រាជធានីភ្នំពេញ ៖ សាលាអន្តរជាតិ Shrewsbury សាខាជ្រោយចង្វា បានរៀបចំនូវកម្មធីបុណ្យណូអែល ដើម្បីឱ្យអាណាព្យាបាល និងសិស្សានុសិស្សទាំងអស់បានមកជួបជុំគ្នា បង្កើនភាពស្និទ្ធស្នាលនិងទំនាក់ទំនងកាន់ តែជិតស្និទ្ធរវាងសិស្សនិងសិស្ស…
រាជធានីភ្នំពេញ ៖ សាលាអន្តរជាតិ Shrewsbury សាខាជ្រោយចង្វា បានរៀបចំនូវកម្មធីបុណ្យណូអែល ដើម្បីឱ្យអាណាព្យាបាល និងសិស្សានុសិស្សទាំងអស់បានមកជួបជុំគ្នា បង្កើនភាពស្និទ្ធស្នាលនិងទំនាក់ទំនងកាន់ តែជិតស្និទ្ធរវាងសិស្សនិងសិស្ស និងរវាងអាណាព្យបាលសិស្ស និងអាណាព្យាបាលសិស្ស ។កម្មវិធីនេះធ្វើឡើងនៅរសៀលថ្ងៃទី១៤ ខែធ្នូ ឆ្នាំ ២០២៤ ដោយមានការចូលរួមពីគណៈគ្រប់គ្រងសាលាបុគ្គលិកសិស្សានុសិស្សនិងអាណាព្យាបាលសិស្សជាច្រើនផងដែរ ។
លោក Toby Waterson នាយកសាលាអន្តរជាតិ Shrewsbury មានប្រសាសន៍ថា នេះគឺជាលើកទី១ ដែលសាលាអន្តរជាតិ Shrewsbury បានរៀបចំនូវកម្មវិធីបុណ្យណូអែលឬ Christmas ដើម្បីអបអរសាទរក្នុងរដូវកាលនៃពិធីបុណ្យនេះ ក៏ដូចជាដើម្បីរៀបចំឱ្យអាណាព្យាបាលសិស្ស បានចូលរួមនិងជួបជុំគ្នានៅក្នុងកម្មវិធីនេះ ។ កម្មវិធីនេះដែរ នឹងនាំមកនូវភាពសប្បាយរីករាយមក ដល់អាណាព្យាបាល ឪពុកម្ដាយរបស់សិស្ស និងសហគមន៍សាលាទាំងមូលផ្ទាល់ផងដែរ ។
លោកបន្តថា សាលាអន្តរជាតិ Shrewsbury បានដំណើរការនៅក្នុងប្រទេសកម្ពុជា ចាប់តាំងពីឆ្នាំ ២០២២ ដោយគិតមកដល់ពេលនេះ មានរយៈពេល៣ឆ្នាំហើយ ។ ក្នុងរយៈពេល២ឆ្នាំដំបូង សាលាបានដំណើរការនៅទីតាំងក្នុងអគារ Flatiron ក្នុងតំបន់បឹងកក់ ហើយក្រោយមកក៏បានដំណើរនូវទីតាំងថ្មី ក្នុងតំបន់ជ្រោយចង្វារ ជាប់នឹងអគារ Morgan ដោយទទួលសិស្សចាប់ពីថ្នាក់មត្តេយ្យ ដល់បឋមសិក្សា និងសិស្សដែលមានអាយុចាប់ពី ២ ឆ្នាំដល់ ៨ ឆ្នាំ ។
លោកនាយកសាលាអន្តរជាតិរូបនេះបន្ថែមថា សាលាអន្តរជាតិ Shrewsbury បាននាំយកស្តង់ដារអប់រំពីចក្រភពអង់គ្លេស មកកាន់កម្ពុជា ហើយការនាំយកស្ដង់ដារអប់រំមកកាន់សាលានេះ នឹងអាចចូលរួមចំណែកជាច្រើន ដល់វិស័យអប់រំ ក្នុងប្រទេសកម្ពុជា ដោយសារតែសាលាShrewsbury ជាសាលាមួយដែលមានកេរ្តិ៍ឈ្មោះល្បីនិងអាយុកាលយូរអង្វែងនៅលើពិភពលោក ។ នៅពេលអនាគតសាលាអន្តរជាតិ Shrewsbury នឹងបើកសាលាជាបន្តបន្ទាប់ទៀត និងបង្កើនកម្រិតអប់រំជាបន្តបន្ទាប់ ដូច្នេះសិស្សដែលរៀបចំ ពីសាលាអន្តរជាតិ Shrewsbury នឹងអាចបន្តការសិក្សានៅបណ្ដាប្រទេសមួយចំនួនលើពិភពលោករួមទាំងក្នុងតំបន់អាស៊ានផងដែរ ។
លោកបានបញ្ជាក់ថា សាលាអន្តរជាតិ Shrewsbury គឺជាជម្រើសដ៏ល្អមួយសម្រាប់ឪពុកម្ដាយ ក៏ដូចជាអាណាព្យាបាលសិស្ស ក្នុងការបញ្ជូនកូនៗមកសិក្សាក្នុងសាលានេះ ហើយយើងក៏ជឿជាក់ថា តាមរយៈការអប់រំក្នុងសាលានេះ នឹងនាំឱ្យកូនៗរបស់លោកអ្នកទទួលបាន ជោគជ័យនាពេលអនាគត ព្រោះជាសាលាដែលបណ្ដុះបណ្ដាលធនធានមនុស្ស ប្រកបដោយគុណភាព និងសមត្ថភាព ៕ អត្ថបទសហការ
ចែករំលែកព័តមាននេះ