ADផ្ទាំងផ្សព្វផ្សាយពាណិជ្ជកម្ម

ដំណោះស្រាយដើម្បីបញ្ឈប់បញ្ហាអាកប្បកិរិយាមិនល្អរបស់កុមារ !

1 ថ្ងៃ មុន

១៩ ខែ វិច្ឆិកា ឆ្នាំ ២០២៤ ម៉ោង ១៤:៥២

រាជធានីភ្នំពេញ ៖ មានហេតុផលជាច្រើនដែលអាចធ្វើឱ្យកូនរបស់អ្នកមានបញ្ហាអាកប្បកិរិយាពិបាក ។ ជារឿយៗគ្រាន់តែដោយសារតែពួកគេនឿយហត់ ស្រេកឃ្លាន រំភើបហួសហេតុ ខកចិត្ត ឬធុញទ្រាន់ ។ ដូច្នេះខាងក្រោមនេះ គឺជាវិធីសាស្ត្រដោះស្រាយបញ្ហាអាកប្បកិរិយាមួយចំនួនរបស់កូនអ្នក ៖

១. ធ្វើអ្វីដែលត្រឹមត្រូវ ៖ អ្វីដែលអ្នកធ្វើត្រូវតែត្រឹមត្រូវសម្រាប់កូនរបស់អ្នក ខ្លួនអ្នក និងគ្រួសារ ។ កុមារនឹងកត់សម្គាល់ នៅពេលអ្នកមិនធ្វើនូវអ្វីដែលអ្នកបាននិយាយ ។

២. កុំចុះចាញ់ ៖ នៅពេលដែលអ្នកសម្រេចចិត្តធ្វើអ្វីមួយហើយ ចូរបន្តធ្វើវា ។ បញ្ហា និងដំណោះស្រាយជាច្រើនត្រូវការពេលវេលាបន្តិចទើបបានជោគជ័យ ។ ស្វែងរកការគាំទ្រពីដៃគូរបស់អ្នក មិត្តភ័ក្តិ ឪពុកម្តាយដទៃ ឬអ្នកជំនាញ ។ វាជាការល្អដែលមាននរណាម្នាក់ជជែកគ្នាជាមួយអ្នកអំពីអ្វីដែលអ្នកកំពុងធ្វើ ។

៣. ត្រូវមានភាពស្របគ្នា ៖ កុមារត្រូវការភាពទៀងទាត់ និងស្របគ្នា ដូច្នេះអ្នកត្រូវរក្សាប្រតិកម្ម និងដំណោះស្រាយរបស់អ្នកឱ្យដូចគ្នា ។

៤. ព្យាយាមមិនប្រតិកម្មខ្លាំងពេក ៖ វាអាចជាការលំបាកបន្តិចនៅពេលដែលកូនរបស់អ្នកធ្វើអ្វីមួយដែលរំខានអ្នកម្តងម្កាល កំហឹង និងការខកចិត្តរបស់អ្នកអាចកើនឡើង ប៉ុន្តែយ៉ាងណាមិញ អ្នកត្រូវព្យាយាមកុំប្រតិកម្មខ្លាំងពេក ហើយព្យាយាមរក្សាភាពស្ងប់ស្ងាត់ ។ និយាយជាមួយកូនរបស់អ្នក វាអាចនឹងមានប្រយោជន៍ ប្រសិនបើពួកគេយល់ពីមូលហេតុដែលអ្នកចង់ឱ្យពួកគេធ្វើអ្វីមួយ ។ ជាឧទាហរណ៍ សូមពន្យល់ពីមូលហេតុដែលអ្នកចង់ឱ្យពួកគេកាន់ដៃរបស់អ្នក ពេលកំពុងឆ្លងកាត់ផ្លូវ ។ យ៉ាងណាមិញ សូមលើកទឹកចិត្តពួកគេឱ្យពន្យល់ពីមូលហេតុដែលពួកគេខឹង ឬតូចចិត្តផងដែរ ។ នេះនឹងជួយឱ្យពួកគេមានអារម្មណ៍តានតឹងតិចជាងមុន ។

៥. ត្រូវមានភាពវិជ្ជមានចំពោះរឿងល្អៗ ៖ នៅពេលដែលកុមារបង្កបញ្ហា កិច្ចការដែលពួកគេធ្វើបានល្អអាចត្រូវបានអ្នកមើលរំលង ។ ដូច្នេះចូរប្រាប់កូនរបស់អ្នកនៅពេលអ្នកពេញចិត្តចំពោះអ្វីមួយដែលពួកគេបានធ្វើ តាមរយៈការយកចិត្តទុកដាក់ដល់ពួកគេ ការឱប ឬស្នាមញញឹម ។

៦. ផ្តល់រង្វាន់ ៖ ផ្តល់រង្វាន់ដល់ពួកគេសម្រាប់អាកប្បកិរិយាល្អៗ ។ ជាឧទាហរណ៍ សូមសរសើរពួកគេ ឬផ្តល់ឱ្យពួកគេនូវអាហារដែលពួកគេចូលចិត្ត ។ ចូរប្រាប់ពួកគេថា តើអ្នកពេញចិត្តប៉ុនណា ។ ប៉ុន្តែសូមកុំផ្តល់រង្វាន់ដល់កូនរបស់អ្នក មុនពេលពួកគេបានធ្វើអ្វីដែលអ្នកប្រាប់ ។ នោះជាសំណូក មិនមែនជារង្វាន់ទេ ។

៧. ជៀសវាងការវា.យដំ ៖ ការវា.យដំអាចបញ្ឈប់កុមារនូវអ្វីដែលពួកគេកំពុងធ្វើនៅពេលនោះ ប៉ុន្តែវាមិនមានផលវិជ្ជមានយូរអង្វែងនោះទេ ។ កុមាររៀនតាមគំរូដូច្នេះប្រសិនបើអ្នកវាយកូនរបស់អ្នក អ្នកកំពុងប្រាប់ពួកគេថា ការវា.យដំ គឺមិនអីទេ ហើយពួកគេទំនងជានឹងធ្វើអំពើហិ.ង្សានេះដូចគ្នាពេលធំឡើង ៕ ប្រភព ៖ nhs

អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និង សាលារៀនណត្សឡាញន៍ ។ សាលារៀនបើកវគ្គសិក្សាថ្មីចូលរៀនថ្ងៃទី ៤ ខែវិចិ្ឆកា ឆ្នាំ ២០២៤ សម្រាប់កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេស និងកម្មវិធីភាសាចិន ។ កម្មវិធីចំណេះទូទៅខ្មែរពីថ្នាក់ទី ១ ដល់ទី ១២ ចាប់ទទួលចុះឈ្មោះ ចូលរៀនរៀងរាល់ថ្ងៃ ។ សាលារៀនផ្តល់ជូនអាហាររូបករណ៍រហូតដល់ ៣០% លើតម្លៃសិក្សា ការធានារ៉ាប់រងគ្រោះ ថ្នាក់បុត្រធីតា និងការការពារការសិក្សាបុត្រធីតារហូតដល់ ៥ ឆ្នាំ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕