រាជធានីភ្នំពេញ ៖ តារាសម្តែងនាងព្រះកាយច័ន្ទ បានលើកឡើងពីកត្តាចំនួន៣ចំណុចដែលធ្វើឲ្យភាពយន្តថៃមានប្រជាប្រិយភាព ខណៈពេលដែលកត្តាទាំងនោះ គឺមានភាពខុសគ្នាមួយចំនួន បើប្រៀបធៀបជាមួយភាពយន្តខ្មែរនាពេលបច្ចុប្បន្ន ។ តារាសម្តែងស្រីរូបនេះបានលើកឡើងបែបនេះថា មូលហេតុដែលភាពយន្តថៃមានប្រជាប្រិយភាពមានកត្តារួមផ្សំដូចជា…
រាជធានីភ្នំពេញ ៖ តារាសម្តែងនាងព្រះកាយច័ន្ទ បានលើកឡើងពីកត្តាចំនួន៣ចំណុចដែលធ្វើឲ្យភាពយន្តថៃមានប្រជាប្រិយភាព ខណៈពេលដែលកត្តាទាំងនោះ គឺមានភាពខុសគ្នាមួយចំនួន បើប្រៀបធៀបជាមួយភាពយន្តខ្មែរនាពេលបច្ចុប្បន្ន ។
តារាសម្តែងស្រីរូបនេះបានលើកឡើងបែបនេះថា មូលហេតុដែលភាពយន្តថៃមានប្រជាប្រិយភាពមានកត្តារួមផ្សំដូចជា ៖
– បុគ្គល ឫតួសម្តែងទាំងអស់ក្នុងរឿងមានសមត្ថភាពពិត និងមានសិល្បៈក្នុងកាសម្តែង
– ថ្នាក់ដឹកនាំឲ្យតម្លៃទៅលើតួសម្តែងដែលមានក្បួនខ្នាតត្រឹមត្រូវនឹងអ្នកដែលមានសម្ថតភាពពិត
-អ្នកដឹកនាំរឿងមានបទពិសោធន៍ខ្ពស់លើការនិពន្ធនឹងដឹកនាំ ។
ភាពខុសគ្នាពីវិស័យភាពយន្តខ្មែរនាពេលបច្ចប្បន្ន ព្រះកាយច័ន្ទបានគូសបញ្ជាក់ច្បាស់ៗថា ភាពយន្តខ្មែរយកតែតួតាមខ្សែមិនខ្វល់ពីសមត្ថភាពមិនមានការប្រឡងសមត្ថភាពជាក់លាក់មួយនឹងយកតារាតាម tik tok ឬតារាល្បីតាមកម្មវិធីផ្សេងៗមិនថា ល្បីតាមបែបណាយកមកសម្ដែង ធ្វើឲ្យការសម្ដែងគ្មានព្រលឹងសិល្បៈក្នុងខ្លួន ។
យ៉ាងណា បើតាមព្រះកាយច័ន្ទ ខ្ញុំចង់ឱ្យភាពយន្តខ្មែរពោរពេញទៅដោយភាពរស់រវើកអ្នកសម្ដែងត្រូវមានសមត្ថភាពនឹងមានសិល្បៈក្នុងកាសម្តែង បើបន្តបែបនេះភាយន្តខ្មែររឹតតែអស់ឥទ្ធិពលនៅលើទីផ្សារសិល្បៈ។
ជាការកត់សម្គាល់ការលើកឡើងពីតារាសម្តែងនាង ព្រះកាយច័ន្ទ នាពេលនេះបានធ្វើឡើង បន្ទាប់ពីនៅលើបណ្តាញសង្គមមានមហាជនបាននឹងកំពុងនាំគ្នាផ្ទុះការវែកញែកគ្នា ជុំវិញការគាំទ្រច្រើនទៅលើភាពយន្តថៃមួយរឿងពីសំណាក់ទស្សនិកជនខ្មែរក្នុងពេលដែលភាពយន្តខ្មែរកំពុងចាក់បញ្ចាំងតំណាលគ្នាតែមិនសូវមានអ្នកគាំទ្រ ។
ការគាំទ្រភ្លូកទឹកភ្លូកដីពីសំណាក់ទស្សនិកជនខ្មែរ ចំពោះភាពយន្តថៃខាងលើនេះ បានក្លាយជាប្រធានបទដ៏ក្តៅនៅក្នុងការវែកញែកគ្នា បន្ទាប់ពីគេឃើញមានអ្នកលេងបណ្តាញសង្គមថៃមួយចំនួនបានប្រើប្រាស់ពាក្យសម្តីឌឺដងផ្លែផ្កាមកលើទស្សនិកជនកម្ពុជា ។
ចែករំលែកព័តមាននេះ