ខេត្តពោធិ៍សាត់ ៖ កម្លាំងអន្តរាគមន៍ក្រុងពោធិ៍សាត់ សហការជាមួយកម្លាំងជំនាញការិយាល័យផែនប្រឆាំងគ្រឿងញៀន ឃាត់ខ្លួនជនសង្ស័យ១នាក់ ក្នុងចំណោមបក្ខពួក២នាក់ទៀត ដែលរត់គេចខ្លួន ដែលក្រុមនេះជាមុខសញ្ញាជួញដូរ រក្សាទុក និងប្រើប្រាស់នូវសារធាតុញៀនខុសច្បាប់…
ខេត្តពោធិ៍សាត់ ៖ កម្លាំងអន្តរាគមន៍ក្រុងពោធិ៍សាត់ សហការជាមួយកម្លាំងជំនាញការិយាល័យផែនប្រឆាំងគ្រឿងញៀន ឃាត់ខ្លួនជនសង្ស័យ១នាក់ ក្នុងចំណោមបក្ខពួក២នាក់ទៀត ដែលរត់គេចខ្លួន ដែលក្រុមនេះជាមុខសញ្ញាជួញដូរ រក្សាទុក និងប្រើប្រាស់នូវសារធាតុញៀនខុសច្បាប់ ។
កម្លាំងអធិការដ្ឋាននគរបាលក្រុងពោធិ៍សាត់ ដឹកនាំដោយលោកវរសេនីយ៍ទោ ប៉ុន រតនា អធិការរង ក្រុងពោធិ៍សាត់ សហការជាមួយកម្លាំងជំនាញការិយាល័យផែនប្រឆាំងគ្រឿងញៀន និងកម្លាំងប៉ុស្ដិ៍នគរបាលរដ្ឋបាលលលកស បានចុះបង្ក្រាបមុខសញ្ញាជួញដូរ រក្សាទុក និងប្រើប្រាស់ដោយខុសច្បាប់ នូវសារធាតុញៀន នៅចំណុចផ្ទះឈ្មោះ ជា ដាវីត ហៅបញ្ញា ស្ថិតនៅភូមិព្រែកស្ដី សង្កាត់លលកស ក្រុងពោធិ៍សាត់ កាលពីវេលាម៉ោង១៥ និង៤៥នាទីថ្ងៃទី៥ ខែតុលា ឆ្នាំ២០២៤ ។
សមត្ថកិច្ចបានឲ្យដឹងថា កម្លាំងអន្តរាគមន៍ បានឃាត់ខ្លួនជនសង្ស័យម្នាក់ ឈ្មោះ អ៊ូច ខេមរា ភេទប្រុស អាយុ ២២ឆ្នាំ មុខរបរកម្មករ រស់នៅភូមិព្រែកស្ដី សង្កាត់លលកស ក្រុងពោធិ៍សាត់ ខេត្តពោធិ៍សាត់ (មានសារធាតុញៀនក្នុងខ្លួន) ។
វត្ថុតាងដកហូត រួមមាន ៖ ម្ស៉ៅក្រាមពណ៌សថ្លា សង្ស័យជាសារធាតុញៀនចំនួន ១កញ្ចប់ធំ សាច់ថ្នាំសុទ្ធទម្ងន់១០០២,៩ក្រាម, ម៉ូតូចំនួន១គ្រឿង, ជញ្ជីងថ្លឹងថ្នាំញៀន ចំនួន១គ្រឿង, កាណូតចំនួន ១គ្រឿង, ថង់ច្រកថ្នាំញៀនមួយចំនួន និងសម្ភារៈ ជក់ថ្នាំញៀន១កំប្លេរ ។
បច្ចុប្បន្នជនសង្ស័យរួមជាមួយវត្ថុតាងសមត្ថកិច្ចឃាត់ខ្លួនបណ្តោះអាសន្ន នៅអធិការដ្ឋាននគរបាលក្រុងពោធិ៍សាត់ ដើម្បីចាត់ការតាមនីតិវិធី ៕
ចែករំលែកព័តមាននេះ