលដែលបានជិះម៉ូតូម៉ាកហុងដា C125 មួយគឿងបោះពួយយ៉ាងលឿនដូចហោះ ដោយខ្វះការប្រុងប្រយ័ត្ន
រាជធានីភ្នំពេញ ៖ បុរសម្នាក់រងរបួសស្រាល ខណៈពេលដែលបានជិះម៉ូតូម៉ាកហុងដា C125 មួយគឿងបោះពួយយ៉ាងលឿនដូចហោះ ដោយខ្វះការប្រុងប្រយ័ត្ន ក៏បានជ្រុលទៅបុកនឹងរថយន្តម៉ាក CRV មួយគ្រឿង ដែលកំពុងតែបើកបត់ចូលទៅទីស្នាក់ការគណៈបក្សប្រជាជនខាងមុខកំពឹត និងបែកកញ្ជក់ខាងមុខរងការខូចខាតយ៉ាងដំណំ ចំណែកឯម៉ូតូបាក់កង់ខាងមុខ ។ ករណីគ្រោះថ្នាក់ចរាចរណ៍នេះដែរ បានកើតឡើងកាលពីវេលាម៉ោង០១និង៣០នាទីរសៀល ថ្ងៃទី១៧ ខែសីហា ឆ្នាំ២០១៧ នៅចំណុចខាងមុខខ្លោងទ្វារគណៈបក្សប្រជាជន ដែលស្ថិតនៅតាមបណ្តោយផ្លូវព្រះនរោត្តម ក្នុងសង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មានពីនគរបាល បានប្រាប់ឱ្យដឹងថា ៖ មុនពេលកើតហេតុ រថយន្តម៉ាក CRV ពណ៌សម្បកឪឡឹក ស្លាកលេខ ភ្នំពេញ ២H-១១០៩ មួយគ្រឿង ដែលបើកបរដោយបុរសវ័យចំណាស់ម្នាក់ បើកបរតាមបណ្តោយផ្លូវព្រះនរោត្តម ក្នុងទិសដៅពីត្បូងទៅជើង លុះមកដល់ចំណុចខាងលើ ក៏បើកបត់ឆ្វេងក្នុងបំណងចូលទៅកាន់ទីស្នាក់ការគណៈបក្សប្រជាជនកម្ពុជា ។ ពេលដែលមកដល់ រថយន្តក៏បានបើកឆ្លងថ្នល់បត់ចូលយឺតៗ លុះមកដល់ខាងមុខក្លោងទ្វារចូលទៅខាងក្នុងស្ទើរតែផុតទៅហើយនោះ ក៏ស្រាប់តែមានម៉ូតូម៉ាកហុងដា C125 ពណ៌ខ្មៅ ពាក់ស្លាកលេខ កំពង់ឆ្នាំ ១C-៤១១២ មួយគ្រឿង ដែលបើកបរដោយបុរសម្នាក់ ក្នុងល្បឿនយ៉ាងលឿនដូចហោះ ក្នុងទិសដៅបញ្ច្រាសទិសគ្នា ដោយខ្វះការប្រុងប្រយ័ត្ននោះ ក៏បានជ្រុលទៅបុករថយន្ត ចំផ្នែកខាងមុខពេញទំហឹង បណ្ដាលឱ្យបុរសអ្នកបើកម៉ូតូខ្ទាតទៅលើរថយន្ត និងរមៀលធ្លាក់ទៅលើដីបណ្តាលឱ្យរលាត់ដៃជើងរងរបួសស្រាល ចំណែកឯរថយន្តកំពិត និងបែកកញ្ចក់ខាងមុខ និងម៉ូតូបាក់កង់ខាងមុខរងការខូចខាតយ៉ាងដំណំដូចគ្នា ។
ក្រោយពេលកើតហេតុ កម្លាំងមានសម្ថកិច្ចជំនាញចរាចរណ៍ខណ្ឌចំការមន ក៏បានចុះមកដល់ធ្វើការវាស់វែងរកខុសត្រូវ និងឲ្យភាគីរថយន្ត និងម៉ូតូទាំងពីរធ្វើការដោះស្រាយគ្នា និងដោយសារតែភាគីទាំងពីរស្គាល់គ្នា និងមិនចង់ឲ្យមានការរំខានដល់កម្លាំងមានសម្ថកិច្ចនោះ ក៏សុំធ្វើការដោះស្រាយបញ្ចប់រឿងដោយខ្លួនឯងនៅនឹងកន្លែងកើតហេតុ ៕
ចែករំលែកព័តមាននេះ