ចាស់ចិនអង្គុយផឹកតែ ចាស់បរទេសដើរលម្ហែរ ចាស់ខ្មែររកលុយចិញ្ចឹមចៅ ដែលឃ្លានេះស្តាប់ទៅហាក់ត្រូវនឹងស្ថានភាពពិតនៃជីវិតមនុស្សចាស់នៅកម្ពុជាយើង ព្រោះមនុស្សចាស់មួយចំនួនធំនៅខ្មែរ ពិសេសនៅទីជនបទ និងបណ្តាខេត្តមួយចំនួនត្រូវបន្តរកលុយចិញ្ចឹមចៅ ឬចៅទូតថែមទៀតផង ។ ជាការពិត…
ចាស់ចិនអង្គុយផឹកតែ ចាស់បរទេសដើរលម្ហែរ ចាស់ខ្មែររកលុយចិញ្ចឹមចៅ ដែលឃ្លានេះស្តាប់ទៅហាក់ត្រូវនឹងស្ថានភាពពិតនៃជីវិតមនុស្សចាស់នៅកម្ពុជាយើង ព្រោះមនុស្សចាស់មួយចំនួនធំនៅខ្មែរ ពិសេសនៅទីជនបទ និងបណ្តាខេត្តមួយចំនួនត្រូវបន្តរកលុយចិញ្ចឹមចៅ ឬចៅទូតថែមទៀតផង ។
ជាការពិត លោកតាមួយរូបធ្វើខ្មុកលក់ ដើម្បីដោះស្រាយជីវភាព ខណៈពេលដែលជំនាញមួយនេះ លោកចេះដោយពុំមានគ្រូបាអាចារ្យណាបង្រៀននោះឡើយ នេះបើតាមការបញ្ជាក់លោកតាផ្ទាល់ ។ ស្ថិតក្នុងវ័យចិតសិបឆ្នាំប្លាយ លោកតានៅប្រកបរបរមួយនេះ ខណៈពេលដែលលោកចាស់ណាស់ហើយ ណាមួយមិនដឹងទៅធ្វើការងារអ្វីកើតផង ដូច្នេះមានតែធ្វើខ្មុក កំដរភាពចាស់ ។
មែនទែនទៅ តើលោកអ្នកយល់យ៉ាងណាដែរ ចំពោះការធ្វើខ្មុកប្រភេទនេះ ?តើអ្វីទៅដែលហៅថា ខ្មុក? ជាការពិត ខ្មុកនាពេលបច្ចុប្បន្ន ពុំសូវមានយុវជនជំនាញក្រោយចាប់អារម្មណ៍នោះទេ ខណៈពេលដែលរបរមួយនេះកាន់តែតិចទៅៗមិនដូចទៅនឹងពីអតីតកាលដែលបុព្វបុរសខ្មែរមានការពេញនិយមលើកឡើងយកមកសម្តែងជាតួអង្គហនុមា ឥសី ពលស្វា និងពលយក្សជាអាទិ៍ ។
តស់មកដឹងពីមូលហេតុដែលលោកតាដែលមានវ័យចំណាស់រូបនេះ បានចាប់យករបរធ្វើខ្មុក ដើម្បីដោះស្រាយជីវភាពគ្រួសារ មិនតែប៉ុណ្ណោះក្រៅពីខ្មុកលោកថា កាលពីកន្លងទៅលោកធ្វើទីមោង តុ ទូរ កៅអី ចម្លាក់ ផ្កាបិណ្ឌ និងគំនូរតាមវត្តអារាមទៀតផងនោះ តែថ្ងៃនេះសុំលើកយកខ្មុកមកបង្ហាញតែប៉ុណ្ណោះ ។
តាមរយៈបទសម្ភាសន៍ជាមួយសារព័ត៌មានកោះសន្តិភាព លោកតា សូ សឿនជម្រាបថា របរនៃការធ្វើខ្មុកនេះ លោកតាចេះមកដោយមិនមាននរណាបង្រៀននោះទេ ដោយតែមើលគេធ្វើ និងយកអនុវត្តធ្វើបន្តចេះចាដល់សព្វថ្ងៃ ។
លោកតា មានប្រសាសន៍បន្តថា ការប្រកបរបរមួយនេះពុំសូវទទួលបានចំណូលច្រើនណាស់ណានោះឡើយ យូរៗមានគេអោយធ្វើម្តង ខណៈពេលដែលឆ្នាំនេះលោកមានវ័យ៧៨ឆ្នាំ តែនៅប្រកបរបរមួយនេះ និងធ្វើទីមោងជាដើមនោះ ។
លោកតា សូ សឿន ដែលមានស្រុកកំណើត នៅភូមិព្រៃគោ ឃុំដំរីផុង ស្រុកឆ្លូង ខេត្តក្រចេះបន្តថា ការប្រកបរបរនេះជួបការលំបាក ដោយលោកចេះមិនមានគ្រូ ក្មេងៗជំនាន់ក្រោយមិនសូវមានគេចាប់អារម្មណ៍ ហើយចំពោះការធ្វើនេះទៀតសោត គឺលំបាកខ្លាំងដោយទម្រាំធ្វើបានមួយៗ និងមិនសូវមានតម្រូវការទីផ្សារទៀតផង ។
ខ្មុកម្រ័ក្សណ៍ជាប្រភេទជ័រឈើធម្មជាតិ ដោយគេចៀរយកពីដើមឈើឈ្មោះថា គ្រើល មានពណ៌ក្រហមលាយជាមួយអំពិល ដែលមានរសជាតិជូរ ជួយរក្សាពណ៌បានយូរ ហេតុនោះហើយបានគេប្រើសម្រាប់ពណ៌សូត្រ និងបន្ទន់ស្បែកមុនពាសលើស្គរ ។ គេបន្ថែមផេះ ដែលបានដោយដុតស្លឹកត្នោត រួចរែងយកភាពម៉ត់បំផុត ព្រោះថា វាជាល្បាយមិនរលាយជ័រគ្រើល ទោះបីជាត្រូវកម្តៅថ្ងៃក៏ដោយ ។
តើលោកអ្នកយល់យ៉ាងណាដែរ? ខ្មុកជាវត្ថុមានតម្លៃ ដូច្នេះគួរណាយុវជនជំនាន់ក្រោយ គួរមានការចាប់អារម្មណ៍ ឬរៀនសូត្រយកជាចំណេះ ដើម្បីបន្តស្នាដៃពីដូនតា ៕ ដោយ៖លីហួ គីមឆាយ
ចែករំលែកព័តមាននេះ