រាជធានីភ្នំពេញ ៖ បុរស៣នាក់ត្រូវបានកម្លាំងគណៈបញ្ជាការឯកភាពខណ្ឌទួលគោកដាក់គោលដៅត្រួតពិនិត្យអាវុធជាតិផ្ទុះ និងពង្រឹងច្បាប់ចរាចរ ឃាត់ខ្លួនកាលពីវេលាម៉ោង៩ និង២០នាទីយប់ ថ្ងៃទី៨ កក្កដា
រាជធានីភ្នំពេញ ៖ បុរស៣នាក់ត្រូវបានកម្លាំងគណៈបញ្ជាការឯកភាពខណ្ឌទួលគោកដាក់គោលដៅត្រួតពិនិត្យអាវុធជាតិផ្ទុះ និងពង្រឹងច្បាប់ចរាចរ ឃាត់ខ្លួនកាលពីវេលាម៉ោង៩ និង២០នាទីយប់ ថ្ងៃទី៨ កក្កដា ២០១៥ នៅចំណុចផ្លូវឧកញ៉ាទេពផន ក្នុងសង្កាត់ទឹកល្អក់ទី៣ ខណ្ឌទួលគោក ពីបទកាន់អាវុធដោយគ្មានការអនុញ្ញាត (ដាវកែច្នៃ)។
ជនសង្ស័យដែលត្រូវឃាត់ខ្លួន ១-ឈ្មោះ យី យាន ហៅ យាន ភេទប្រុស អាយុ២៣ឆ្នាំ មុខរបរចុងភៅគុយទាវនៅមុខគីរីរម្យ ស្នាក់នៅផ្ទះជួលសង្កាត់អូរឡាំពិក ខណ្ឌចំការមន ជាម្ចាស់ដាវ, ២-ឈ្មោះ សន ទីភេទប្រុស អាយុ១៨ឆ្នាំ មុខរបរចុងភៅគុយទាវ ស្នាក់នៅផ្ទះជួល សង្កាត់ទួលទំពូងទី១ ខណ្ឌចំការមន និង៣-ឈ្មោះ សុត ទុងសា ហៅសា ភេទប្រុស អាយុ១៩ឆ្នាំ ជាចុងភៅគុយទាវ ស្នាក់នៅផ្ទះគ្មានលេខ ផ្លូវលំ ភូមិ សន្សំកុសល្ស១ សង្កាត់បឹងទំពុន ខណ្ឌមានជ័យ។
តាមការសារភាពពីឈ្មោះ យី យាន បានឱ្យដឹងថា ដាវនោះ ខ្លួនខ្ចីពីមិត្តភក្កិដាក់តាមខ្លួនដើម្បីការពារខ្លួន និងតាមគូទំនាស់ដែលបានវាយរូបគេកាលពីថ្ងៃទី៨ កក្កដា កន្លងមក។ នៅពេលជិះតាមរកក៏ប្រទះនឹងកម្លាំងសម្ថកិច្ចឃាត់ខ្លួនតែម្តង៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ