ក្រុមតារាសាស្ត្រអ៊ុយក្រែនបានប្រទះឃើញផ្កាយព្រះគ្រោះខ្នាតធំមានទំហំជាង៤០០ម៉ែត្រ ហើយថាវានឹងបុកផែនដីនៅក្នុងឆ្នាំ២០៣២ មានកម្លាំងទង្គិចខ្លាំងស្មើនឹងកម្លាំងផ្ទុះគ្រាប់ TNT ប្រហែល២.៥០០លានតោន ។
ក្រុមតារាសាស្ត្រអ៊ុយក្រែនបានប្រទះឃើញផ្កាយព្រះគ្រោះខ្នាតធំមានទំហំជាង៤០០ម៉ែត្រ ហើយថាវានឹងបុកផែនដីនៅក្នុងឆ្នាំ២០៣២ មានកម្លាំងទង្គិចខ្លាំងស្មើនឹងកម្លាំងផ្ទុះគ្រាប់ TNT ប្រហែល២.៥០០លានតោន ។
ក្រុមអ្នកជំនាញផ្នែកតារាសាស្ត្រនៅភាគខាងត្បូងប្រទេសអ៊ុយក្រែនឱ្យដឹងថា ពួកគេបានប្រទះឃើញផ្កាយព្រះគ្រោះខ្នាតធំឈ្មោះ «2013 TV 135» កាលពីពេល ថ្មីៗកន្លងមក ដោយប៉ាន់ប្រមាណថាមានទំហំ៤១០ម៉ែត្រ ។
តាមការត្រួតពិនិត្យរបស់ក្រុមតារាសាស្ត្រដឹកនាំដោយលោកឌីមួ ឃ័រយ៉ាស្កូ បញ្ជាក់ថាផ្កាយព្រះគ្រោះនោះ រំកិលនៅឆ្ងាយពីរង្វង់គោចរផែនដីមិនដល់១,៧លានគីឡូម៉ែត្រទេ ហើយតាមការប៉ាន់ប្រមាណវានឹងបុកផែនដីនៅថ្ងៃទី២៦ សីហា ២០៣២ ។
នៅក្នុងរបាយការណ៍បញ្ជាក់ថា ប្រសិនបើផ្កាយព្រះគ្រោះ«2013 TV 135»បុកផែនដី នឹងបង្កឱ្យមានការផ្ទុះដ៏ធំ មានកម្លាំងប្រហែល២.៥០០លានតោន ។
លោកឌីមីទ្រី រ៉ូហ្គោស៊ីន ឧបនាយករដ្ឋមន្ត្រីរុស្ស៊ី ក្រោយពីបានឮដំណឹងរបស់ក្រុមតារាសាស្ត្រអ៊ុយក្រែននោះ បាននិយាយថាបច្ចុប្បន្នរុស្ស៊ីស្ថិតក្រោមការដឹកនាំរបស់លោកវ៉្លាឌីមៀ ពូទីន កំពុងអភិវឌ្ឍប្រព័ន្ធការពារពីការវាយប្រហាររបស់ផ្កាយ និងវត្ថុនៅក្រៅភព ដើម្បីចៀសវាងការគំរាមកំហែងពីលើអាកាស ក្រោយពីធ្លាប់កើតមានកាលពីខែកុម្ភៈ កន្លងមក ៕
ចែករំលែកព័តមាននេះ