(ចិន)៖ ស្ត្រីជនជាតិចិនម្នាក់ (មិនបង្ហាញអត្តសញ្ញាណ) ដែលជិះយន្តហោះជាលើកដំបូង បានបើកទ្វារច្រកសង្គ្រោះបន្ទាន់ ដោយស្មានថាជាទ្វារបន្ទប់ទឹក បណ្តាលឱ្យជើងហោះហើរត្រូវលុបចោល។ ឧបទ្ទវហេតុនេះបានកើតឡើងកាលពីថ្ងៃទី០៤ ខែកក្កដា នៅលើជើងហោះហើររបស់ក្រុមហ៊ុនអាកាសចរណ៍…
(ចិន)៖ ស្ត្រីជនជាតិចិនម្នាក់ (មិនបង្ហាញអត្តសញ្ញាណ) ដែលជិះយន្តហោះជាលើកដំបូង បានបើកទ្វារច្រកសង្គ្រោះបន្ទាន់ ដោយស្មានថាជាទ្វារបន្ទប់ទឹក បណ្តាលឱ្យជើងហោះហើរត្រូវលុបចោល។ ឧបទ្ទវហេតុនេះបានកើតឡើងកាលពីថ្ងៃទី០៤ ខែកក្កដា នៅលើជើងហោះហើររបស់ក្រុមហ៊ុនអាកាសចរណ៍ Air China ដែលចេញដំណើរពីទីក្រុង Quzhou ខេត្ត Zhejiang ទៅកាន់ទីក្រុង Chengdu។
ទំនងជាស្រ្តីរូបនោះដើររកបន្ទប់ទឹក ក៏ច្រឡំទៅបើកទ្វារសង្គ្រោះបន្ទាន់បណ្តាលឱ្យពោងខ្យល់ស្លាយជម្លៀសអាសន្នបានបើកធ្វើឱ្យមានការភ្ញាក់ផ្អើលជាខ្លាំងទាំងអ្នកបម្រើការយន្តហោះក៏ដូចជាអ្នកដំណើរផ្សេងទៀត។
យោងតាមសាក្សី បន្ទាប់ពីហេតុការណ៍នេះកើតឡើងទាំងក្រុមការងារក៏ដូចជាអ្នកដំណើរលើយន្តហោះបង្ខំចិត្តផ្លាស់ប្តូរជើងហោះហើរ ហើយស្ត្រីចិនរូបនោះក៏បានស្រក់ទឹកភ្នែកនៅពេលដែលនាងដឹងថានាងនឹងត្រូវសងថ្លៃខូចខាតរាប់ម៉ឺនដុល្លារ។
ការបើកទ្វារសង្គ្រោះបន្ទាន់លើយន្តហោះគឺខុសច្បាប់ក្នុងប្រទេសចិន។ ដូច្នេះហើយ ក្រៅពីត្រូវប៉ះប៉ូវថ្លៃជួសជុល ស្ត្រីនោះអាចប្រឈមនឹងការផាកពិន័យជាច្រើន។ តាមការប៉ាន់ប្រមាណតម្លៃជួសជុលសម្រាប់ក្រុមហ៊ុនអាកាសចរណ៍អាចឡើងដល់ជាង ២២,០០០ផោន ស្មើជាង ២៨,០០០ដុល្លារអាមេរិក។ ដោយសារតែយន្តហោះនឹងត្រូវបញ្ឈប់ប្រតិបត្តិការជាបណ្តោះអាសន្នសម្រាប់ការថែទាំពីរបីថ្ងៃ។ ក្រោយពីចុះពីយន្តហោះភ្លាម ស្ត្រីរូបនោះត្រូវបានប៉ូលិសនាំទៅសាកសួរ ហើយអ្នកដំណើរដែលរងផលប៉ះពាល់ក៏ត្រូវក្រុមហ៊ុនសងថ្លៃខូចខាតផងដែរ៕ ប្រភព៖ https://www.aerotime.aero/articles/first-time-flyer-confuses-emergency-exit-door-for-toilet-deploys-a319-slide
ចែករំលែកព័តមាននេះ