ខេត្តសៀមរាប ៖ កម្លាំងការិយាល័យនគរបាលព្រហ្មទណ្ឌកម្រិតស្រាលខេត្ត ចុះប្រតិបត្តិការអនុវត្តវិធានការបង្ការបទល្មើស ដើរល្បាតការពារក្នុងពិធីថ្ងៃបុណ្យអុំទូក បណ្តែតប្រទីប អកអំបុក និងសំពះព្រះខែ
ខេត្តសៀមរាប ៖ កម្លាំងការិយាល័យនគរបាលព្រហ្មទណ្ឌកម្រិតស្រាលខេត្ត ចុះប្រតិបត្តិការអនុវត្តវិធានការបង្ការបទល្មើស ដើរល្បាតការពារក្នុងពិធីថ្ងៃបុណ្យអុំទូក បណ្តែតប្រទីប អកអំបុក និងសំពះព្រះខែ ចាប់ពីថ្ងៃទី២៣ដល់ថ្ងៃទី២៥ វិច្ឆិកា ២០១៥ ឃាត់ខ្លួនមុខសញ្ញាជនសង្ស័យប្រុសស្រីចំនួន១១នាក់ នៅខេត្តសៀមរាប ។
លោកវរសេនីយ៍ទោ ភឹង ចិន្តារ៉េត នាយការិយាល័យនគរបាលព្រហ្មទណ្ឌកម្រិតស្រាលខេត្ត បានប្រាប់កោះសន្តិភាពនៅរសៀលថ្ងៃទី២៦ វិច្ឆិកា នេះ ថា លោកដាក់បទបញ្ជាដល់កម្លាំងក្រោមឱវាទ ដើម្បីចុះល្បាត និងអនុវត្តវិធានការបង្ការបទល្មើសក្នុងពិធីថ្ងៃបុណ្យអុំទូក រហូតឈានដល់ឃាត់ខ្លួនជនសង្ស័យប្រុសស្រីចំនួន១១នាក់ មកពីខេត្តផ្សេងៗគ្នាដោយធ្វើសកម្មភាព លូកហោប៉ៅ និងកាត់ខ្សែ.កភ្ញៀវជាតិ-អន្តរជាតិ រួចនាំយកមកការិយាល័យនគរបាលខេត្តដើម្បីសាកសួរ ។
លោកនាយការិយាល័យ បានបន្តថា ជនសង្ស័យទាំង១១នាក់ មាន ១/ឈ្មោះ សុខ ណាវី ភេទស្រី អាយុ២១ឆ្នាំ ២/ឈ្មោះ សុខ ស្រីល័ក្ខ ភេទស្រី អាយុ២៤ឆ្នាំ (ទាំង២នាក់ជាបងប្អូនមកពីនៅរាជធានីភ្នំពេញ ៣/ឈ្មោះ យឹម សុខ ភេទស្រី អាយុ៥៨ឆ្នាំ មកពីខេត្តឧត្តរមានជ័យ ៤/ឈ្មោះ ចាន់ ភាស់ ហៅស្រី ភេទស្រី អាយុ៣៤ឆ្នាំ មកពីរាជធានីភ្នំពេញ ៥/ឈ្មោះ ប៊ុន ធឿនតូតាល់ ហៅអាតា ភេទស្រី អាយុ១៥ឆ្នាំ មកពីរាជធានីភ្នំពេញ ៦/ឈ្មោះ កាន់ នាង ភេទស្រី អាយុ៣៧ឆ្នាំ មកពីខេត្តតាកែវ ៧/ឈ្មោះ ប៊ុត ស្រីមុំ ហៅទូច ភេទស្រី អាយុ៣៤ឆ្នាំ មកពីរាជធានីភ្នំពេញ ៨/ឈ្មោះ ហេង ពៅ ភេទប្រុស អាយុ៦៥ឆ្នាំ មកពីខេត្តបាត់ដំបង ៩/ឈ្មោះ ហួន វណ្ណា ភេទប្រុស អាយុ៥៨ឆ្នាំ មកពីខេត្តកំពង់ចាម ១០/ឈ្មោះ លី តា ភេទស្រី អាយុ៣១ឆ្នាំ មកពីខេត្តបាត់ដំបង និង១១/ឈ្មោះ ចន គឹមអាង ភេទស្រី អាយុ២២ឆ្នាំ មកពីខេត្តបាត់ដំបង ។
ជនសង្ស័យទាំង១១នាក់ខាងលើ ត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមច្បាប់ ៕
ចែករំលែកព័តមាននេះ