ករណីប្រជ្រៀតគ្នាចាំយកអាំងប៉ាវមានអ្នកស្លា.ប់ដល់៤នាក់ហើយ និងកំពុងសង្គ្រោះ៥នាក់
- ភ្នំពេញ
រាជធានីភ្នំពេញ ៖ គិតត្រឹមវេលាម៉ោង១២ជាងនៅថ្ងៃទី២៣ មករា ឆ្នាំ២០២៥ នេះ មានអ្នកស្លា.ប់បានកើនដល់៤នាក់ និងសង្គ្រោះចំនួន ៥នាក់ ថា…
រាជធានីភ្នំពេញ ៖ គិតត្រឹមវេលាម៉ោង១២ជាងនៅថ្ងៃទី២៣ មករា ឆ្នាំ២០២៥ នេះ មានអ្នកស្លា.ប់បានកើនដល់៤នាក់ និងសង្គ្រោះចំនួន ៥នាក់ ថា យ៉ាងហោចណាស់ មានមនុស្ស៤នាក់បានស្លា.ប់ និងសង្គ្រោះ៥នាក់ហើយ ករណីប្រជាពលរដ្ឋឈរចាំប្រជ្រៀតគ្នា នៅមុខភូមិគ្រឹះអ្នកឧកញ៉ា សុខ គង់ ចាំយកអាំងប៉ាវ ។
គិតត្រឹមវេលាម៉ោង១២ជាងនៅថ្ងៃទី២៣ មករា ឆ្នាំ២០២៥ នេះ លោកវរសេនីយ៍ឯក សំ វិច្ឆិកា អ្នកនាំពាក្យនៃស្នងការដ្ឋាននគរបាលរាជធានីភ្នំពេញ បានបញ្ជាក់ថា អ្នកស្លា.ប់បានកើនឡើងដល់៤នាក់ និងរបួស៥នាក់ហើយ ករណីប្រជាពលរដ្ឋឈរចាំប្រជ្រៀតគ្នា ចាំយកអាំងប៉ាវ ។
ក្នុងករណីខាងលើនេះដែរ ចំពោះអ្នកស្លា.ប់៤នាក់ គឺមានប្រុស២នាក់ និងស្រី២នាក់ នៅមន្ទីរពេទ្យកាល់ម៉ែត្រ និងអង្គឌួង ហើយ៥នាក់ទៀតកំពុងតែធ្វើការសង្គ្រោះ (ពួកគាត់សុទ្ធតែមនុស្សចាស់ និងមានបញ្ហាសុខភាព) ។
សូមបញ្ជាក់ថា ពលរដ្ឋជាច្រើននាក់ បានទៅរង់ចាំទទួលអាំងប៉ាវ នៅអ្នកឧកញ៉ាសុខ គង់ ។ ភ្លាមៗ រថយន្តសង្គ្រោះមកជាច្រើនគ្រឿងផងដែរ ។ ករណីនេះបង្កភ្ញាក់ផ្អើល នៅវេលាម៉ោង១០ និង ២៨នាទីព្រឹកថ្ងៃទី២៣ ខែមករា ឆ្នាំ២០២៥ នៅតាមបណ្តោយមហាវិថី ព្រះ នរោត្តម ស្ថិតក្នុងសង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ ។
ក្នុងហេតុការណ៍នេះដែរ អភិបាលរាជធានីភ្នំពេញ លោក ឃួង ស្រេង និងលោក សុខ ពេញវុធ អភិបាលរងរាជធានីភ្នំពេញ បានដឹកនាំកម្លាំងសមត្ថកិច្ច និងរថយន្ដសង្គ្រោះបន្ទាន់ជាច្រើន ដើម្បីជួយអន្ដរាគមន៍ផងដែរ ៕
ចែករំលែកព័តមាននេះ