រាជធានីភ្នំពេញ ៖ រថយន្តម៉ាក BMW មួយគ្រឿង អ្នកបើកបរអះអាងថា ច្រឡំជាន់ហ្គែរបានបើកបោះពួយ ចូលឱសថស្ថានសួគ៌ា ទម្លោះទ្វារកញ្ចក់ចូលទៅក្នុងបុកទូរតាំងថ្នាំ បណ្ដាលឲ្យរងការខូចខាតធ្ងន់ធ្ងរ…
រាជធានីភ្នំពេញ ៖ រថយន្តម៉ាក BMW មួយគ្រឿង អ្នកបើកបរអះអាងថា ច្រឡំជាន់ហ្គែរបានបើកបោះពួយ ចូលឱសថស្ថានសួគ៌ា ទម្លោះទ្វារកញ្ចក់ចូលទៅក្នុងបុកទូរតាំងថ្នាំ បណ្ដាលឲ្យរងការខូចខាតធ្ងន់ធ្ងរ ។
ទោះបីជាយ៉ាងណាពុំបណ្ដាឲ្យមនុស្សរងរបួសឡើយ ។ ហេតុការណ៍គ្រោះថ្នាក់នេះ បានកើតឡើង កាលពីវេលាម៉ោង៩និង៤៥នាទីព្រឹក ថ្ងៃទី១៨ ខែធ្នូ ឆ្នាំ២០២៤ នៅចំណុចតាមផ្លូវជាតិលេខ៦A កែងស្តុបនាងមច្ឆា ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។
រថយន្តដែលបង្កគ្រោះថ្នាក់ម៉ាក BMW ពណ៌ក្រហមលាយខ្មៅ ពាក់ស្លាកលេខ ភ្នំពេញ 2CD-6882 បើកបរដោយបុរសចំណាស់ម្នាក់ពុំស្គាល់អត្តសញ្ញាណឡើយ ។
តាមសាក្សីបានឲ្យដឹងថា នៅមុនពេលកើតហេតុគេឃើញរថយន្តខាងលើបានធ្វើដំណើរតាមបណ្ដោយផ្លូវជាតិលេខ៦A ក្នុងទិសដៅពីជើងទៅត្បូង ។ នៅពេលធ្វើដំណើរមកដល់ចំណុចកើតហេតុ ម្ចាស់បង្អង់ល្បឿនប្រុងឈប់ ក្នុងគោលបំណងចូលទិញថ្នាំ ហើយមិនដឹងជា មូលហេតុអ្វីស្រាប់តែរថយន្តបោះពួយបុកចូលឱសថស្ថានទៅទម្លោះទ្វារកញ្ចក់ និងបុកទូតាំងថ្នាំបណ្ដាលឲ្យរងការខូចខាត ។
តាមបុរសវ័យចំណាស់អ្នកបើកបរបានឲ្យដឹងថា នៅមុនពេលកើតហេតុគាត់បានបង្អង់ល្បឿនអែបស្ដាំឈប់ប្រុងចតរថយន្តចូលទិញថ្នាំ ហើយជាន់ហ្វ្រាំងច្រឡំហ្គែរក៏បុកចូលឱសថស្ថានតែម្ដង ។ បន្ទាប់ពីកើតមានគ្រោះថ្នាក់ ភាគីខាងរថយន្តក៏បានសម្របសម្រួលជាមួយម្ចាស់ឱសថស្ថាន ដើម្បីសងការខូចខាត។ទោះបីជាយ៉ាងណាគេពុំដឹងថា អស់ប៉ុន្មានឡើយ ៕
ចែករំលែកព័តមាននេះ