ខេត្តកំពត ៖ រថយន្តម៉ាកទួរីស ពណ៌ខៀវ ពាក់ស្លាកលេខភ្នំពេញ២AH៤៧៣៨ បានបុកគោយន្តកន្ត្រៃយ៍អត់មានភ្លើងបំភ្លឺបត់ឆ្លងផ្លូវបណ្តាលឱ្យអ្នកបើកគោយន្តស្លា.ប់នៅនឹងកន្លែង កាលពីវេលាម៉ោង៧យប់
ខេត្តកំពត ៖ រថយន្តម៉ាកទួរីស ពណ៌ខៀវ ពាក់ស្លាកលេខភ្នំពេញ២AH៤៧៣៨ បានបុកគោយន្តកន្ត្រៃយ៍អត់មានភ្លើងបំភ្លឺបត់ឆ្លងផ្លូវបណ្តាលឱ្យអ្នកបើកគោយន្តស្លាប់នៅនឹងកន្លែង កាលពីវេលាម៉ោង៧យប់ ថ្ងៃទី២៣ ធ្នូ នៅលើកំណាត់ផ្លូវជាតិលេខ៣១ ត្រង់ចំណុចលើស្ពានបេតុង ស្ថិតក្នុងភូមិក្រាំងដូង ឃុំសំរោងក្រោម ស្រុកបន្ទាយមាស។
លោកមិន ញ៉េប អនុប្រធានផ្នែកនគរបាលចរាចរស្រុកបន្ទាយមាសបានប្រាប់ឱ្យដឹងថា ជនរងគ្រោះដែលស្លាប់ឈ្មោះហ៊ី ហាំ ភេទប្រុស អាយុ៣៧ឆ្នាំ នៅភូមិតាអៀក ឃុំសំរោងក្រោម រីឯគោយន្តរងការខូចខាតទាំងស្រុង និងរថយន្តបានធ្លាក់ទៅក្រោមស្ពាន ដែលក្នុងរថយន្តនោះក៏មានព្រះសង្ឃ៤អង្គដែររងរបួសស្រាល។
លោកមិន ញ៉េប អនុប្រធានផ្នែកនគរបាលចរាចរបានប្រាប់បន្តថា គ្រោះថ្នាក់ចរាចរណ៍នេះបណ្តាលមកពីគោយន្តអត់មានភ្លើងបំភ្លឺ ហើយបត់ឆ្លងផ្លូវ រថយន្តបើកមកមើលអត់ឃើញទើបបុកតែម្តង។
លោកមិន ញ៉េប បន្តថា ម្ចាស់រថយន្តឈ្មោះឈីវ នៅភូមិកោះមួង ឃុំបឹងសាលាខាងជើង ស្រុកកំពង់ត្រាច បានរត់គេចខ្លួន បន្ទាប់ពីបុកគោយន្ត៕
ចែករំលែកព័តមាននេះ