ល្បឿនហាយឡែនឌ័រព្រលះឡិចស៊ីសពេញទំហឹង
រាជធានីភ្នំពេញ ៖ ការបើកបរលឿនខ្វះការប្រុងប្រយ័ត្នមកដល់ចំណុចផ្លូវកែងមិនបានបន្ថយល្បឿនបណ្តាល
រាជធានីភ្នំពេញ ៖ ការបើកបរលឿនខ្វះការប្រុងប្រយ័ត្នមកដល់ចំណុចផ្លូវកែងមិនបានបន្ថយល្បឿនបណ្តាល
រាជធានីភ្នំពេញ ៖ ការបើកបរលឿនខ្វះការប្រុងប្រយ័ត្នមកដល់ចំណុចផ្លូវកែងមិនបានបន្ថយល្បឿនបណ្តាលឱ្យរថយន្តហាយឡែនឌ័របុករថយន្តឡិចស៊ីសជនជាតិចិនចំពាក់កណ្តាលពេញទំហឹងធ្វើឲ្យរងការខូចខាតរថយន្តទាំងសងខាង ហេតុការណ៍នេះកើតឡើងកាលពីវេលាម៉ោង១និង២០នាទីរំលងអធ្រាត្រឈានចូលថ្ងៃទី១០ សីហា ត្រង់ចំណុចផ្លូវ១០១១កែងនឹងផ្លូវ១៩៦៦ ស្ថិតក្នុងសង្កាត់ភ្នំពេញថ្មី ខណ្ឌសែនសុខ ។
តាមប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញបុរសជនជាតិចិនម្នាក់ស្រវឹងស្រាបើកបររថយន្តគ្រឿងម៉ាកឡិចស៊ីសRX៣០០ ពណ៌ទឹកប្រាក់ ពាក់ស្លាកលេខ ភ្នំពេញ២AD-៧៣៣៨ ធ្វើដំណើរតាមបណ្តោយផ្លូវ១០១១ ទិសដៅពីត្បូងទៅជើងក្នុងល្បឿនលឿន លុះមកដល់ចំណុចកើតហេតុក៏បានបើកឆ្លងកាត់ផ្លូវ១៩៦៦ ស្រាប់តែមានរថយន្តមួយគ្រឿងទៀតម៉ាកហាយឡែនឌ័រ ពណ៌ទឹកប៊ិច ពាក់ស្លាកលេខ ភ្នំពេញ២AP-៨៦០៥ បើកបរដោយបុរសម្នាក់ទើបតែចេញមកពីកន្លែងធ្វើការបំណងទៅផ្ទះវិញនៅសង្កាត់ឃ្មួញ ខណ្ឌសែនសុខ ធ្វើដំណើរតាមបណ្តោយផ្លូវ១៩៦៦ ទិសដៅពីកើតទៅលិចក្នុងល្បឿនបោះពួយយ៉ាងលឿនក៏ជ្រុលទៅបុករថយន្តឡិចស៊ីសចំពាក់កណ្តាលពេញទំហឹង បណ្តាលឲ្យរថយន្តឡិចស៊ីសក្រពឹតទ្វារផ្នែកខាងស្តាំ ចំណែកឯរថយន្តបង្កក្រពឹតផ្នែកខាងមុខ តែសំណាងល្អដែលមិនបង្កឱ្យមានអ្នករងរបួស តែបុរសជាជនជាតិចិនបានបើកទ្វាររថយន្តរត់គេចខ្លួនបាត់ស្រមោល ។
ក្រោយពេលកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុ និងទាក់ទងហៅសមត្ថកិច្ចជំនាញឱ្យចុះមកធ្វើការវាស់វែងយករថយន្តទាំងពីរគ្រឿងទៅរក្សាទុកនៅអធិការដ្ឋាននគរបាលខណ្ឌសែនសុខដើម្បីរងចាំធ្វើការដោះស្រាយនៅពេលក្រោយ ៕
ចែករំលែកព័តមាននេះ