រាជធានីភ្នំពេញ ៖ ការក្អក ការតឹងច្រមុះអាចកើតមានលើកុមារក្នុងរយៈពេលរហូតដល់មួយខែ និងបណ្តាលឱ្យមានការពិបាកដកដង្ហើម ។ មនុស្សពេញវ័យជាច្រើនដែលមានជំងឺផ្តាសាយក្នុងរដូវរងាកម្រិតស្រាលអាចមានឆ្លងវីរុស RSV ។ មេរោគនេះអាចបណ្តាលឱ្យកើតមានរោគសញ្ញាជាច្រើន ។ ជាធម្មតាអ្នកជំងឺចាប់ផ្តើមបង្ហាញរោគសញ្ញាក្នុងរយៈពេលមួយសប្តាហ៍បន្ទាប់ពីឆ្លងមេរោគ ។ រោគសញ្ញាជាធម្មតាចាប់ផ្តើមដោយការតឹងច្រមុះ ហើយលែងឃ្លានអាហារ ។ វាអាចវិវត្តទៅជាការក្អក និងគ្រុនក្តៅពីរបីថ្ងៃក្រោយមក ។
មានលក្ខណៈពិសេសមួយចំនួននៃមេរោគនេះ ដែលអនុញ្ញាតឱ្យវាប៉ះពាល់ដល់ផ្លូវដង្ហើមខាងក្រោម និងក្អកក្នុងរយៈពេលយូរ ជាញឹកញាប់វាចប់ក្នុងរយៈពេល ១០ ទៅ ១៤ ថ្ងៃ ។ ទោះជាយ៉ាងណាក៏ដោយ ក្មេងខ្លះអាចមានការក្អករហូតដល់ទៅមួយខែ ។ ករណីខ្លះ វាអាចបណ្តាលឱ្យរលាកទងសួត ឬនាំឱ្យមានជំងឺរលាកសួត ។ កុមារខ្លះត្រូវសម្រាកនៅមន្ទីរពេទ្យ ត្រូវការបំពង់ដកដង្ហើម និងខ្លះទៀតត្រូវសម្រាកនៅបន្ទប់សង្គ្រោះបន្ទាន់ ។ ទារកមិនគ្រប់ខែ កុមារអាយុក្រោមមួយឆ្នាំ ឬកុមារដែលមានបញ្ហាសុខភាពរ៉ាំរ៉ៃ ដូចជាជំងឺបេះដូង ឬសួតរ៉ាំរ៉ៃ មានហានិភ័យខ្ពស់ក្នុងការវិវត្តទៅជាធ្ងន់ធ្ងរ ។
តើ RSV ជារឿងធម្មតាដែរ ឬទេ ? រោគសញ្ញានៃការឆ្លងមេរោគ RSV ជាធម្មតាស្រាល ហើយអាចធូរស្រាលវិញបានក្នុងរយៈពេលមួយសប្តាហ៍ ។ ទោះជាយ៉ាងណាក៏ដោយ RSV អាចបណ្តាលឱ្យមានបញ្ហាធ្ងន់ធ្ងរ ឬស្លា.ប់ ចំពោះបុគ្គលដែលងាយរងគ្រោះ រួមទាំងទារកមិនគ្រប់ខែ និងកុមារដែលមានជំងឺសួតរ៉ាំរ៉ៃ ឬជំងឺបេះដូងពីកំណើត និងមនុស្សចាស់ដែលមានអាយុលើសពី ៦៥ ឆ្នាំ ។
ពេលណាត្រូវទៅជួបគ្រូពេទ្យជំនាញ ? កុមារដែលឆ្លង RSV ជាធម្មតាត្រូវការការថែទាំវេជ្ជសាស្ត្រ សម្រាប់ហេតុផលជាក់លាក់មួយចំនួន ។ ការចូលមន្ទីរពេទ្យក្រោយឆ្លង RSV ជាធម្មតាកើតឡើងនៅពេលដែលកុមារមានសភាពធ្ងន់ធ្ងរក្នុងការដកដង្ហើម ខ្វះជាតិទឹក ឬវិវត្តទៅជាការឆ្លងមេរោគបន្ទាប់បន្សំ ។
ប្រញាប់នាំកូនទៅពេទ្យ ប្រសិនបើកូនរបស់អ្នក ដកដង្ហើមលឿនខ្លាំងខុសធម្មតា, ពួកគេខំប្រឹង ឬពិបាកដកដង្ហើមខ្លាំង, ខោទឹកនោម បើវាសើមតិចជាងមួយរៀងរាល់ប្រាំបីម៉ោងម្តង, ពួកគេនៅក្មេងខ្លាំង, កុមារមានបញ្ហាសុខភាពរ៉ាំរ៉ៃ ឬស្ថានជំងឺមិនប្រសើរឡើងសោះ ។ ដើម្បីការពារការឆ្លងមេរោគនេះ សូមអ្នក និងកូនរបស់អ្នកលាងសម្អាតដៃឱ្យបានញឹកញាប់ជាមួយសាប៊ូ, ចៀសវាងទៅកន្លែងមានមនុស្សច្រើន, ពាក់ម៉ាស់, ហាត់ប្រាណដើម្បីពង្រឹងសុខភាពរាងកាយទាំងមូល, ញ៉ាំទឹកឱ្យបានច្រើន, សម្រាកបានគ្រប់គ្រាន់ និងញ៉ាំអាហារសម្បូរជាតិវីតាមីន C ៕ ប្រភព ៖ news.sanfordhealth
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ បវេសនកាលឆ្នាំសិក្សាថ្មីសម្រាប់កម្មវិធីចំណេះទូទៅខ្មែរ ពីថ្នាក់មត្តេយ្យ ដល់ថ្នាក់ទី ១២ ចាប់ទទួលចុះឈ្មោះចូលរៀនពីថ្ងៃនេះតទៅ ។ សាលារៀនផ្តល់ជូនអាហារូបករណ៍រហូតដល់ ២០% ការធានារ៉ាប់រងគ្រោះថ្នាក់បុត្រធីតា ការការពារការសិក្សាបុត្រធីតារហូតដល់ ៥ ឆ្នាំ និងបន្ថែមកម្មវិធីសិក្សាអមអន្តរជាតិ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ