ខេត្តត្បូងឃ្មុំ ៖ ជុំវិញការដោះលែងម្ចាស់សិប្បកម្មផលិតកាំបិត ដាវ នៅស្រុកដំបែរ ដែលត្រូវបានដោះលែងឲ្យនៅក្រៅឃុំវិញហើយ នាព្រឹកថ្ងៃទី១១ កុម្ភៈ ឆ្នាំ២០២៥ ។…
ខេត្តត្បូងឃ្មុំ ៖ ជុំវិញការដោះលែងម្ចាស់សិប្បកម្មផលិតកាំបិត ដាវ នៅស្រុកដំបែរ ដែលត្រូវបានដោះលែងឲ្យនៅក្រៅឃុំវិញហើយ នាព្រឹកថ្ងៃទី១១ កុម្ភៈ ឆ្នាំ២០២៥ ។
លោកសូ សុវិទ្យា ព្រះរាជអាជ្ញារង និងជាអ្នកនាំពាក្យតំណាងអយ្យការអមសាលាដំបូងខេត្តត្បូងឃ្មុំ បានបញ្ជាក់ឲ្យដឹងថា ១.ការដោះលែងនេះ ដោយសំអាងលើការផលិតកាំបិ.តជាលក្ខណៈគ្រួសារតពីដូនតាមក ។ ២.ពុំទាន់មានឥទ្ធិពល ឬព្យសនកម្មណាមួយកើតឡើងលើជនរងគ្រោះហើយការផលិតនេះជាលក្ខណៈគ្រួសារតែប៉ុណ្ណោះ ។ ៣.ធ្វើកិច្ចសន្យាអប់រំណែនាំឲ្យឈប់សកម្មភាពបន្តទៀត ។ ៤.ករណីរឿងនេះនៅមានចំណាត់ការពុំទាន់ចប់នៅឡើយទេ ។
សូមបញ្ជាក់ថា កាលពីថ្ងៃទី៦ ខែកុម្ភៈ ឆ្នាំ២០២៥ កម្លាំងស្នងការដ្ឋាននគរបាលខេត្តត្បូងឃ្មុំ សហការជាមួយក្រុមការងារ HOT-LINE SCAM24/7 របស់អគ្គស្នងការដ្ឋាននគរបាលជាតិ និងអធិការដ្ឋាននគរបាលស្រុកតំបែរ បានចុះបង្ក្រាបទីតាំងសិប្បកម្មធ្វើកាំបិត ដែលបង្ហោះតាមបណ្តាញសង្គម Live Facebook -TikTok លក់កាំបិតដាវ ដែលជាអាវុធប្រហារ មួយកន្លែងនៅភូមិទួលសំបូរ ឃុំត្រពាំងព្រីង ស្រុកតំបែរ ខេត្តត្បូងឃ្មុំ។
ក្នុងកិច្ចប្រតិបត្តិការសមត្ថកិច្ចយើងបានឃាត់ខ្លួនមនុស្ស២នាក់១-ឈ្មោះ សា សូទី ភេទប្រុស អាយុ៣៨ឆ្នាំ ជនជាតិ ខ្មែរឥស្លាម (មេជាង) ២-ឈ្មោះ អិន ប្រុសទូច ភេទប្រុស អាយុ២៥ឆ្នាំ ជនជាតិ ខ្មែរឥស្លាម (កូនជាង) ៕
ចែករំលែកព័តមាននេះ