ខេត្តកំពង់ធំ ៖ លោកជំទាវ ជា សិរី បានផ្ដាំផ្ញើដល់មន្ត្រីក្រុមការងារគណបក្ស គឺត្រូវបន្តចុះតាមមូលដ្ឋាន ទាំងអស់ត្រូវចុះឲ្យបានជាប់ជាប្រចាំដូចភ្លៀងរលឹមតាមកម្មវិធីនយោបាយ និងលក្ខន្តិកៈរបស់គណបក្សឱ្យបានត្រឹមត្រូវ ។…
ខេត្តកំពង់ធំ ៖ លោកជំទាវ ជា សិរី បានផ្ដាំផ្ញើដល់មន្ត្រីក្រុមការងារគណបក្ស គឺត្រូវបន្តចុះតាមមូលដ្ឋាន ទាំងអស់ត្រូវចុះឲ្យបានជាប់ជាប្រចាំដូចភ្លៀងរលឹមតាមកម្មវិធីនយោបាយ និងលក្ខន្តិកៈរបស់គណបក្សឱ្យបានត្រឹមត្រូវ ។ ការលើកឡើងដូចនេះរបស់លោកជំទាវ ជា សិរី សមាជិកគណៈអចិន្ត្រៃយ៍ គណៈកម្មាធិការកណ្តាល គណបក្សប្រជាជនកម្ពុជា អនុប្រធានទី ២ ក្រុមការងារថ្នាក់កណ្តាលចុះជួយខេត្តកំពង់ធំ និងជាប្រធានក្រុមការងារចុះជួយស្រុកប្រាសាទសំបូរ និងស្រុកសន្ទុក ដូចនេះធ្វើឡើងនៅ ក្នុងវិធីប្រកាសសមាសភាពក្រុមការងារគណបក្សចុះមូលដា្ឋនភូមិ-ឃុំ របស់ស្រុកប្រាសាទសំបូរ និងស្រុកសន្ទុករបស់ខេត្តកំពង់ធំ នាថ្ងៃទី ១០ សីហាឆ្នាំ ២០២៤ ។
នៅក្នុងឱកាសនោះដែរលោកជំទាវ ជា សិរីនូវបានស្នើឲ្យមន្ត្រីយើងត្រូវឈរកៀកជាមួយប្រជាជន និងផ្សារភ្ជាប់ទំនាក់ទំនងឲ្យបានយ៉ាងជិតស្និទ្ធ ដែរដើម្បីដោះស្រាយបញ្ហានានាឲ្យបានទាន់ពេលវេលា និងមានប្រសិទ្ធភាពជូនប្រជាជន។ទន្ទឹមនេះ សមាជិក សមាជិកាគណបក្សទាំងអស់ត្រូវ មានការចែករំលែកនូវព័ត៌មាន និងជួយផ្តល់ជាមតិគ្នាទៅវិញទៅមកប្រកបដោយភាពសុច្ចរិត ស្មោះត្រង់ និងយោគយល់ ព្រមទាំងត្រូវរក្សាធ្លុងសាមគ្គី ឯកភាពផ្ទៃក្នុងឲ្យបានល្អ ។
លោកជំទាវបានរំលឹកជូនក្រុមការងារឲ្យបានជ្រាបដែរថា ជ័យជម្នះជាបន្តបន្ទាប់កន្លងមក ពិសេសបើកការដ្ឋាន សាងសង់ ព្រែកជីកហ្វូណនតេជោ ដែលជាគម្រោងព្រែកជីកប្រវត្តិសាស្ត្រលើកទី ១ នៅកម្ពុជាជាជ័យជម្នះរួមរបស់យើងទាំងអស់គ្នា និងក៏ជាជោគជ័យរបស់ គណបក្សប្រជាជនកម្ពុជាដែលជាការរួមចំណែកបម្រើគណបក្សនិងប្រទេសជាតិ ប្រកបដោយស្មារតី ទទួលខុសត្រូវខ្ពស់ ក្រោមការដឹកនាំដ៏ត្រឹមត្រូវរបស់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស សម្តេចអគ្គមហាពញាចក្រី ហេង សំរិន ប្រធានកិត្តិយស គណបក្ស និងសម្តេចមហាបវរធិបតី ហ៊ុន ម៉ាណែត អនុប្រធានគណបក្ស និងជានាយករដ្ឋមន្ត្រីន ព្រះរាជាណាចក្រកម្ពុជា ជាអ្នកដឹកនាំជាតិ ។
លោកជំទាវ ជា សិរី បានបញ្ជាក់ឲ្យដឹងដែរថា÷ការរៀបចំក្រុមការងារចុះមូលដ្ឋានតាមភូមិ-ឃុំនាពេលនេះវាជាផ្នែកមួយនៃកត្ដារចនាសម្ព័ន្ធ ចាត់តាំង ត្រូវតែបានរៀបចំឲ្យបានច្បាស់លាស់ និងជាគោលដៅដ៏ជាក់លាក់មួយស្របតាមយុទ្ធសាស្ត្រដែលគណបក្សបានដាក់ចេញ ៕ អត្ថបទសហការ
ចែករំលែកព័តមាននេះ