បង្ក្រាបក្រុមចោរបាន២នាក់ ឆ្លងដែនមកលួចម៉ូតូរបស់មន្ត្រីនគរបាល
ខេត្តក្រចេះ ៖ ជនសង្ស័យ2នាក់ជាមុខសញ្ញាចាស់ត្រូវអស់លក្ខណ៍ ក្រោយឆ្លងដែនពីខេត្តកំពង់ចាមមកធ្វើសកម្មភាពលួចម៉ូតូ១គ្រឿងទៀត
ខេត្តក្រចេះ ៖ ជនសង្ស័យ2នាក់ជាមុខសញ្ញាចាស់ត្រូវអស់លក្ខណ៍ ក្រោយឆ្លងដែនពីខេត្តកំពង់ចាមមកធ្វើសកម្មភាពលួចម៉ូតូ១គ្រឿងទៀត
ខេត្តក្រចេះ ៖ ជនសង្ស័យ2នាក់ជាមុខសញ្ញាចាស់ត្រូវអស់លក្ខណ៍ ក្រោយឆ្លងដែនពីខេត្តកំពង់ចាមមកធ្វើសកម្មភាពលួចម៉ូតូ១គ្រឿងទៀត នៅខាងក្រោយចម្ការ អ្នកស្រុក ព្រែកប្រសព្វ ត្រូវសមត្ថកិច្ចប្រដេញចាប់ក្របួចជាប់ នៅថ្ងៃទី១៧ មករា ២០១៧ ។
លោកអេង ហឿន នាយប៉ុស្តិ៍នគរបាលជ្រោយបន្ទាយបានឲ្យដឹងថា ម៉ូតូដែលក្រុមជនសង្ស័យធ្វើសកម្មភាពលួច ជាម៉ូតូរបស់មន្ត្រីនគរបាលប៉ុស្តិ៍ ដែលបានជិះទៅមើលចម្ការ ។ ជនសង្ស័យទាំង២នាក់នេះមានឈ្មោះ ម៉េង ស្រុង អាយុ៤៤ឆ្នាំ និងម្នាក់ទៀតឈ្មោះ លី លេខ អាយុ៣៧ឆ្នាំ ពួកគេទាំងពីរមានទីលំនៅ ឃុំតាអុង ស្រុកចំការលើ ខេត្តកំពង់ចាម ។
លោកអេង ហឿន បន្តថា កម្លាំងនគរបាលប៉ុស្តិ៍រដ្ឋបាលប្រដេញប៉ផាប់ចាប់ពភីង រហូតដល់មានការជួយឡោមព័ទ្ឋពីសំណាក់កងកម្លាំងប្រដាប់អាវុធក្នុងស្រុក ទើបចាប់បានជនសង្ស័យទាំង២ ដោយរឹបអូសបានម៉ូតូសេរីទំនើបចំនួន០៣គ្រឿង ។ ក្នុងនោះម៉ូតូចំនួន២គ្រឿង ដែលជនសង្ស័យទាំងពីរនាក់នេះ ជិះធ្វើសកម្មភាព និងមួយគ្រឿងទៀត ជារបស់ជនរងគ្រោះជាមន្ត្រីនគរបាល ដែលពួកគេយកទៅលាក់ទុកក្នុងព្រៃត្រែង ។
ទោះជាយ៉ាងណាក្រោយការចាប់ខ្លួនជនសង្ស័យទាំងពីរជាចោរឆ្លងដែននេះ ពួកគេនៅមិនទាន់បានឆ្លើយសារភាពអ្វីទាំងអស់ ។ សមត្ថកិច្ចសន្និដ្ឋានថា ម៉ូតូទាំង២គ្រឿងដែលពួកគេធ្វើសកម្មភាព គឺលួចនៅកន្លែងផ្សេងគ្នា និងបានជិះមកធ្វើសកម្មភាពលួចបន្ត នៅតំបន់ខាងក្រោយស្រុកព្រែកប្រសព្វនេះ ៕
ចែករំលែកព័តមាននេះ