ភាពទាក់ទាញនៃវិស្វកម្មសំណង់ស្ពាន ដែលមានតម្លៃថ្លៃបំផុតរបស់ពិភពលោក គឺជាទិដ្ឋភាពមួយដែលមិនត្រូវមើលរំលងបានឡើយ ។ ស្ថាបត្យករនៃសំណងស្ពានដ៏មហិមានៅចិន និងនៅលើពិភពលោកបានបង្ហាញពីភាពអស្ចារ្យនៃទេពកោសល្យ និងសមត្ថភាពរបស់មនុស្សជាតិក្នុងការបញ្ចូលបច្ចេកវិទ្យា នៅក្នុងការរចនាដ៏អស្ចារ្យរបស់ពួកគេ ។ ១.ស្ពាន…
ភាពទាក់ទាញនៃវិស្វកម្មសំណង់ស្ពាន ដែលមានតម្លៃថ្លៃបំផុតរបស់ពិភពលោក គឺជាទិដ្ឋភាពមួយដែលមិនត្រូវមើលរំលងបានឡើយ ។ ស្ថាបត្យករនៃសំណងស្ពានដ៏មហិមានៅចិន និងនៅលើពិភពលោកបានបង្ហាញពីភាពអស្ចារ្យនៃទេពកោសល្យ និងសមត្ថភាពរបស់មនុស្សជាតិក្នុងការបញ្ចូលបច្ចេកវិទ្យា នៅក្នុងការរចនាដ៏អស្ចារ្យរបស់ពួកគេ ។
១.ស្ពាន Qingdao ៨,៨ពាន់លានដុល្លារនៅចិន
ការសាងសង់ស្ពាន Qingdao លើឈូងសមុទ្រ Jiaozhou ភាគខាងកើតប្រទេសចិន គឺជាសំណង់ដ៏មហិមាដោយចំណាយអស់ថវិការហូតដល់ទៅ៨,៨ពាន់លានដុល្លារ ។ សំណងស្ពាននេះ គឺជាសំណង់ដែលមានតម្លៃថ្លៃបំផុត នៅលើពិភពលោកប្រចាំឆ្នាំ២០២៤ ។ ការសាងសង់ស្ពាននេះបានចាប់ផ្តើម នៅក្នុងខែឧសភា ឆ្នាំ២០០៧ ហើយវាបានបើកដំណើរការនៅថ្ងៃទី៣០ ខែមិថុនា ឆ្នាំ២០១១ ។ ប្រវែងនៃការសាងសង់ស្ពាននេះ គឺ៤២,៥ គីឡូម៉ែត្រ ដែលជាកំណត់ត្រាពិភពលោកសម្រាប់ស្ពានដែលសាងសង់លើទឹក ហើយស្ពាននេះមានទទឹង៣៥ម៉ែត្រ និងមានផ្លូវចំនួន៦គន្លង ។
ជាមួយសមិទ្ធផលនេះ ចិនបានកាត់បន្ថយចម្ងាយរវាងទីក្រុង Qingdao ទៅទីក្រុងឧស្សាហកម្ម Huangdao ត្រឹមតែ៣០គីឡូម៉ែត្រ និងពេលវេលាធ្វើដំណើរត្រឹមតែពី២០ទៅ៤០ នាទីប៉ុណ្ណោះ ។ តម្លៃនៃការឆ្លងកាត់ស្ពាននេះរថយន្តមួយគ្រឿងត្រូវចំណាយ ៧,៧៥ ដុល្លារ ។
២. ស្ពាន Bay Bridge តម្លៃ៦,៤ពាន់លានដុល្លារនៅសហរដ្ឋអាមេរិក
វិសាលភាពខាងកើតនៃស្ពាន Bay Bridge រវាងទីក្រុង San Francisco និង Oakland រដ្ឋកាលីហ្វ័រញ៉ា ត្រូវបានបើកដំណើរការនៅថ្ងៃទី២ ខែកញ្ញា ឆ្នាំ២០១៣ ដោយគម្រោងនេះមានតម្លៃ៦,៤ពាន់លានដុល្លារ ជាស្ពានដែលថ្លៃបំផុតទី២ នៅលើពិភពលោក ។ នៅពេលឆ្លងកាត់ស្ពាននេះក៏ត្រូវតែបង់ថ្លៃសេវា ដោយពី San Francisco ទៅ Oakland គឺ ៦ ដុល្លារពីម៉ោង៥ដល់ម៉ោង១០ព្រឹក និងម៉ោង៣រសៀល ។ ហើយនៅម៉ោង៧យប់ ថ្ងៃច័ន្ទ ដល់សុក្រ៥ ដុល្លារ នៅចុងសប្តាហ៍៥ដុល្លារ ។ ស្ពាននេះក៏មានតំបន់ថ្មើរជើង និងកង់ផងដែរ។
៣. ស្ពាន Great Belt Bridge ៣,១៤ ពាន់លានដុល្លារ នៅដាណឺម៉ាក់
ស្ពានឆ្លងកាត់ Great Belt ក្នុងប្រទេសដាណឺម៉ាក បានបើកដំណើរការ នៅថ្ងៃទី១៤ ខែមិថុនា ឆ្នាំ១៩៩៨ ពោល គឺដប់ឆ្នាំបន្ទាប់ពីការសាងសង់បានចាប់ផ្តើម ។ ការសាងសង់ប្រវែង ១៨ គីឡូម៉ែត្រចំណាយអស់៣,១៤ពាន់លានដុល្លារជាស្ពានដែលថ្លៃបំផុត ទី៣ នៅលើពិភពលោក ។
ការសាងសង់ស្ពាននេះបានជំនួសសាឡាង ដែលដឹករថយន្តបាន៨០០០គ្រឿងក្នុងមួយថ្ងៃ ។ ក្នុងខែដំបូងក្រោយការបើកដំណើរការស្ពាននេះបានដឹកជញ្ជូនរថយន្តចំនួន១៨.០០០ គ្រឿង ក្នុងមួយថ្ងៃ ហើយក្នុងឆ្នាំ២០១៤ ចរាចរណ៍ប្រចាំថ្ងៃមានចំនួន៣១.០០០ គ្រឿង។ The Great Belt គឺជាផ្លូវបង់ថ្លៃតែមួយគត់ នៅក្នុងប្រទេសដាណឺម៉ាក ។ ថ្លៃសំបុត្រធ្វើដំណើរសម្រាប់ទោចក្រយានយន្ត ឬរថយន្តដឹកអ្នកដំណើរនឹងត្រូវចំណាយអស់ ២០ ដុល្លារ ។
៤.ស្ពាន Verrazano-Narrows តម្លៃ ២,៥ ពាន់លានដុល្លារ នៅសហរដ្ឋអាមេរិក
ស្ពាន Verrazano-Narrows តភ្ជាប់ពីសង្កាត់ Brooklyn នៃទីក្រុងញូវយ៉ក និងកោះ Staten បានបើកដំណើរការនៅថ្ងៃទី២១ ខែវិច្ឆិកា ឆ្នាំ១៩៦៤ ។ ស្ពាននេះបានចំណាយអស់ ៣២០លានដុល្លារ កាលពីពេលនោះគឺស្មើនឹង២,៥ ពាន់លានដុល្លារបច្ចុប្បន្ន ។ ប្រវែងនៃស្ពាន៤,១៨ គីឡូម៉ែត្រ ។ យានជំនិះជាង២០០.០០០គ្រឿងឆ្លងកាត់ស្ពាននេះ ជារៀងរាល់ថ្ងៃ ។ ឥឡូវនេះ មានតែចរាចរណ៍ពី Brooklyn ទៅកោះ Staten ប៉ុណ្ណោះដែលត្រូវបានគិតថ្លៃដោយមាន តម្លៃ ៦,៥ ដុល្លារសម្រាប់ម៉ូតូ និង១៦ដុល្លារសម្រាប់រថយន្ត ។
៥.ស្ពាន Yonjohn តម្លៃ ១,៩ ពាន់លានដុល្លារ នៅកូរ៉េខាងត្បូង
ស្ពាន ផ្លូវ និងផ្លូវដែកតភ្ជាប់កោះ Yongjong និងទីក្រុង Incheon ក្នុងប្រទេសកូរ៉េខាងត្បូងបានបើកដំណើរការក្នុងខែធ្នូ ឆ្នាំ ២០០០ ។ ការសាងសង់សំណង់ស្ថាបត្យកម្មនេះចំណាយអស់១,៩ ពាន់លានដុល្លារជាស្ពានដែលថ្លៃបំផុតទី៥នៅលើពិភពលោក ។ ស្ពានដែលមានប្រវែង៤.៤២០ ម៉ែត្រនេះ គឺជាផ្នែកមួយនៃប្រព័ន្ធផ្លូវល្បឿនលឿននៅអាកាសយានដ្ឋានអន្តរជាតិ Incheon ដែលមានចម្ងាយ៧០គីឡូម៉ែត្រពីទីក្រុងសេអ៊ូល ។ តម្លៃអាស្រ័យលើទំហំនៃយានជំនិះ និងទិសដៅដែលមានចាប់ពី១,២៦ ដល់ ១៥,១២ ដុល្លារ ៕
ចែករំលែកព័តមាននេះ