រាជធានីភ្នំពេញ ៖ ថ្មីៗនេះលេចឮដំណឹងថាកញ្ញាវី ឌីណែត ជាអ្នកចម្រៀងថ្មី និងជាកូនស្រីរបស់លោកហួ ឡាវី នឹងក្លាយជាសមាជិកថ្មីនៅផលិតកម្មហង្សមាស ។ បើទោះបីជាហង្សមាសមានតារាល្បីច្រើននាក់ទៅហើយក្ដី ប៉ុន្តែនៅតែមិនស្កប់ស្កល់ចម្រាញ់រកសមាជិក ថ្មីៗបន្ថែមទៀតឡើយ ។
រាជធានីភ្នំពេញ ៖ ថ្មីៗនេះលេចឮដំណឹងថាកញ្ញាវី ឌីណែត ជាអ្នកចម្រៀងថ្មី និងជាកូនស្រីរបស់លោកហួ ឡាវី នឹងក្លាយជាសមាជិកថ្មីនៅផលិតកម្មហង្សមាស ។ បើទោះបីជាហង្សមាសមានតារាល្បីច្រើននាក់ទៅហើយក្ដី ប៉ុន្តែនៅតែមិនស្កប់ស្កល់ចម្រាញ់រកសមាជិក ថ្មីៗបន្ថែមទៀតឡើយ ។
ជាក់ស្ដែងកាលពីពេល ថ្មីៗនេះមានព័ត៌មានលេចឮថាតារាចម្រៀងថ្មីដែលប្រសូតចេញពីកម្មវិធីប្រឡងចម្រៀងកុមារនៅទូរទស្សន៍ប៉ុស្ដិ៍លេខ៣ កញ្ញាវី ឌីណែត ត្រៀមខ្លួនចូលផលិតកម្មហង្សមាស ហើយផលិតកម្មបានត្រៀមបទថ្មីទុកឱ្យនាងច្រៀននាពេលខាងមុខ ។ មូលហេតុដែលថ្នាក់ដឹកនាំហង្សមាសសម្រេចទទួលយកឌីណែតព្រោះតែកន្លងមកនាងច្រៀងបទជាភាសាអង់គ្លេសបានយ៉ាងពីរោះ ស្រែកមិនបែកសំឡេងគួបផ្សំនឹងការតាក់តែងខ្លួនសមជាយុវវ័យជំនាន់ថ្មី ។
ក្នុងជំនួបចៃដន្យក្នុងពិធីមង្គលការរបស់អ្នកនាងពៅ សុជាតា កាលពីថ្ងៃទី២៦ វិច្ឆិកា ២០១៣ កញ្ញាវី ឌីណែត ដែលពេញរូបរាងហើយរីកសាយសម្រស់គួរឱ្យទាក់ទាញនោះបានទទួលស្គាល់ថាកន្លងមកថ្នាក់ដឹកនាំផលិតកម្មហង្សមាសបានទាក់ទងនាងប្រាកដមែន ។ ឌីណែត ប្រាប់ថាផលិតកម្មហង្សមាសហៅនាងបីបួនខែមុន តែនាងនៅមិនទាន់ដឹងថាបានសម្រេច១០០% ឬអត់ទេ ។ គ្រាន់តែនាងដឹងថាពួកគាត់កំពុងតែនិពន្ធបទចម្រៀងត្រៀមឱ្យនាងច្រៀង បណ្ដើរៗ សិន ពេលរួចរាល់នាងនឹងត្រូវច្រៀងបញ្ចូលឌីស្ដសាកមើលតើទៅរួច ឬអត់ ។
នៅពេលសួរថាតើមានមូលហេតុអ្វីបានជាគេមកសួរនាំនាង ហើយចង់ឱ្យក្លាយជាសមាជិកថ្មី ? ចុះបើក្លាយជាការណ៍ពិតនាងនឹងពង្រឹងសមត្ថភាពដូចម្ដេចខ្លះ? ឌីណែត ឆ្លើយថា «នេះប្រហែលជាគេមើលឃើញពីសមត្ថភាពខ្ញុំទេដឹងបានជាខាងផលិតកម្មសួរនាំដោយសារតែកន្លងមកតារារៀមច្បងនៅហង្សមាសសុទ្ធតែធ្វើបានល្អអត់មានអ្នកណាមួយមិនកើតទាំងច្រៀងទាំងកាយវិការនិងក្បាច់រាំ ។ ម្លោ៉ះហើយនាងខ្ញុំយល់ថា គេផ្ដោតទៅលើទេពកោសល្យជាងគេក្រៅពីរូបសម្បត្តិ ពិសេសទឹកដមសំឡេង ។ បើសិនជានាងខ្ញុំក្ដាប់ឱកាសបានមែន នាងខ្ញុំនឹងពង្រឹងខ្លួនឯងឱ្យកាន់ស្ទុះឡើងដើម្បីឱ្យកាន់តែល្អដូចអ្នកមុននៅក្នុងផលិតកម្មហង្សមាស» ។
វី ឌីណែត តាំងពីជាប់ជ័យលាភីក្នុងកម្មវិធីប្រឡងចម្រៀងកុមារនៅទូរទស្សន៍ប៉ុស្ដិ៍លេខ៣មកតែងតែចូលរួមក្នុងវេទិកាតន្ត្រីតាមស្ថានីយទូរទស្សន៍ជាច្រើននៅក្នុងស្រុកដោយសារតែនាងច្រៀងពីរោះ និងសំឡេងធ្ងន់ល្អ ។ វី ឌីណែត ច្រៀងបទពីដើមបានយ៉ាងល្អ និងឧស្សាហ៍ចូលរួមបង្ហាញមុខនៅលើកញ្ចក់ទូរទស្សន៍បាយ័នក្នុងនាទី«យុទ្ធជនសមរភូមិមុខ» ជាមួយតារា ចាស់ៗនិងឧស្សាហ៍ឡើងច្រៀងក្នុងកម្មវិធីតន្ត្រីផ្សេងៗទៀតជាញឹកញាប់នៅទូរទស្សន៍នោះ ៕
ចែករំលែកព័តមាននេះ