ខេត្តព្រះសីហនុ ៖ តាមការបង្ហើបឲ្យដឹងពីមូលដ្ឋានសមុទ្ររាម នៅវេលាម៉ោង៩:០០នាទី ព្រឹកថ្ងៃទី ១ ខែ កុម្ភៈ ឆ្នាំ២០២៥ តាមការគ្រោងទុកនាវាចម្បាំងកងទ័ពជើងទឹកប្រទេសកាណាដា ចំនួន១គ្រឿង គ្រោងចូលចតនៅកំពង់ផែស្វយ័ត្នក្រុងព្រះសីហនុ រយៈពេល ៤ថ្ងៃ(ថ្ងៃទី ០១-០៤ ខែកុម្ភៈ ឆ្នាំ២០២៥) ក្នុងដំណើរទស្សនកិច្ចជាផ្លូវការនៅកម្ពុជា ដើម្បីរឹតចំណងសាមគ្គីភាព មិត្តភាព រវាងកងទ័ពជើងទឹក ប្រទេសទាំងពីរ ក្នុងនោះក៏មានការប្រកួតកីឡាបាល់ទាត់ បាល់ទះជាមិត្តភាព ។

ក្នុងនោះលោកវេជ្ជបណ្ឌិត និងគ្រូពេទ្យមកពិនិត្យមជ្ឈមណ្ឌលវិជ្ជសាស្ត្រនៅមូលដ្ឋានសមុទ្ររាម កងទ័ពជើងទឹក ដោតលើជំនាញការុករកស្វែងរក និងសង្គ្រោះ ។ប្រភពខាងលើបានបញ្ជាក់ឲ្យដឹងថានាវា ចម្បាំងដឹកនាំដោយមេបញ្ជាការ ឈ្មោះAdriano Lozer មានចំនួននាវិក ២៥៥ នាក់។

លក្ខណៈបច្ចេកទេសនាវា នាវាឈ្មោះ HMCS OTTAWA – FFH 34 (Frigate. Helicopter)មានបណ្ដោយ 134.7 មនិងទទឹង ១៦.៥ ម,មានជម្រៅទឹក ៧.៥ ម ទម្ងន់ផ្ទុក ៥១០០ តោន,ល្បឿន ៣០ knotsមានឧទ្ធម្ភាគចក្រ CH-148 Cyclone ១គ្រឿង៕