ខេត្តសៀមរាប ៖ បន្ទាប់ពីព្រឹត្តិការណ៍ដ៏កក្រើកតន្ត្រីបាល់ទះឆ្នេរខ្សាច់របស់ស្រាបៀរអាន់ឆ័រ ចាប់បើកឆាកដំបូងនៅខេត្តបាត់ដំបង ផ្សារទំនើបភូពុយ កាលពីសប្តាហ៍មុន ដោយទទួលបានជោគជ័យគួរឲ្យកត់សម្គាល់ កម្មវិធីតន្ត្រីបាល់ទះឆ្នេរខ្សាច់របស់ស្រាបៀរអាន់ឆ័របានធ្វើដំណើរមកដល់ខេត្តសៀមរាម ដែលបានប្រារព្ធធ្វើឡើងនៅបរិវេណខាងមុខសារមន្ទីរអប្សរា គ្យុងយូ កាលពីថ្ងៃទី២៥ ដល់២៦ ខែមីនា ឆ្នាំ២០១៦ ដោយមានការចូលរួមពីទស្សនិកជន ក្រុមកីឡាករបាល់ទះ និងអ្នកគាំទ្របាល់ទះយ៉ាងច្រើនកុះករ ។
កម្មវិធីតន្ត្រីបាល់ទះឆ្នេរខ្សាច់របស់ស្រាបៀរអាន់ឆ័រ ត្រូវបានរៀបចំឡើងនៅខេត្តសៀមរាប ដែលជាតំបន់រមណីយដ្ឋានប្រាង្គប្រាសាទអង្គរវត្តដ៏ល្បីល្បាញជុំវិញពិភពលោក បានទាក់ទាញភ្ញៀវទេសចរក្នុងស្រុក និងក្រៅស្រុកជាច្រើនចូលទស្សនាការប្រកួតវគ្គជម្រុះបាល់ទះឆ្នេរខ្សាច់ និងចូលរួមកម្មវិធីជាច្រើនដែលបានរៀបចំឡើងយ៉ាងពិសេសដោយស្រាបៀរ អាន់ឆ័រ ដូចជាលេងល្បែងកម្សាន្តដើម្បីឈ្នះរង្វាន់ ជាវសម្ភារកីឡាក្នុងតម្លៃពិសេស ថតរូបទុកជាអនុស្សាវរីយ៍ និងមានកម្មវិធីកម្សាន្តច្រើនបែបទៀត ។ នៅពេលល្ងាច ពួកគេបានរីករាយជាវស្រាបៀរអាន់ឆ័រ ដោយមានការបញ្ចុះតម្លៃ រួមទាំងការប្រគំតន្ត្រីដែលចូលរួមពីសំណាក់តារាចម្រៀងល្បីៗប្រចាំព្រះរាជាណាចក្រកម្ពុជា បានធ្វើឲ្យកក្រើកដល់ក្រុងសៀមរាមពីររាត្រីជាប់គ្នាជាមួយវត្តមាន លោកខេមរៈ សេរីមន្ត ឆាយ វីរៈយុទ្ធ នីកូ និង តារាចម្រៀងកំពុងពេញនិយមជាច្រើនរូបទៀត ។
សម្រាប់ការប្រកួតនៅមណ្ឌលសៀមរាបរយៈពេលពីរថ្ងៃជាប់គ្នាដោយមានការចូលរួមពីក្រុមបាល់ទះចំនួន៣២ក្រុម ដើម្បីប្រកួតដណ្តើមកៅអីសម្រាប់ចូលប្រកួតវគ្គផ្តាច់ព្រ័ត្រនៅឆ្នេរអូរឈើទាល ខេត្តព្រះសីហនុ គេបានរកឃើញក្រុមខ្លាំងចំនួនបួនដែលត្រូវចូលប្រកួតវគ្គផ្តាច់ព្រ័ត្រនាថ្ងៃទី១៥ ខែមេសា នៅខេត្តព្រះសីហនុ រួមមានក្រុមម្ចាស់ជ័យលាភីលេខ១ប្រចាំខេត្តសៀមរាប បានទៅក្រុមយុវជនសៀមរាប ទទួលបានទឹកប្រាក់រង្វាន់១.០០០ដុល្លារ និងមេដាយមាស, ជ័យលាភីលេខ២បានទៅក្រុម យុវជនក្រុងអង្គរA ទទួលបានទឹកប្រាក់រង្វាន់៥០០ដុល្លារ និងមេដាយប្រាក់, ជ័យលាភីលេខ៣បានទៅក្រុមកូននាគឆ្លងដែន ទទួលបានទឹកប្រាក់រង្វាន់៣០០ដុល្លារ និងមេដាយសំរឹទ្ធ និងជ័យលាភីលេខ៣ស្ទួនបានទៅក្រុមរាជសីហ៍ឆ្លងដែន ទទួលបានទឹកប្រាក់រង្វាន់ ៣០០ដុល្លារ និងមេដាយសំរឹទ្ធ ។
កម្មវិធីតន្ត្រីបាល់ទះឆ្នេរខ្សាច់របស់ស្រាបៀរអាន់ឆ័រ ២០១៦ នឹងធ្វើឡើងនៅខេត្តបន្ទាប់ទៀតគឺ កំពង់ចាម បឹងស្នាយ ជាប់ធនាគារអេស៊ីលីដាពីថ្ងៃទី១-២ មេសា ២០១៦ ។
ដូច្នេះសូមកុំភ្លេចចូលរួមទស្សនាកម្មវិធីពិសេសនៅខេត្តកំពង់ចាមឲ្យបានច្រើនកុះករ ។
ព័ត៌មានបន្ថែមអំពីតន្ត្រីបាល់ទះឆ្នេរខ្សាច់របស់ស្រាបៀរអាន់ឆ័រ ២០១៦ សូមចូលទៅកាន់ទំព័រហ្វេសប៊ុករបស់ស្រាបៀរអាន់ឆ័រ https://www.facebook.com/AnchorBeerKH/ ឬទំនាក់ទំនងតាមរយៈទូរស័ព្ទលេខ០៧៧ ៧៧៧ ៩២៨ / ០១២ ៧៩៨ ៥០៤ / ០៨១ ៨៨៨ ៧៧៩ ៕
ចែករំលែកព័តមាននេះ